Сойкулук. Иллюстративдтик сүрөт

Бишкекте сойкулар жайын уюштурган аял жана үч кыз кармалды

1122
(жаңыланган 10:27 06.05.2018)
Бишкектеги райондордун биринин жашоочулары көп кабаттуу үйдө мейманкана деген атты жамынган сойкулар жайы иштеп жаткандыгын айтып арызданган.

БИШКЕК, 5 мая — Sputnik. Тартип сактоочулар борбор калаада үч кыз төшөк кызматын көрсөтүп жүргөн батирди тапкан. Бул туурасында шаардык милициядан кабарлашты.

Бишкектеги райондордун биринин жашоочулары көп кабаттуу үйдө мейманкана деген атты жамынган сойкулар жайы иштеп жаткандыгын милицияга айтып арызданган.

Тартип сактоочулар Кылмыш кодексинин 261-беренеси (Сойкулук жасоо үчүн жайларды уюштуруу же күтүү) менен иш козгоп, андан соң батирди тинтүүгө алган.

"Текшере келгенде сойкулук жасоо үчүн жай уюштурган 32 жаштагы аял кармалып, жанынан акча табылган. Андан сырткары ошол жердеги үч 24, 34 жана 20 жаштагы кыздардын бир топ жылдан бери төшөк кызматын көрсөтүп келгени аныкталган", — деп атылат маалыматта.

Тергөө учурунда сойку жайын уюштурган деп кармалган аял убактылуу кармоо жайына киргизилген.

1122
Белгилер:
тинтүү, сойкулук, кылмыш иши, милиция, Бишкек
Тема боюнча
Бишкекте жыл башынан бери интернеттен кардар издеген 64 сойку кармалды
Бишкекте интернет аркылуу төшөк кызматын көрсөткөн 30 студент кыз кармалды
Ооруканадагы дарыгерлер. Архив

COVID-19га күзүндө кабылгандар дартты оор көтөрүшү мүмкүн. Эксперттин пикири

26
SARS-CoV-2 күзүндө грипп, парагрипп жана буга чейин салыштырмалуу зыянсыз деп айтылган коронавирустар менен айкалышса кандай натыйжа болору азырынча белгисиз.

БИШКЕК, 10-авг. — Sputnik. Санкт-Петербургдагы Пастер атындагы Эпидемиология жана микробиология илим-изилдөө институтунун директору, академик Арег Тотолян коронавируска күзүндө кабылгандар буга чейин ооруп айыккандарга караганда бир топ кыйналышы мүмкүн экенин "Известия" басылмасына маек куруп жатып айтты.

Анын пикиринде, вирус жайылган маалда катуу обочолонгондор инфекцияны кандай кабыл аларын айтуу кыйын. Анын үстүнө SARS-CoV-2 күзүндө грипп, парагрипп жана буга чейин белгилүү болгон жана салыштырмалуу зыянсыз делген коронавирустар менен айкалышса кандай натыйжа болору да белгисиз.

Тыным албай көзөмөлдөгүлө. ДССУ эксперттери пандемия дагы көпкө созуларын айтты

"Сезондук инфекциялык илдеттер COVID-19 менен айкалышканда эмне болорун, абал курчуйбу, же тескерисинче антитело кадимки коронавирустан жакшы коргоно алабы, азырынча биз буга илимий негизде жооп берүүгө даяр эмеспиз", — деди академик.

Тотолян ошондой эле Роспотребнадзордун башчысы Анна Попованын сөздөрүн мисал келтирип, ал мурдагы жылдарга караганда эмдөө жүргүзүлбөгөн тумоонун башка түрлөрү таралышы мүмкүн экендигин эскертти.

Муну менен академик өлкө боюнча обочолонуу режимин киргизүү зарылдыгын айтууда. Ал илдет катталган гана аймакта жерди чектөө чарасын колдонуу жетиштүү болорун белгиледи.

26
Белгилер:
инфекциялык оору, күз, бейтап, оору, агым, коронавирус
Тема:
Дүйнөгө жайылган коронавирус
Тема боюнча
Россияга Кыргызстандан жөнөтүлгөн вирустар изилденип бүттү. Күтүүсүз жыйынтык
Ооруканадагы медицина кызматкери. Архив

Өткөн суткада коронавирустан 6 киши каза тапты

62
(жаңыланган 11:24 10.08.2020)
Бийлик вирус дагы деле кооптуу экенин айтып жатат. Ал эми күзүндө илдет күчөшү мүмкүн деген божомолдор дагы бар.

БИШКЕК, 10-авг. — Sputnik. Акыркы суткада Кыргызстан боюнча коронавирустан алты адам каза болду. Бул тууралуу Республикалык штаб билдирди.

"Бишкек шаарында үч, Ысык-Көл, Жалал-Абад жана Баткен облустарында бирден бейтап көз жумду", — деп айтылат маалыматта

Кыргызстанда 407 бейтап ооруну жеңип, үйүнө чыкты

Пандемия башталгандан бери каза болгондордун жалпы саны 1 474кө жетти.

62
Белгилер:
оору, бейтап, өлүм, Кыргызстан, коронавирус
Тема:
Кыргызстандагы коронавирус жуктуруп алгандар
Тема боюнча
Бүгүн өлкөдө 258 кишиден коронавирус чыкты