Мэрия Бишкека исправила грубые ошибки в написании названий двух оживленных улиц Бишкека.

Көсөнүн акылы түштөн кийин... Мэрия "Ш.Баатыр" дегенди түнү менен алмаштырып чыкты

(жаңыланган 21:12 18.04.2018)
Буга чейин ал көчөдө "Ш. Баатыр" деген такталар илинип турган

БИШКЕК, 18-апр. — Sputnik. Шабдан баатыр проспектисине олуттуу ката менен "Ш. Баатыр көчөсү" деп илинген такталар алмаштырылганын Бишкек мэриясынан билдиришти.

Белгилей кетсек, көчөнүн эки тарабына башынан-аягына чейин "Ш. Баатыр" деп жазылган такталар илинип турган. "Шабдан баатыр" деп толук жазылган тактаны көрүү мүмкүн эмес эле. Бул туурасында материал Sputnik Кыргызстан агенттигине кечээ, 17-апрелде, чыккан

Такталарды илүү иштерин мэриянын алдындагы "Бишкекасфальтсервис" муниципиалдык ишканасы жасаган.

  • Таблички с неправильным сокращением названия улиц в Бишкеке
    Шаабдан баатыр проспектисине олуттуу ката менен "Ш. Баатыр көчөсү" деп илинген такталар алмаштырылды
    © Sputnik / Табылды Кадырбеков
  • Таблички с неправильным сокращением названия улиц в Бишкеке
    Белгилей кетсек, көчөнүн эки тарабына башынан-аягына чейин "Ш. Баатыр" деп жазылган такталар илинип турган. "Шабдан баатыр" деп толук жазылган тактаны көрүү мүмкүн эмес эле.
    © пресс-служба мэрии города Бишкек
1 / 2
© Sputnik / Табылды Кадырбеков
Шаабдан баатыр проспектисине олуттуу ката менен "Ш. Баатыр көчөсү" деп илинген такталар алмаштырылды

"Көчөнүн аты жазылган такталар оңдолуп, 18-апрелге караган түнү кайрадан илинди. Жалпы жонунан 80 такта чыгарылган, анын 26сында ката кетип калган. Эске салсак, бул иштер демөөрчүлөрдүн каражатына жасалган болчу", — деп айтылат маалыматта.

Ошондой эле буга чейин ал аймак көчө деп жазылса, оңдолгон вариантында "Шаабдан баатыр проспектиси" экени көрсөтүлгөн. Мэриянын маалыматында кыргыздын дагы бир чыгаан инсаны Байтик баатырдын ысымы ыйгарылган көчөдөгү "Б. Баатыр" боюнча эч нерсе айтылган эмес.

Белгилей кетсек, Элдик Апрель революция күнүн утурлай борбор калаанын Шабдан баатыр көчөсү 7-Апрель болуп өзгөртүлгөн. Ал эми Чүй проспектисинин Ауэзов көчөсүнөн Курманжан даткага чейинки бөлүгүнө Шабдан баатырдын ысымы ыйгарылган. Ошол эле учурда көчөгө жаңыдан коюлган аты жазылган такталар илинген.

Белгилер:
ката, көчө, Бишкек мэриясы, Шабдан баатыр көчөсү
Тема боюнча
"Ш.Баатыр", "Б.Баатыр" көчөлөрү. Мэрия баатырлардын атын кырка чапканда
Шабдан баатыр көчөсү болбой эле 7-Апрель деп өзгөртүлмөй болду
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россиянын 11 аскер адамы КР президентинин энчилүү кол сааты менен сыйланды

(жаңыланган 23:29 19.04.2021)
Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

БИШКЕК, 19-апр.— Sputnik. Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды. Бул тууралуу өлкө башчынын маалымат кызматы кабарлады.

Церемония вручения именных часов президента Кыргызстана Садыра Жапарова 11 российским военнослужащим на авиабазе Кант
© Пресс-служба президента КР
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

Саат тапшыруу аземи "Кант" авиабазасында болуп, анда Кыргызстандын Коргоо министрлигинин жетекчилиги жана Коопсуздук кеңешинин катчылыгынын кызматкерлери болгон.

Машыгууга эки миңге жакын адам катышып, 100гө жакын автомобиль, сооттолгон жана атайын техника, 20га чейинки артиллериялык система, ошондой эле 10дой авиациялык техника тартылган. 

Белгилер:
сыйлык, Садыр Жапаров, президент, Аскер, саат, Россия, Кыргызстан
Тема боюнча
Элди эвакуациялап, Төрткүлдү кайтарышат. Кыргызстандагы машыгуунун видеосу
Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди

Ошто балдардын жугуштуу илдеттер ооруканасынын жаңы имараты эшигин ачты. Сүрөт

(жаңыланган 21:43 19.04.2021)
100 орунга ылайыкташкан жаңы оорукананын курулушу бир жыл ичинде бүткөн. Ал эми эски имараты толугу менен оңдолгон.

БИШКЕК, 19-апр.— Sputnik. Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди. Бул тууралуу мэриянын маалымат кызматы кабарлады.

Ага ылайык, жаңы оорукананын ачылыш аземине саламаттык сактоо жана социалдык өнүктүрүү министри Алымкадыр Бейшеналиев, Ош шаарынын вице-мэри Эмиль Шадыханов катышкан. Иш-чарада министр дарыгерлердин айлык акылары көтөрүлө тургандыгын белгилеген.

  • Новая городская детская инфекционная больница на 100 мест в городе Ош
    Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди
    © Фото / пресс-служба мэрии города Ош
  • Новая городская детская инфекционная больница на 100 мест в городе Ош
    Ага ылайык, жаңы оорукананын ачылыш аземине саламаттык сактоо жана социалдык өнүктүрүү министри Алымкадыр Бейшеналиев, Ош шаарынын вице-мэри Эмиль Шадыханов катышкан.
    © Фото / пресс-служба мэрии города Ош
  • Министр здравоохранения Алымкадыр Бейшеналиев и руководители городской мэрии Оша осматривают новую детскую инфекционную больницу
    Иш-чарада министр дарыгерлердин айлык акылары көтөрүлө тургандыгын белгилеген.
    © Фото / пресс-служба мэрии города Ош
  • Новая городская детская инфекционная больница на 100 мест в городе Ош
    Ал эми вице-мэр Эмиль Шадыханов былтыркы жылдагы каталыктарды кетирбеш үчүн шаар мэриясы болгон күч аракетин жумшап, жугуштуу илдет боюнча түшүндүрүү жана алдын алуу иш-чараларын көрүп жаткандыгын кошумчалаган.
    © Фото / пресс-служба мэрии города Ош
1 / 4
© Фото / пресс-служба мэрии города Ош
Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди

Ал эми вице-мэр Эмиль Шадыханов былтыркы жылдагы каталыктарды кетирбеш үчүн шаар мэриясы болгон күч аракетин жумшап, жугуштуу илдет боюнча түшүндүрүү жана алдын алуу иш-чараларын көрүп жаткандыгын кошумчалаган.

100 орунга ылайыкташкан оорукананын курулушу бир жыл ичинде бүткөнү айтылды. Ал эми медициналык мекеменин эски имараты толугу менен капиталдык оңдоп-түзөөдөн өткөнү маалым болду.

Белгилер:
азем, ачылыш, министр, оорукана, Ош, Кыргызстан
Тема боюнча
Алай районунда 60 орундуу жугуштуу илдеттер ооруканасы ачылды. Сүрөт