Жөлөк пул алуу жеңилдеп, талап кылынчу документтер кыскартылды
(жаңыланган 00:37 18.04.2018)
Жеңилдиктердин ордуна ай сайын акчалай компенсация буга чейин адамдын катталган жеринен гана берилип келген.БИШКЕК, 17-апр. — Sputnik. Жеңилдиктердин ордуна ай сайын акчалай компенсация төлөө тартиби жөнүндө жобого өзгөртүү жана толуктоолор киргизилди. Тийиштүү токтомго премьер-министр Сапар Исаков кол койгонун өкмөттүн маалымат кызматы билдирди.
Өзгөртүүлөр киргизилгенге дейре акчалай компенсация катталган жери боюнча берилип келген. Жыл сайын компенсация алуучулардан жашаган жеринен маалымдама талап кылынчу (алуучулардын көп бөлүгү кары-картаңдар), мүмкүнчүлүгү чектелген жактар майыптыгын тастыктаган, же кайра күбөлөндүрүүчү документтерди кагаз жүзүндө тапшырып турушкан.
Жаңы жобого ылайык төмөнкүлөр киргизилди:
— акчалай компенсацияны жарандын жашаган жери боюнча, арыз берүүчүнүн каттоосун талап кылбастан дайындоо;
— арыз берүүчүдөн талап кылынган документтердин ичинен жашаган жеринен маалымдаманы жоюу;
©
Sputnik / Табылды Кадырбеков
— Кыргыз Республикасынын Эмгек жана социалдык өнүктүрүү министрлигинин маалыматтар менен электрондук түрдө алмашууну караштырган өз ара аракеттенүү жөнүндө эки тараптуу ведомстволор аралык макулдашууларды түзүүсү каралган.
Белгилер:
Тема:
Күндүзгү стационар жана "Гансиден" чыккан таштанды кайда ыргытылат? ӨКМдин жообу
(жаңыланган 00:43 15.07.2020)
Социалдык тармак колдонуучулары стационарлардан, анын ичинде "Ганси" авиабазасынан чыккан медициналык таштандылар кайда ыргытыларына кызыгышкан.БИШКЕК, 15-июл. — Sputnik. Бишкектеги күндүзгү стационар жана "Семетей" обсервациясынан (мурдагы "Ганси" авиабазасы) чыккан медициналык таштандыны жеке менчик компаниялардын бири чогултуп, ташып кетип жок кылат. Бул тууралуу ӨКМ маалымат кызматы кабарлады.
Буга чейин социалдык тармактын колдонуучулары стационарлардан, анын ичинде "Ганси" авиабазасынан чыккан медициналык таштанды кайда ыргытыларына кызыгышкан.
"Мындай иш-чаралар Республикалык штабдын тапшырмасы, Жугуштуу ооруларды алдын алуу департаменти, Санитардык жана эпидемиологиялык көзөмөл борборунун сунушу менен жүргүзүлүп жатат. "Семетей" обсервациясындагы медициналык таштандыларды чогултуу, алып кетүү жана кайра иштетүүдө санитардык-эпидемиологиялык талаптар аткарылууда", — деп айтылат маалыматта.
ӨКМ элди такталбаган маалыматты тараптоого чакырды.
Белгилер:
Бишкекте түнкү стационарлар бейтаптарды кабыл ала баштады. Сүрөт
(жаңыланган 00:07 15.07.2020)
Түнкү стационарларда медиктер министрлик тарабынан бекитилген алгоритм боюнча дарылап, асма укол коюп, зарыл болсо бейтапты кычкылтек концентраторуна кошот.БИШКЕК, 14-июл. — Sputnik. Бүгүндөн тарта Бишкектеги түнкү стационарлар бейтаптарды кабыл ала баштады. Андагы медиктер эртең мененки саат 9:00гө чейин иштешет. Бул тууралуу мэриянын маалымат кызматы кабарлады.
Бүгүндөн тарта Бишкектеги түнкү стационарлар бейтаптарды кабыл ала баштады© пресс-служба мэрии города Бишкек
Андагы медиктер эртең мененки саат 9:00гө чейин иштешет© пресс-служба мэрии города Бишкек
Бул тууралуу мэриянын маалымат кызматы кабарлады© пресс-служба мэрии города Бишкек
©
пресс-служба мэрии города Бишкек
Эске салсак, борбор калаада түнкү эки стационар ачылган. Бири 7-кичи районундагы ДСК спорт комплексинин имаратында жайгашкан. Ал жакта 120 орун бар. Ал эми экинчиси — Фрунзе — Орозбеков көчөлөрүнүн кесилишинде жайгашкан "Консул" ресторанында ачылды. Анда 100 орун даярдалган.
"Түнкү стационарлар күндүзгүдөн айырмаланып абалы оор бейтаптарды кабыл алат. Бул жакта медиктер министрлик тарабынан бекитилген алгоритм боюнча дарылап, асма укол коюп, зарыл болсо бейтапты кычкылтек концентраторуна кошот", — деп айтылат билдирмеде.
Мэрия түнкү стационарларда санитардык эрежелер сактала турганын эскертти. Медиктер тамак-аш, жеке коргонуучу каражаттар менен камсыздалганы айтылды.