Той. Архивдик сүрөт

Тойду жаңыча өткөрүүнүн сценарийине сынак жарыяланды

564
(жаңыланган 10:30 28.04.2018)
Тойду өткөрүү боюнча сунушталган сценарийди 11 кишиден турган калыстар тобу тандамакчы

БИШКЕК, 27-апр. — Sputnik. Кыргыз тойлорун жаңы үлгүдө өткөрүү боюнча сценарийге Маданият, маалымат жана туризм министрлиги конкурс жарыялады. Бул туурасында аталган министрликтин маалымат кызматы кабарлады.

"Көптөгөн тойлор байлыгын даңазалоо, обу жок мактануу менен коштолууда. Айрым учурларда той ээлери насыя алып, аны жаба албай, карызга батып жатканы да жашыруун болбой калды. Буга байланыштуу тойлорду жөнөкөйлөштүрүү жана ысырапчылыкка бөгөт коюу максатында аталган конкурс жарыяланды", — деп билдиришти министрликтен.

Төмөндө министрлик жарыяланган конкурстун максаты менен шарттарын толук беребиз.

Конкурстун максаты:

— Тойлорду өткөрүүнүн дүйнөлүк мыкты тажрыйбалары менен улуттук салттарды жана жөрөлгөлөрдү шайкеш келтирүү;

— Ысырапчылыкка бөгөт коюу;

— Сырттан алынган, сапатсыз кийим-кечектерди, буюмдарды кийитке, белекке таратуу адатынан, кыскасы, ашыкча чыгымдардан арылуу;

— Тойлордо тамак-аш тартуунун жаңы жол-жобосун иштеп чыгуу (ар башка азыктарды, суусундуктарды жана ичимдиктерди тынымсыз керектөөнүн артынан саламаттыкка зыяны тийип жатканын медиктер айтып жатышат);

Той өткөрүүнүн жаңы маданиятын калыптандыруу (тамадалардын ролу, ырчы-бийчилердин биринин артынан биринин катышуусу ж.б.у.с.).

Өткөрүү тартиби:

— Конкурска каалоочулардын бардыгы катыша алат;

— Сценарийлер мамлекеттик же расмий тилде кабыл алынат;

— Сценарийлерде үйлөнүү үлпөтүн, маарекелерди, тушоо кесүү, сүннөт тойлорду өткөрүүнүн жаңы жол-жоболору камтылууга тийиш;

Сценарийди аталган министрликтин маданиятты, искусствону жана кесиптик билим берүүнү өнүктүрүү башкармалыгынын iskusstvo_art@mail.ru дарегине жазып, (0312) 621194, 623497 телефон номерлерине чалышы керектиги айтылган.

Эмгектер 2018-жылдын 1-майынан тарат 15-сентябрь саат 12.00гө чейин кабыл алынат.

1-орун үчүн 100 000, 2-орун үчүн 70 000, 3-орун үчүн 30 миң сом каралган.

Сынакты өткөрүү үчүн Маданият, маалымат жана туризм министрлиги тарабынан 11ден кем эмес адамдан турган калыстар тобу түзүлөт. Ага министр Султан Жумагулов жетекчилик кылат.

Буга чейин Sputnik Кыргызстан "Насыя жана той — жүрөк оорутпай кантип той берсе болот" аттуу тегерек стол өткөрүп, анда бир топ пикирлер айтылган. 

564
Белгилер:
той, насыя, сынак, акча, Кыргызстан
Тема боюнча
Өзүн актаган жана сызга отургузган тойлор. Инсультка жеткирген насыя
Салянованын тойлордо конок санын чектеген мыйзам долбоору өтпөй калды
Мурдагы президент Алмазбек Атамбаевдин Кой-Таш айылындагы үйүндөгү атайы операция. Архив

Кой-Таш окуясы боюнча соттун онлайн-отуруму жылдырылды. Себеби

29
(жаңыланган 16:54 03.08.2020)
Жогорку соттон кабарлашкандай, Бишкекте соттук отурумдар эпидемиологиялык кырдаалды эске алуу менен видео байланыш форматында өтүп жатат.

БИШКЕК, 3-авг. — Sputnik. Кой-Таш окуясы боюнча соттук отурум 5-августка жылдырылды. Бул тууралуу Жогорку соттун маалымат кызматынан билдиришти.

"Бүгүн видео байланыш форматында өтө турган соттук отурум айыпталуучулардын бири ден соолугуна байланыштуу дарылоочу № 47 абакка которулганына байланыштуу болбой калды. Кийинки отурум шаршемби күнү саат 10:00гө дайындалды", — деп айтылат билдирүүдө.

Жогорку соттон кабарлашкандай, Бишкекте соттук отурумдар эпидемиологиялык кырдаалды эске алуу менен видео байланыш форматында өтүп жатат.

УКМК тергөө абагын карантинге жаптыбы? Мекеменин жообу

Кой-Таш окуясы

Мурдагы президент Алмазбек Атамбаев 2019-жылы 7-8-августтагы Кой-Таш окуяларынан соң камакка алынган. Жалпысынан Атамбаев сегиз эпизод менен шектелүүдө. Бул окуядан бир киши каза таап, 175 адамдын дарыгерлерге кайрылганы белгилүү болгон.

