Төрт жашында фотомодель болгон Айыма Бактыбек кызы

Төрт жашында фотомодель болгон Айыма. Наристенин апасы менен маек

(жаңыланган 09:17 02.05.2018)
Сиз төрт жашар балаңыздын сүйлөгөн бал тилине, күндө жаңы чыккан өнөрлөрүнө элжиреп отурасызбы? Ооба, адатта мындай курактагы балдарды момпосуй жесе, курсагы тойсо башка нерсе менен баш оорутпайт дейбиз.

Биздин бүгүнкү каарман Айыма Бактыбек кызы саркеч кийинип, кадимки чоң кыздардай болуп койкоюп сүрөткө түшөт. Апасы алып барган Instagram баракчасына баш баксаңыз, ар башка образда түшкөн сүрөттөрүн көрүүгө болот. Бул бөбөк кичинекейлердин кийимин саткан дүкөндөрдүн жүзү болуп, жарнамалап турат экен.

Төрт жашар кыз Sputnik Кыргызстан агенттигинде конокто болду. Кыздын апасы Нази Асылбековага бир нече собол узаттык. 

  • 4-летняя фотомодель Айыма Бактыбек кызы
    Нази Асылбекова: Айыма салмагы 2,5 килограмм болуп төрөлдү. Аны көтөрүп алып сейилдегени чыксам коңшуларым жаш кыз куурчак ойноп жүрөт деп ойлошуптур
    © Sputnik / Жоомарт Ураимов
  • 4-летняя фотомодель Айыма Бактыбек кызы
    Нази Асылбекова: көбүнчө кийимдеринин дизайнын өзүм жасайм. Тигүүчү эжебиз бар, ал жарашыктуу кылып тигип берет
    © Sputnik / Жоомарт Ураимов
  • 4-летняя фотомодель Айыма Бактыбек кызы
    Нази Асылбекова: өзүм кийимге талабым жогору болгону менен кызымды ушундай алып жүрөм деп ойлогон эмесмин. Айыма төрөлгөндөн кийин эле ушундай идея жаралып кетти
    © Sputnik / Жоомарт Ураимов
1 / 3
© Sputnik / Жоомарт Ураимов
Нази Асылбекова: Айыма салмагы 2,5 килограмм болуп төрөлдү. Аны көтөрүп алып сейилдегени чыксам коңшуларым жаш кыз куурчак ойноп жүрөт деп ойлошуптур

— Алгач өзүмдүн карындаштарымды, анан Айыманы карап таң калып жатам. Кызыңыз бешиктен бели чыга элегинде профессионал моделдерче сүрөткү түшкөндү кайдан үйрөндү?

— Негизи бул чөйрөгө өзүм кызыгам. Мен да кийимге кызыгып,  саркеч кийинип жүрчүмүн. Турмушка чыга электе мени жакындарым "Барби" деп коюшчу. Айыма салмагы 2,5 килограмм болуп төрөлдү. Аны көтөрүп алып сейилдегени чыксам коңшуларым жаш кыз куурчак ойноп жүрөт деп ойлошуптур. Кийин көргөндө таң калып "кийимдерди кайдан аласыз?" деп сурашкан.

— Чын эле кийимдерди кайдан аласыздар? Instagram баракчасын карасам, ар сүрөтүндө ар башка кийим кийим түшүптүр.

— Көбүнчө кийимдеринин дизайнын өзүм жасайм. Тигүүчү эжебиз бар, ал жарашыктуу кылып тигип берет. Андан тышкары, дүкөндөрдү жарнамалап кийимдерди белекке алып турабыз. Бут кийимине келгенде айла жок сатып алабыз. Кызымды төрөлгөндөн тартып эле ушинтип кийинтип жүрөм. 

4-летняя фотомодель Айыма Бактыбек кызы во время фотосета
© Фото / Нази Асылбекова
Нази Асылбекова: кызымды төрөлгөндөн тартып эле ушинтип кийинтип жүрөм

— Өзүңүз да моделдик чөйрөгө аралаштыңыз беле же жетпей калган кыялыңызды кызыңыз орундатышын каалайсызбы?

— Жок. Модель болгон эмесмин, кыялымды орундатсын деп деле тилек кылбайм. Өзүм кийимге талабым жогору болгону менен кызымды ушундай алып жүрөм деп ойлогон эмесмин. Айыма төрөлгөндөн кийин эле ушундай идея жаралып кетти. Бирок кайненем убагында туфлисине жараша баш кийим алып, саркеч кийинип жүрчү экен. Өзүмдүн таежем да сулуулук сынактарына катышып жүргөн.

— Демек, канында бар экен да. Айтсаңыз, бир сүрөттү тартууга канча убакыт кетет?

