Зиядат Абдылдабекова, которая открыла пельменный цех в новостройке Ала-Тоо в Бишкеке во время работы

Колго пельмен түйүп саткан Зиядат: үйдө отурган аялдарды ишке тарта баштадым

1728
(жаңыланган 09:23 27.04.2018)
"Ала-Тоо" жаңы конушунун тургуну Зиядат Абдылдабекова ишкерлик чөйрөсүнө жаңыдан аралаша баштады. Колго пельмен түйүп сатып, өзү гана эмес, бала менен үйдө отурган келиндерди да жумуш менен камсыз кылган.

Жөн отурбай чакан болсо да аялдарга иш берип, колдун пельмендерин сунуштаган жаш ишкер менен Sputnik Кыргызстан агенттиги жолугуп келди.

29 жаштагы Зиядат Абдылдабекова өзү базарда эт сатып иштегендиктен таң атпай жумушка 5терде кетет экен. Түшкө чейин соода кылып, андан соң пельмен түйгөн чакан цехине келет. Азырынча эт туураган аппараты жок болгондуктан, этти базардан майдалатып даярдай келерин айтты.

© Sputnik / Эмиль Садыров
Абдылдабекованын чакан ишкерлиги тууралуу видео

"Буга чейин эт сатып "Ош" базарда иштечүмүн. Бир күнү социалдык ишкерлер ассоциациясынын "Жаңы конуштардагы аялдардын жашоосун жакшыртуу" деген долбооруна катышып калдым. Уюштуруучулар катышуучулардан "ишкерлик кылууга кайсы тармакты тандайсыңар?" деп сурап калды. Эт менен иштегендиктен мен пельмен түйүп сатуу сунушун киргиздим. Дароо колдоп, чакан цех ачууга алар да көмөктөштү. Башында өзүм үйдөн жалгыз эле түйчүмүн. Кийинчерээк буйрутмалар көбөйө баштагандыктан ишке үйдө бала карап отурган келиндерден алдым", — деди жаш ишкер.

Чакан цехтин үч жумушчусу бир күндө 20 килограммдай пельмен жасашат. Кадимки үйдүкүндөй баарын колго түйүп чыгышат экен. Даяр болгон продукция азырынча "Ала-Тоо" жана "Ак-Ордо" жаңы конуштарынын дүкөндөрүнө гана таратылып жатыптыр.

Зиядат Абдылдабекова, которая открыла пельменный цех в новостройке Ала-Тоо на окраине Бишкека
© Sputnik / Табылды Кадырбеков
Үйдө отурган аялдарды жумушка тарткан Зиядат

"Негизи пельмендин бир килограммын 200 сомго баалап жатабыз. Бирок биз аны жарым килограммдан кылып бөлүп, баштыкка даяр кылып салып беребиз. Ошондо бир баштык пельмен дүкөндөрдө 100 сом турат", — деди Абдылдабекова.

"Ала-Тоо" жаңы конушунун тургуну Сагын Акматова буга чейин мугалим болуп иштеп, пенсияга чыккан. Учурда небере карап жаткан аял бул жумуш ага абдан ыңгайлуу экенин айтты.

  • Өзү түшкө чейин Ош базарында эт сатып иштейт
    Өзү түшкө чейин "Ош" базарында эт сатып иштейт
    © Sputnik / Табылды Кадырбеков
  • Чакан цехтин үч жумушчусу бир күндө 20 килограммдай пельмен жасашат
    Чакан цехтин үч жумушчусу бир күндө 20 килограммдай пельмен жасашат
    © Sputnik / Табылды Кадырбеков
  • Кадимки үйдүкүндөй баарын колго түйүп чыгышат
    Кадимки үйдүкүндөй баарын колго түйүп чыгышат
    © Sputnik / Табылды Кадырбеков
  • Бир баштыгын 100 сомдон сатып алса болот
    Бир баштыгын 100 сомдон сатып алса болот
    © Sputnik / Табылды Кадырбеков
1 / 4
© Sputnik / Табылды Кадырбеков
Өзү түшкө чейин "Ош" базарында эт сатып иштейт

"Үйүм жакын эле, кирип чыгып иштей берем. Жумуш түштөн кийин башталат, келиндер менен сүйлөшүп жатып, пельменди тез эле түйүп коебуз. Бир чети алаксып, бир жагынан акча таап, айтор, үйдө отургандарга жакшы эле иш экен", — деди Акматова.

Зиядаттын негизги максаттарынын бири — пельмен цехин кеңейтип, майып балдары менен үйдө отурган энелерди да жумуш менен камсыз кылуу. Ал ошондой эле аз акча менен ар бир аял ишкерликти баштаса болорун кошумчалап кетти.

1728
Белгилер:
ишкер, жаңы конуштар, пельмен, Бишкек
Тема боюнча
Кыргызстанда миллионер кылчу бизнестин 8 түрү. Адистердин кеңеши
Айыл элин бекер машыктырган Москва чемпиону Бообек: элеттен да миллион тапса болот

Брюс Лини туураган Нурмухаммед өзгөчө өнөрү менен рекорд койду. Видео

15
(жаңыланган 18:20 01.03.2021)
Брюс Линин ыкмаларын дал өзүндөй жасаган кыргызстандык жеткинчек Нурмухаммед Ташмаматов Россиянын Биринчи каналы уюштурган "Я почти знаменит" долбооруна катышты. Ал нунчакты колдонуп, өнөрүн тартуулады.

