Шаурма жасаган киши. Архивдик сүрөт

Биологдор фастфудду болушунча жеп арык бойдон калуунун жолун табышты

(жаңыланган 20:29 06.05.2018)
Окумушутуулар бул иликтөө семирүү менен метаболизмдин бузулушу менен күрөшүүгө жардам берет деген ойдо.

БИШКЕК, 6-май. — Sputnik. Копенгаген университетинин биологдору организмде висфатин гармонунун жок болушу май клеткаларынын чоңоюшуна бөгөт коерун далилдешти. Бул тууралуу MedicalXpress басылмасына шилтеме берип РИА Новости жазып чыкты.

Даниялык окумуштуулар чычкандарга иликтөө жүргүзүп, май клеткаларындагы висфатинди алып салышкан.

"Операция болгон чычкандарды алгач туура тамактандырып, андан соң аларга бургер менен пиццага окшош азыктарды беришкен. Натыйжада эксперименттен өтпөй ошондой эле тамак жеген чычкандар салмак кошуп, иликтөөгө алынгандары арык боюнча калганы аныкталган", — деп айтылат макалада.

Мындан тышкары, изилдөө висфатини жок чычкандардын организми кандагы глюкозанын деңгээлин көзөмөлдөп турарын көрсөткөн.

Окумуштуулар бул иликтөө семирүү менен метаболизмдин бузулушу менен күрөшүүгө жардам берет деген ойдо. Бирок илимпоздор адамдын организминен висфатинди жөндөн жөн эле алып салуу ден соолукка терс таасир тийгизерин эскертишти.

Белгилер:
окумуштуулар, семирүү, фастфуд, Копенгаген
Тема боюнча
Күндүз уктоо ден соолукка кандай таасир этерин окумуштуулар айтты
Окумуштуулар тамакты мүнөздөп ичүү жашоону узартарын далилдешти
Окумуштуулар кафе-ресторандарда тамак жегендин кооптуулугун айтып беришти
Медайым эмдөө учурунда. Архив

Өлкөдө балдарга полиомиелитке каршы вакцина сайыла баштады

(жаңыланган 09:58 19.04.2021)
Полиомиелит — балдарды өлүмгө чейин алып барган инфекциялык оору. Министрлик дарттын дабасы жок экенин, коргонуу үчүн вакцина алуу зарылдыгын эскертти.

БИШКЕК, 19-апр. — Sputnik. Кыргызстанда балдарга полиомиелитке (балдардын шал оорусу) каршы вакцина сайылып баштады. Бул тууралуу Саламаттык сактоо жана социалдык өнүктүрүү министрлиги кабарлады.

Ага ылайык, эмдөө 19-апрелден 19-майга чейин жүргүзүлөт. Вакцинаны үч жана беш жаштагы, тагыраагы, 2016-жылдын 1-апрелинен тарта 2018-жылдын 15-февралына чейин төрөлгөн балдар алат.

Эмдөө бекер. Учурда Кыргызстанда полиомиелитке каршы дарынын 180 миң дозасы бар, дагы алып келүү пландалууда. Жалпысынан 270 миңден ашуун бала эмделмекчи.

Буга чейин Дүйнөлүк саламаттык сактоо уюму Тажикстанда балдардын шал (полиомиелит) оорусу чыкканын жарыялаган. Уюмдун адистери абалды экинчи деңгээлдеги өзгөчө кырдаал катары баалашкан.

Министрлик Кыргызстанда 1993-жылдан бери поливирус жок экенин, 2002-жылдан тарта республиканын "Полиомиелиттен эркин өлкө" сертификаты барын эскертти.

Полиомиелит — балдарды өлүмгө чейин алып барган инфекциялык оору. Кесепети адамды өмүр бою коштоп жүрөт. Дарттын дабасы жок, бирок вакцинанын жардамы менен коргонсо болот.

Белгилер:
полиомиелит, оору, эмдөө, бала, вакцина, Кыргызстан
Эт жеп жаткан адам. Архив

Организмди талкалай турчу азык, суусундуктар. Тизме

Организмди талкалай турчу азыктардын катарына эт дагы кирген. Адистин айтымында, эт белоктун булагы болгону менен аны көп жегенде ашказанга күч келип, аталган органдын иштөөсү начарлайт.

БИШКЕК, 19-апр.— Sputnik. Диетолог Елена Кален тамактануу рационунан азайта турчу, ал тургай таптакыр эле чийип салчу тамак-ашты санап бергенин РИА Новости жазды.

Адистин айтымында, биринчи кезекте конфет менен таттуу суусундуктан баш тартуу кажет. Булар ашыкча салмакка, семирүүгө алып келип, канда канттын деңгээлин көбөйтүшү ыктымал.

Жыйынтыгында адам кант диабетине чалдыгышы толук мүмкүн. Ошондой эле таттууну көп жегенде боор жакшы иштебей, тери бузулат.

Организмди талкалай турчу азыктардын катарына эт дагы кирген. Адистин айтымында, эт белоктун булагы болгону менен аны көп жегенде ашказанга күч келип, аталган органдын иштөөсү начарлайт.

Диетолог ичимдикти да тизмеден чийип салууну сунуштаган.

"Ичимдик ичкен адам тез карып, боор, кан тамыр ооруларына чалдыгат. Ичимдик кант диабети, гипертония жана панкреатит илдеттеринин өрчүү тоболкелчилигин жогорулатат", — деген Кален.

Адис кофени көп ичүү да организмди буза турганын айткан. Көпчүлүктүн сүйүктүү суусундугу кан басымды көбөйтүп, жүрөктүн тез согуусун шартташы ыктымал.

Белгилер:
алдын алуу, дарт, суусундук, азык-түлүк, организм, диетолог
Тема боюнча
Вирусту жолотпойт! С витаминине бай алты азык аталды
Эксперт: туура тамактанган баланын ийгиликке жетүү мүмкүнчүлүгү жогору болот