Болливудская актрисасы Карина Капур. Архив

Кыргыз балдары Радж, Бобби, Митхун. Индия киносунан улам коюлган аттар

261
(жаңыланган 20:06 24.04.2018)
Советтер Союзу учурунда Индия кинолору кеңири жайылган. Баары Радж Капур жана Митхун Чакраборти деген ысымдарды жатка билчү. Мындан улам сүйгөн актеронун ысмын өзүнүн балдарына койгону таң калычтуу эмес.

БИШКЕК, 23-апр. — Sputnik. Кыргызстанда Индия актерлорунун атын алган адамдар аз эмес. Бул тизмени Sputnik Кыргызстандын кабарчысы биометрикалык маалымат тапшырып шайлоочулардын тизмесине кирген 18 жаштан жогорку жарандардын арасынан тапты.

Ага ылайык, өлкөдө Капур аттуу киши жашайт. Баса, мындай фамилиядагы адамдар Индия кинематографиясынын атагын чыгарган. Бул фамилиядагы актерлордун кланы түзүлгөн десек да болот. Алардын бири Радж, анын ысымы 23 кыргызстандыкка ыйгарылган. (Радж Капур продюсер, сценарист жана актер. "Господин 420", "Бродяга" тасмаларында аткарган ролу менен таанымал). Ал эми Радждын ортончу уулу Ришинин аты кыргызстандык бир кишиге коюлуптур. Дагы бир мекендештин аты Анил, ал актер "Мистер, Индия" киносунда баш каарман катары таанымал.

Ал эми "Танцор диско" тасмасындагы баш каарман Болливуд жылдызы Митхун Чакрабортинин ысымын үч адам алган. Индия актерлордон айырмаланып, актрисаларынын ысымы коюлган эмес. Бирок алардын каармандарынын аттары бар. Алсак, Кыргызстанда үч Бобби, 15 Гита жана 28 Зита жашайт.

261
Белгилер:
ысым, кино, Индия
Тема боюнча
Ошбай, Париж-Турат. Ысымы шаар атынан коюлган кыргызстандыктар
Апенди, Аладдин, Тарзан... Жомок каармандарынын атын алып жүргөн кыргызстандыктар
Медицинский работник в защитном снаряжении на контрольно-пропускном пункте за пределами Бишкека, Кыргызстан, 23 марта 2020

Жээнбеков: коронавирус инфекциясы аймактардагы көйгөйлөрдү ачыкка чыгарды

0
(жаңыланган 13:54 04.06.2020)
Жээнбеков бүгүнкү онлайн-жыйында аймактарды санариптештирүү боюнча талаптар эми бир топ күчөтүлөрүн билдирди.

БИШКЕК, 4-июн. — Sputnik. Коронавирус инфекциясынан кийинки өзгөчө кырдаал аймактардагы топтолгон бир топ кемчилик, көйгөйлөрдү ачыкка чыгаргандыктан, облустарды санариптештирүү мамлекеттик саясаттын артыкчылыктуу багыты бойдон калат. Бул туурасында президент Сооронбай Жээнбеков өлкө аймактарынын жетекчилери, Бишкек жана Ош шаарларынын мэрлери менен санарип баарлашуу учурунда айтканын анын маалымат кызматы кабарлады.

Президент аймактарды башкаруу, жергиликтүү бизнести колдоо үчүн жаңы мүмкүнчүлүктөрдү натыйжалуу пайдаланып, региондордун атаандаштык артыкчылыктарын болушунча жогорулатуу керектигин баса белгилеген.

"Аймактарды санариптештирүү боюнча талаптар күчөтүлөт", — деген Жээнбеков.

Бул жыйында облус жана райондордун жетекчилеринин ишин баалоонун башкы критерийи эмнелер болорун да айткан.

"Негизги максатыбыз — жаңы санарип мамилелерди колдонуу менен региондорду комплекстүү жана ырааттуу өнүктүрүү. Бюрократияны кыскартып, жер-жерлерде калкка кызмат көрсөтүүнүн сапатын жогорулатуу, муниципалдык кызматтагы жол-жоболорду автоматташтыруу менен жарандарыбыздын жашоо-турмушун жеңилдетүү — негизги милдеттерибиздин бири. Региондорго санарип технологияларды киргизүү жана колдонуу чөйрөсүн кеңейтүү облус жана райондордун жетекчилеринин ишин баалоонун башкы критерийлеринин бири болуп калат", — деген президент.

Онлайн-жыйында өлкөнү санариптештирүү, аймактарды өнүктүрүү жана коронавирус инфекциясы менен күрөшүү боюнча чаралар талкууланды.

0
Белгилер:
жетекчи, талап, аймактар, коронавирус, Сооронбай Жээнбеков, Кыргызстан
Эл аралык Манас аэропортунда учак. Архив

15-июндан тарта тышкы каттамдар жанданат. Кайсы компаниялар учууга макулдук берди

9
(жаңыланган 13:44 04.06.2020)
“Түрк аба жолдору” 22-июндан баштап аба каттамдарын баштоого арыз берсе, “Аэрофлот” компаниясы июндун ортосунан тарта ишке киришүүгө даяр экендигин билдирген.

БИШКЕК, 4-июн. — Sputnik. Эл аралык аба каттамдарын 15-июндан баштап жаңылоо пландалып жатат. Бул тууралуу брифинг учурунда Жарандык авиация агенттигинин директору Курманбек Акышев билдирди.

Анын айтымында, Саламаттык сактоо министрлиги, аэропорттор жана Жарандык авиация агенттиги бир аптанын ичинде сырткы каттамдар боюнча алгоритм иштеп чыгат.

"Чет элдик компанияларга 15-июндан тарта учкула деп сунуштап жатабыз. "Түрк аба жолдору" 22-июндан баштап аба каттамдарын баштоого арыз беришти. Ал эми "Аэрофлот" компаниясы 15-июндан тарта ишке киришүүгө даяр экендигин билдирди", — деди Акышев.

Директор кошумчалагандай, бардык компанияларга бир ай бою жумасына бир жолу учуп туруу сунушталып жатат.

"Жалпысынан Кыргызстанга каттаган 6-7 компания бар. Алардын жарымы эле аптасына бир ирет учса, бир жумада барып-келиши менен 6-7 каттам жасап калат экен. Биздин жергиликтүү "Авиа Траффик" жумасына бир жолу ар кыл шаарларга учуп, 3-4 каттамдан аткарат", — деди жетекчи.

Каттамдардын саны азырынча дал ушунча болушуна Саламаттык сактоо жана Өзгөчө кырдаалдар министрликтери макул. Анткени бул көрсөткүч анча көп эмес болгондуктан, жүргүнчүлөрдү тосуп алып, медициналык кароодон өткөрүүгө жана обсервацияга жаткырууга мүмкүнчүлүк жетет.

Эске салсак, 5-июндан тарта өлкөдө ички авиарейстер менен аймактар аралык коомдук транспорт иштеп баштайт.

9
Белгилер:
авиакомпания, коронавирус, алгоритм, учак, каттам, Курманбек Акышев, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Министр: Бишкек — Оштун ортосунда авиакаттам жумасына бир эле жолу болот
РФ элчилиги "Кант" базасынын аймагы Россияга өтөт деген кабарды төгүндөдү