— Көбүнчө өзүм эле телефонго тартып киргизем. Бир сүрөттү бери дегенде 500 жолудай тартып, бир күндөй убактыбыз кетет. Кээде көңүлү келбей, көк беттенип туруп алат. Ал күнү токтотуп үйгө алып кетип, эртеси тартабыз.

Кызым атактуу адамдардын, ырчылардын да стилин туурап чыгат. Мисалы, Асел Кадырбекова, Айжан Асемова, Валентина Шевченконун образында сүрөт жүктөгөнүбүздө аябай жакшы кабыл алышкан.

— Социалдык тармактарга канча жашынан бери киргизип жатасыз?

— Instagram баракчасын эки жарым жашында ачып сүрөттөрүн жайгаштыра баштадык. Ошондон кийин бутиктерден сунуш түшө баштады. Учурда  үч дүкөн менен дайыма иштешебиз. Жаңы товар келген сайын чакырып турушат. Негизи жалпы жонунан 10дон ашык дүкөн менен кызматташтык. Жакында эле аксессуар саткан дүкөндүн жарнамалык ролигине тартылдык. Өткөн жылы калаадагы кайсы бир соода борбору уюштурган "Мини Мисс —2017" сынагына катышып, баш байгени жеңип алдык.

— Сыр болбосо, кызмат акыңыздар канча?

— Биз келишим түзүп же белгилүү өлчөмдө акча сурабайбыз. Өздөрү көңүлүнөн чыкканын берет же болбосо бир кийимин белек кылып коет. Үйдөгү чоң шкаф толо Айыманын кийими. Жолдошумдуку, меники, баламдыкы бир бурчунда эле калган.

— Кыргызстанда Айыма сыяктуу социалдык тармактарда активдүү балдар көппү?

— Аракет кылып жаткандар болсо керек. Бирок биздей болуп такай иштегендерди көрө элекмин. Азырынча теңтайлаша турган атаандашыбыз жок десем болот. Кызымдын сүрөттөрү бир топ чет элдик интернет журналга кирген. Түркия, Америка, Албания, Армения жана Германиядан досторду таптык. Жаңы сүрөт киргизгенде бири-бирибизден сурап турабыз. Мен туризм жаатында окугандыктан англис тилин жакшы өздөштүргөм.

— Атасы бул жумушуңуздарды кандай кабылдайт?

— Атасы каршы эмеспи деп көп сурашат. Чынында андай эмес, ал да бизди колдоп, жардамын аябайт. Өзү кийимдерди алып келип, жаңы бир нерселерди айтып турат. Мындан сырткары, атасы өзү шахмат үйрөтүүдө, бий курсуна да жаздырдык. 

4-летняя фотомодель Айыма Бактыбек кызы во время фотосета
© Фото / предоставлено Нази Асылбековой
Нази Асылбекова: көбүнчө өзүм эле телефонго тартып киргизем. Бир сүрөттү бери дегенде 500 жолудай тартып, бир күндөй убактыбыз кетет. Кээде көңүлү келбей, көк беттенип туруп алат

— Кызыңызды келечекте кайсы жактан көргүңүз келет?

— Азыр жасап жаткан нерселер — менин кызыгуум да. Чоңойгондо өзүнөн сурайм, эгер башка тармакты тандайм десе мажбурлабайм. Негизи мектепке бара баштаганда, муну токтотобуз деп ойлойм. Себеби классташтарынын арасында терс таасирин тийгизиши мүмкүн.

Белгилер:
кыздар, саркеч, модель, маек, Айыма Бактыбек кызы
Тема боюнча
Жаш актер мачо-Азамат Америкага барып тасмага тартылып келди
Үндүктөрдү арачалаган бөбөктүн атасы: уулум мекиян талашкан короздор менен кармашты
Атам мага ишенген эмес! Галкинди таң калтырган Албанали төгүлүп-чачылып маек берди
Бүтүндөй командам сызга отургузуп кеткен. Дизайнер Замира Молдошева менен маек
Сокулук музыкалык мектебинин окуучусу Адинай Жумакадырова комуз белекке алды

Президенттен комуз сураган Адинай белегин алды. Сүрөт

(жаңыланган 18:57 20.04.2021)
Өзүмдүн өрүк комузум болсо деп кыялданган окуучу кыз президентке кат жазып көрүүнү чечкен. Мамлекет башчы Адинайдын өтүнүчүн жоопсуз калтырган жок.

БИШКЕК, 20-апр. — Sputnik. Сокулук музыкалык мектебинин 3-класстагы окуучусу Адинай Жумакадырова мамлекет башчы Садыр Жапаровдон комуз белекке алды. Бул тууралуу президенттин аппаратынан билдиришти.

