Бишкектин тегерегиндеги мүрзөлөр 100 миң сом турабы? Бийликтин жообу

© AFP / KENZO TRIBOUILLARDМүрзө. Архив
Мүрзө. Архив - Sputnik Кыргызстан
Жазылуу
Жогорку Кеңештин депутаты Ирина Карамушкина Чүй облусунда маркумдарды көмө турган жайларды саткан "мафия гүлдөп жатканын" айтты.

БИШКЕК, 19-апр. — Sputnik. Чүй облусундагы Байтик айылында мүрзө үчүн жердин баасы 100 миң сомго чейин жетет деген маалымат чындыкка коошпойт. Мындай жоопту Sputnik Кыргызстан агенттигине Байтик айыл өкмөтүнүн башчысы Бакыт Жунушбаев айтты.

Нападение на ночной клуб Reina в Стамбуле - Sputnik Кыргызстан
Баламдын кыркынан кийин эле келиним күйөөгө тийип кетти. 7 небереси менен калган аял
12-апрелде Жогорку Кеңештин жыйынында депутат Ирина Карамушкина Чүй облусунда маркумду көмө турган жайларды саткан "мафия гүлдөп жатканын" айтты. Эл өкүлү ага Байтиктин тургуну "кишини көмүү үчүн жердин баасы 100 миң сом деп жатышат" деп кайрылгандан кийин бул маселени көтөрүп чыкканын айтты.

Жунушбаев анын айыл өкмөтүнө алты айыл карай тургандыгын жана алардын бардыгында өздөрүнүн мүрзөгө бөлүнгөн жери бар экендигин айтты.

"Мен "мүрзө мафиясы" боюнча бир дагы фактыга күбө болгон жокмун. Байтиктин жергиликтүү жашоочулары каза болсо бекер көмүлөт, ал эми мүрзө казгандарга акы төлөнөт", — деди ал.

Жунушбаев мүрзөгө көмүү кылмыш схемасы боюнча көрсөтмө берүү үчүн прокуратурага да чакырылгандыгын айтты.

Жаңылыктар түрмөгү
0