Жаа атып жаткан жигит. Архив

Кыргызстандагы Манас уулу Семетейлер жана Манас Жакыповичтер

259
(жаңыланган 18:07 28.05.2018)
Улуу эпостогу каармандардын атын алып жүргөн мекендештер арбын.

БИШКЕК, 11-май — Sputnik. Кыргызстанда өз аты да, атасынын аты да дүйнөдөгү эң чоң эпостун каармандарыныкына окшош ысым алып жүргөн мекендештер көп. Sputnik Кыргызстан агенттиги жашы жетип, биометрикалык маалымат тапшырган шайлоочулардын тизмесин карап чыкты.

"Манас" эпосунун көлөмү жарым миллион саптан ашуун.

Кыргызстанда кеминде 10 Манас Жакыпович, бир Манас Джакыпович, анан бир Жакып уулу бар. Ошондой эле 18 Семетей Манасович жана сегиз Семетей Манас уулу жашайт. Тизмеде алардан тышкары, үч Сейтек Семетей уулу катталган.

Кыргызстандыктар дүйнөлүк кишилердин да атын ымыркайга көп ыйгарат.

259
Белгилер:
ысым, Манас эпосу, Кыргызстан
Тема боюнча
Кыргыз балдары — Радж, Бобби, Митхун. Индия киносунан улам коюлган аттар
Фидель, Кастро, Эрнесто. Революционерлердин ысымын алган кыргыз балдары
Эл аралык Манас аэропортунда учак. Архив

15-июндан тарта тышкы каттамдар жанданат. Кайсы компаниялар учууга макулдук берди

8
(жаңыланган 13:44 04.06.2020)
“Түрк аба жолдору” 22-июндан баштап аба каттамдарын баштоого арыз берсе, “Аэрофлот” компаниясы июндун ортосунан тарта ишке киришүүгө даяр экендигин билдирген.

БИШКЕК, 4-июн. — Sputnik. Эл аралык аба каттамдарын 15-июндан баштап жаңылоо пландалып жатат. Бул тууралуу брифинг учурунда Жарандык авиация агенттигинин директору Курманбек Акышев билдирди.

Анын айтымында, Саламаттык сактоо министрлиги, аэропорттор жана Жарандык авиация агенттиги бир аптанын ичинде сырткы каттамдар боюнча алгоритм иштеп чыгат.

"Чет элдик компанияларга 15-июндан тарта учкула деп сунуштап жатабыз. "Түрк аба жолдору" 22-июндан баштап аба каттамдарын баштоого арыз беришти. Ал эми "Аэрофлот" компаниясы 15-июндан тарта ишке киришүүгө даяр экендигин билдирди", — деди Акышев.

Директор кошумчалагандай, бардык компанияларга бир ай бою жумасына бир жолу учуп туруу сунушталып жатат.

"Жалпысынан Кыргызстанга каттаган 6-7 компания бар. Алардын жарымы эле аптасына бир ирет учса, бир жумада барып-келиши менен 6-7 каттам жасап калат экен. Биздин жергиликтүү "Авиа Траффик" жумасына бир жолу ар кыл шаарларга учуп, 3-4 каттамдан аткарат", — деди жетекчи.

Каттамдардын саны азырынча дал ушунча болушуна Саламаттык сактоо жана Өзгөчө кырдаалдар министрликтери макул. Анткени бул көрсөткүч анча көп эмес болгондуктан, жүргүнчүлөрдү тосуп алып, медициналык кароодон өткөрүүгө жана обсервацияга жаткырууга мүмкүнчүлүк жетет.

Эске салсак, 5-июндан тарта өлкөдө ички авиарейстер менен аймактар аралык коомдук транспорт иштеп баштайт.

8
Белгилер:
авиакомпания, коронавирус, алгоритм, учак, каттам, Курманбек Акышев, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Министр: Бишкек — Оштун ортосунда авиакаттам жумасына бир эле жолу болот
РФ элчилиги "Кант" базасынын аймагы Россияга өтөт деген кабарды төгүндөдү
Премьер-министрдин милдетин аткаруучу, биринчи вице-премьер Кубатбек Боронов

Боронов: аймакка каттаган ар бир жүргүнчүнүн телефон номерин жазып калгыла

11
(жаңыланган 13:34 04.06.2020)
Биринчи вице-премьер облустарга кетип жаткан жүргүнчүлөрдүн ар бири тизмектелип, телефон номерлери жазыла турган китепче ачуу керектигин айтты.

БИШКЕК, 4-июн. — Sputnik. Үй карантиндегилерди көзөмөлдөө үчүн алардын бардыгынын уюлдук телефонуна мобилдик тиркеме жүктөлүшү керек. Мындай тапшырманы тармактык мамлекеттик органдарга премьер-министрдин милдетин аткаруучу, биринчи вице-премьер Кубатбек Боронов бергендигин өкмөттүн маалымат кызматынан кабарлашты.

Муну менен катар Боронов карантиндик эрежелерди эске алуу менен туристтик сезонго даярдыкты күчөтүүнү тапшырды.

"Өкмөттүн Ысык-Көл облусундагы ыйгарым укуктуу өкүлчүлүгү жана башка жергиликтүү өз алдынча башкаруу органдары туристтик сезонго дыкат даярдык көрүүгө тийиш. Бул багыттагы иш-аракеттердин алгоритми иштелип чыгышы зарыл", — деген Боронов.

Биринчи вице-премьер жергиликтүү бийлик органдарына 5-июндан тарта аймактар аралык коомдук транспорттун иши жанданарын эскертти. Бир облустан экинчи аймакка өтүп жаткан ар бир жүргүнчүнү катуу көзөмөлгө алуу керектигин кошумчалады.

"Вирустун жайылышын алдын алуу үчүн башка облустарга кирип жаткан жарандарды көзөмөлдөө иши күчөтүлгөн тартипте жүргүзүлүүгө тийиш. Ошондуктан жергиликтүү өз алдынча башкаруу органдары тармактык мамлекеттик органдар менен биргеликте аймактарга барып жаткан ар бир жаранды тизмектеп, телефон номерлери жазыла турган китепче ачуу керек", — деди ал.

COVID-19 жуктуруп алгандардын жалпы саны 1899га жетип, бүгүн, 4-июнда, 28 кишиден аныкталды.

Ал эми жалпы 1292 бейтап айыгып, ооруканадан чыгарылды.

11
Белгилер:
эреже, көзөмөл, коронавирус, Кубатбек Боронов, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Жээнбеков облус жана шаар жетекчилери менен онлайн-жыйын курууда
COVID-19: Чолпон-Атада вирусологиялык лаборатория ачылат