Кыргызстандык бала бир мүнөттүн ичинде теннис столунун үстүндө нунчак менен 49 ирет топту тосуп кайра урган. Рекорддун видеосу Interrecord эл аралык агенттигинин YouTube-каналына жарыяланды.

Interrecord — рекорддорду каттоого алган эл аралык агенттик. Алар 10 жаштагы кыргыз баланын рекордун расмий түрдө каттоого алган. Бул боюнча сертификатты Ташмаматовго агенттиктин директору Влад Капыло тапшырган.

"Я почти знаменит" долбоору Биринчи каналда (Россия) жыл жаңырганда башталган. Анда катышуучулар телекөрүүчүлөргө элде жок өнөрлөрүн көрсөтөт. Ар бирине мүмкүнчүлүк берилип, аларды үч адамдан турган калыстар тобу баалайт.

Ар бир тандоо турунда 11 катышуучу финалга чыгуу үчүн таймашат. Программанын баш байгеси — үч миллион рубль.

Белгилей кетсек, Брюс Лини туурап, анын ыкмаларын жасаган кыргызстандык бала буга чейин Биринчи каналдын "Лучше всех" долбооруна да катышкан.

15
Белгилер:
Нурмухаммед Ташмаматов, видео, өнөр, теннис, рекорд, жеткинчек, Россия, Кыргызстан
Тема боюнча
Кыргызстандык кыз "Лучше всех" шоусунда спорттун өзгөчө түрүн көрсөттү. Видео
Тазалык ишкананын кызматкери Мадина Токобаева апасы менен жолду тазалап жатканда BMW үлгүсүндөгү машинанын айдоочусу аны сүзүп, из жашырып кеткен.

Бишкекте таңда унаа коюп, ооруканага түшкөн "Тазалыкчынын" абалы айтылды

11
(жаңыланган 18:19 01.03.2021)
Бир нече күн мурун ишкананын кызматкери Мадина Токобаева апасы менен жолду тазалап жатканда BMW үлгүсүндөгү машинанын айдоочусу аны сүзүп, из жашырып кеткен.

БИШКЕК, 1-мар. — Sputnik. Бишкек шаарынын мэринин милдетин аткаруучу Бактыбек Кудайбергенов жана вице-мэр Жамалбек Ырсалиев жол кырсыгына кабылган "Тазалык" муниципалдык ишканасынын кызматкеринин абалын билди. Бул тууралуу мэриянын маалымат кызматы кабарлады.

Билдирмеге ылайык, бир нече күн мурун таңкы саат 6:30да ишкананын кызматкери Мадина Токобаева апасы Жылдыз Орозалиева менен Каралаев жана Сүйөркулов көчөлөрүнүн кесилишиндеги жолду тазалап жатышкан.

"Эки кызматкер тең өңү чагылышып турган атайын жилеттерди кийгени менен Каралаев көчөсү менен түштүк-чыгыш тараптан катуу ылдамдыкта келе жаткан BMW үлгүсүндөгү кара түстөгү унаа Мадина Токобаеваны сүзүп кеткен. Ал бети-башы канжалап, эс-учун жоготуп жатып калган. Энеси айдоочунун унаасынын номерин караганга жетишкен эмес, ал из жашырып кеткен", — деп айтылат маалыматта.

Токобаева Тез жардам кызматынын унаасында эсине келген, учурда Бишкек шаардык травматология жана ортопедия илим-изилдөө борборунда дарыланууда. Мээси чайкалып, буту сынып, көзү-башы көгөрүп, шишигени белгилүү болду. 

Исполняющий обязанности мэра Бактыбек Кудайбергенов навестил работницу муниципального предприятия Тазалык, пострадавшую в результате наезда
© пресс-служба мэрии города Бишкек
Бишкек шаарынын мэринин милдетин аткаруучу Бактыбек Кудайбергенов жана вице-мэр Жамалбек Ырсалиев жол кырсыгына кабылган "Тазалык" муниципалдык ишканасынын кызматкеринин абалын билди
"Бүгүн мэрдин милдетин аткаруучу Бактыбек Кудайбергенов жана вице-мэр Жамалбек Ырсалиев ооруканага келип кызматкердин абалын билип кетти. Кыздын абалы бир аз жакшырып, өз алдынча отуруп калды", — деп жазылган билдирмеде.

Мэрия кошумчалагандай, жол кырсыгынан кийин айдоочунун тууганы делген Фархад аттуу адам Токобаеванын дарылануусуна жардам бергени айтылган. Рулда 17 жаштагы бала болгон. Жол кырсыгынын себеби аныкталып жатат.

Ошондой эле "Тазалыктын" кызматкерлери камсыздандырылганы, ишкана материалдык жардам көрсөткөнү белгиленди.

11
Белгилер:
мэр, жол кырсык, кызматкер, МП "Тазалык", Бишкек
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкектин чок ортосунда тайгаланган автоунаа арыкка түшүп кетти. Видео
Бишкекте Subaru түркүктү сүзүп, ал унаанын үстүнө кулаган. Кырсыктын видеосу