  • Сокулук музыкалык мектебинин 3-класстагы окуучусу Адинай Жумакадырова мамлекет башчы Садыр Жапаровдон комуз белекке алды
    © Пресс-служба президента КР / Султан Досалиев
  • Маалыматка караганда, тестиер кыз Нооруз майрамына карата президентке кат жолдоп, өрүк комуз белек кылууну суранган
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Сокулук музыкалык мектебинин 3-класстагы окуучусу Адинай Жумакадырова мамлекет башчы Садыр Жапаровдон комуз белекке алды

Маалыматка караганда, тестиер кыз Нооруз майрамына карата президентке кат жолдоп, өрүк комуз белек кылууну суранган.

Бүгүн, 20-апрелде, президенттин аппаратынын гуманитардык өнүктүрүүгө мониторинг жүргүзүү жана жарандык коомдун институттары менен өз ара кызматташуу бөлүмүнүн башчысы Кудайберген Базарбаев Адинайдын өтүнүчүн аткарып, президенттин атынан ага комуз белек кылды.

"Адинайдын жолдогон каты дарегине жетти. Бүгүн биз Садыр Жапаровдун атынан улуттук музыкалык аспапты Адинайга белекке тапшырып жатканыбызга кубанычтабыз. Комуз өрүктөн жасалган. Мамлекет башчы Адинай мыкты музыкант болуп, эл аралык конкурстарда өлкөнүн атынан чыгат деген чоң үмүтүн билдирди", — деди Базарбаев.

Ал эми жаш музыканттын апасы Асел Асаналиева президентке кат жазуу кыздын жеке идеясы болгонун айтты.

Кыргызстандын президенти Садыр Жапаров. Архив
© Пресс-служба президента КР / Султан Досалиев
"Адинай бала кезинен эле музыкага, комузга өзгөчө жакын. Ар дайым өзүмдүн комузум болсо деп кыялданчу. Кыялын ишке ашырууга аракеттенип, президенттен суроону чечкен. Көп өтпөй эле комуз белекке берилери жөнүндө кабарлашты", — деди ал.

Адинай аспапка аяр мамиле жасап, көрүнүктүү комузчу болуш үчүн болгон күч-аракетин жумшарын белгиледи.

Тема боюнча
Жапаров: Бишкек баатыр ырыс жылоологон касиеттүү адамдардан болгон
Бишкектеги көп кабаттуу үйлөрүнө көрүнүш. Архивдик сүрөт

Бишкектин айрым бөлүгүндө электр жарыгы болбойт. График

(жаңыланган 17:53 20.04.2021)
Электр энергиясы баш калаанын көчөлөрүндө да, конуштарда да өчүрүлөт. Бул оңдоо иштерине байланыштуу экени айтылды.

БИШКЕК, 20-апр. — Sputnik. Эртең, 21-апрелде, Бишкектин бир катар районунда электр энергиясы өчүрүлөт. Маалымат "Түндүк электр" ишканасынын сайтына чыкты.

Бул күнү мекеменин кызматкерлери турак үйлөрдүн чубалгыларын, трансформаторлорду оңдоп, бак-дарактарды бутайт.

График:

  • 9:00дөн 17:00гө чейин — Токтоналиев көчөсүндөгү №320 үй жана Тынчтык конушунда;
  • 9:00дөн 18:00гө чейин — Чүй жана Манас проспектилеринде, Калык Акиев көчөсүндө, Жаш гвардия, Фрунзе, Исанов, Мурманский көчө кесилиштеринде жана Балбан-Таймаш конушунда;
  • 9:30дан 17:00гө чейин — №9 кичи райондогу №6 көп кабаттуу үйдө жана №10 кичи райондогу №21/1 үйдө;
  • 9:30дан 18:00гө чейин — Жибек жолу проспектисинде жана Тоголок Молдо көчөсүндө;
  • 9:30дан 19:00гө чейин — №5 кичи районунун айрым бөлүгүндө (№2-5, 19/2, 19/3 үйлөрдө);
  • 9:40тан 18:00гө чейин — Гоголь көчөсүндөгү №92 үйдө жана Огонбаев көчөсүндөгү №222 үйдө;
  • 10:00дөн 17:00гө чейин — Бакай-Ата конушунун айрым бөлүгүндө (Алмамбет жана Бакай-Ата көчөлөрү);
  • 13:00дөн 17:00гө чейин — Аламедин-1 кичи районундагы №3 үйдө.
Белгилер:
оңдоо, өчүрүү, "Түндүк Электр" ишканасы, электр энергиясы, Бишкек
Тема боюнча
Эртең Бишкектин бир нече конушунда жарык өчүрүлөт. График