Мүрзө. Архивдик сурөт

Мөмөлүү дарактын көчөтүн тикпейт! Мүрзөгө карата 6 "болбойт"

2768
(жаңыланган 19:32 18.04.2018)
Мүрзө бир гана кыргыз элинде эмес, башка улуттарда да ыйык жер деп эсептелет. Себеби ал жерде каза болгон ата-бабалардын, туугандардын сөөгү жатат. Кыргыздарда көрүстөн айылдан обочо же дөбөчө жерде, ал эми шаарда атайын бөлүнгөн жайда болот.

Бейитти тебелеп-тепсеп, кор кылбаш үчүн кыргыз элинде байыртан эле ага карата бир катар тыюулар орун алган. Бул жолу биз этнопедагог Абдыкерим Муратовдун көмөгү менен мүрзөгө тиешелүү болбой турган учурларды карап чыктык.

Мүрзөнүн жанынан каткырып-күлүп өтпөйт. Бейиттин жанынан өтүп баратканда келме келтирип, колдон келсе жалпы арбактарга арнап куран окуп коюш керек.

Мүрзөгө мөмөлүү дарактын көчөтүн тикпейт. Эл арасында мөмөлүү дарак ал жайда жаткан адамга оордук келтирет деп айтылып жүрөт.

Мүрзөдө уктабайт. Көрүстөндө тамак ичип, оюн-күлкүнүн жаңырышы да туура эмес. Бул арбактарды сыйлабагандык болуп эсептелет.

Мүрзөнү карап даарат ушатпайт. Жакындарыңан ажырап каласың деген ишеним жашаган.

Мүрзөдө отуруп ичимдик ичпейт, урушпайт. Бейитте арак ичип, жаңжалдашкан кишилер жашоосунда жамандыкка кабылат деп айтылып жүрөт.

Көрүстөн тарапты сөөмөй менен көрсөтпөйт. Кокус көрсөтүп алса, анда сөөмөйүн буту менен тебелеп же тиштеп койгон ырым эл арасында колдонулуп келет.

2768
Белгилер:
арбак, каада-салт, көрүстөн
Тема:
"Болбойт" рубрикасы (83)
Тема боюнча
Жардыны журтка таштабайт! Көчкө байланыштуу 6 "болбойт"
Үйгө сүйрөп кирбейт, анты бар! Камчыга карата 6 "болбойт"
Жер таянып отурбайт, үшкүрүнбөйт! Жаш балдарга байланыштуу 7 "болбойт"
Отко салбайт! Сөөккө, жиликке карата 6 "болбойт"