Атамбаевден тышкары Кой-Таш окусы боюнча анын тарапташтары Фарид Ниязов, Равшан Жээнбеков, Мээрбек Мискенбаев, Канат Сагымбаев, Марат Шаменов, Рысбек Карыпбек уулу, Фархат Баабиев, Канат Осмоналиев жана Нооруз Капарбек уулу кармалган.

Алмазбек Атамбаев пневмониядан айыгып кайра абакка которулду

ЖК депутаттары Асел Кодуранова, Ирина Карамушкина жана Атамбаевдин кеңешчиси Кундуз Жолдубаева үй камагында.

 

29
Белгилер:
Алмазбек Атамбаев, Отурум, сот, Бишкек, Кой-Таш
Тема:
Атамбаевдин Кой-Таштагы үйүндөгү атайын операция
Тема боюнча
Атамбаев менен Жолдубаева жазага тартылды. Сот залынан видео
Ош шаарындагы күндүзгү стационар. Архив

Бейтаптар азайып... Оштогу беш стационардын бири ишин жыйынтыктады

38
(жаңыланган 16:57 03.08.2020)
Ушул тапта калаада төрт стационар бейтаптарды кабыл алууда. Анын үчөө күнү-түнү иштесе, бирөө жарыкта гана оорулууларды тейлейт.

БИШКЕК, 3-авг. — Sputnik. Ош шаарында абал салыштырмалуу турукташканына байланыштуу күнү-түнү иштеп жаткан стационарлардын бири жабылды. Бул тууралуу муниципалитеттин маалымат кызматы кабарлады.

Ага ылайык, калаа боюнча коронавируска кабылган бейтаптарды тейлеген беш стационар бар болчу. Бейтаптардын саны азайгандыктан Алишер Навои атындагы мектептеги медициналык жай жабылды.

Бишкекте бейтаптар азайып, күндүзгү төрт стационар жабылмай болду

"Учурда Манас-Ата кичи районундагы "Каныкей" ресторанында, Амир-Тимур кичи районундагы жеке клиникада жана Кулатов кичи районундагы "Газпром" спорт мектебинде күнү-түнү иштеген стационарлар ишин улантууда. Ал эми Туран кичи районундагы медресеге ачылган стационар күндүзү гана иштейт", — деп билдирди мэрия.

Белгилей кетсек, республика боюнча вирус жуктуруп алгандардын жалпы саны 37 129га жетсе, анын 2 863ү Ош шаарында катталган.

 

38
Белгилер:
бейтап, стационар, Ош мэриясы, Ош
Тема:
Коронавируска байланыштуу Кыргызстандагы кырдаал
Тема боюнча
Боронов курула турган ооруканалардын сапаттуу болушун талап кылды
Председатель Центральной комиссии по выборам и проведению референдумов Кыргызской Республики Нуржан Шайлдабекова во время визита к премьер-министру

Шайлдабекова: үгүт иштеринде концерт, спорттук оюндарды өткөрүүгө тыюу салынат

0
(жаңыланган 17:40 03.08.2020)
Борбордук шайлоо комиссиясынын төрайымы Нуржан Шайлдабекова 4-октбярда өтө турган парламенттик шайлоонун үгүт иштери учурунда массалык оюн-зоокторго тыюу салынарын айтты.
Шайлдабекова: үгүт иштеринде концерт, спорттук оюндарды өткөрүүгө тыюу салынат

Конституцияда шайлоонун үгүт иштери учурунда массалык түрдө эл чогултуп спорттук оюндарды, концерт өткөрүүгө тыюу салынган. Бул мыйзам азыркы эпидемиологиялык шартка абдан туура келип жатат. Бул тууралуу Нуржан Шайлдабекова Sputnik Кыргызстан радиосунун "Ачык кеп" программасына маек куруп жатып билдирди.

Анын айтымында, быйыл октябрь айында өтүүчү парламенттик шайлоодо үгүт иштери көбүнесе интернет платформасында жүргүзүлөт.

Шайлдабекова: шайлоо өткөрүүгө санитардык каражаттар колдоо катары келет

"Баш мыйзамда шайлоо алдындагы үгүт иштеринде спорттук оюндарды, концерттерди өткөрүүгө тыюу салынган. Анткени оюн-зооктордо партиянын программасы, талапкерлер тууралуу маалымат айтылбай эле жөн гана көңүл ачуу максаты аткарылып жатат. Андыктан Конститутция буга чейин эле мындай аракеттерге тыюу салган болчу. Бирок азыр эпидемиологиялык абал курчуп турганда бул мыйзамды аткарылышына өзгөчө көңүл бурулушу шарт. Шайлоону өткөрүү боюнча түзүлгөн республикалык штаб да бул боюнча алгоритмдерди иштеп чыгат", — деди Шайлдабекова.

Ал Кыргызстандын ар бир жараны санитардык-эпидемиологиялык эрежелерди сактоого милдеттүү экендигин кошумчалады.

0
Тема боюнча
Бактыгулов: келе жаткан шайлоодо аймактардагы лидерлер чоң роль ойнойт