Нарын облусунун Ак-Талаа районунда төрт айыл өкмөттүн элин ара жолдо калтырган көпүрө

Жоголгон 38 млн., каза болгон директор. Ак-Талаадагы көпүрө эмнеге бүтпөй калган?

3373
(жаңыланган 09:16 16.05.2018)
Көпүрөнү курам деп тендерден уткан компания акчасын башка фирмага алдатып жиберет. Мунун айынан курулуш иштери бир жылдан бери бүтпөй, акыры 12 миңдей калк суунун аркы бетинде райондун борбору менен байланыша албай отуруп калды.

БИШКЕК, 14-май — Sputnik. Нарын облусунун Ак-Талаа районунда төрт айыл өкмөттүн элин ара жолдо калтырган көпүрөнүн курулушу "дайынсыз жоголгон" 38 миллион сомдун айынан бүтпөй калган. Бул туурасында Sputnik Кыргызстан агенттигине аталган райондун акиминин биринчи орун басары Абдымалик Сулайманов билдирди.

Аварийный мост в Ак-Талинском районе Нарынской области
© фото очевидца, отправленное по WhatsApp-каналу
Көпүрө көйгөйүн жергиликтүү элдин баласынан чоңуна дейре тартып жатат

Маалыматка ылайык, 2017-жылдын май айында Ак-Тал-Чат — Казарман жолунда узундугу 141,2 метр, туурасы 5 метр болгон көпүрөнүн ортоңку тирөөчү чөгүп, авариялык абалга кептелген. Мындан улам көпүрөнүн 44,3 метр жери оңдоого муктаж болот. Аны калыбына келтирүү үчүн Транспорт жана жолдор министрлиги тендер жарыялап, аны "Кербен жол курулуш" ААКсы 42 миллион 858,8 миң сом сунуштап утуп алган.

Сулаймановдун айтымында, алгач тендерден уткан компанияга министрлик 38 миллион сом бөлгөн. Алар көпүрөнү бетон эмес, темирден курууну пландап, жабдууларды Россиядан алмак болот. Бирок ана келет, мына келет болуп отуруп күзгө чейин созулат.

"Акыры "Кербен жол курулуш" компаниясынын жетекчилиги "38 миллион сомду Красноярскидеги бир фирмага которгонбуз, алар бизди алдап кетип, акчабызды таппай калдык" деп айтты. Ошентип иш башталбай жатып токтогон. Декабрь айында ишкананын башкы директору ооруканага түшүп, операция жасатты. Кийин ал январдын аягында каза болуп калды. Анын мүлкүн алты айга чейин конфискациялоого мыйзам жол бербейт экен, ошондуктан 38 миллион сом акча кайтарыла элек", — деди Сулайманов.

План боюнча көпүрө ушул жылдын 15-майында, тагыраагы, эртең толугу менен бүтүрүп пайдаланууга берилиши керек эле.  Бирок азыркыдай абалга кептелди. Мунун кесепетинен Көк-Жар, Жаңы-Талап, Кара-Ой жана Кызыл-Белес айыл аймактары райондун борборуна жете албай отурат. Каттам качан ачылары белгисиз. Эми алар Он-Арча — Жаңы-Талап — Ашырма жолу менен айланып, 220 чакырымды басып өтүшү керек. Ал жакта 12 миңдин тегерегиндеги калк жашайт.

"Эми ал жакта жашагандарга жол кире, азык-түлүк кымбатташы мүмкүн, жер айдоо иштери жүрүп жаткан, күйүүчү май ала албай кыйналышат. Мындан сырткары, Соң-Көлгө келген туристтердин агымы токтойт. Туристтерди тейлеп, тиричилик кылган үй-бүлөлөр да көп болчу. Эртең аким экөөбүз ал жакка айланма жол аркылуу чыгабыз. Медицина кызматкерлери да барып оорулууларды, кош бойлуу келиндерди каттоого алат. Мындан сырткары, тейлөө кызматтары көрсөтүлөт", — деди акимдин орун басары.

Ал эми Транспорт жана жолдор министрлигинин маалымат кызматы "Кербен жол курулуш" компаниясы милдеттерин аткарбагандыктан, келишим бир тараптуу бузулганын билдирди. Мындан улам кайрадан долбоордук-сметалык документ иштелип чыгып, анын баасы 54,6 миллион сомду түзгөн.

"Көпүрөнү кайрадан куруу үчүн 2018-жылдын 4-январында министрликтин алдындагы Мамлекеттик жол-оңдоо курулуш башкармалыгы менен баасы 54 миллион 628 миң сомдук келишим түзүлгөн. Азыркы тапта анын курулуш иштерине 7 миллион сом бөлүнүп, тийиштүү иштер жасалууда. Көпүрөнү бүткөрүү иштери 25-июнга пландалган", — деп билдиришти министрликтен.

Анткен менен акимдин орун басары Сулайманов иштин солгун жүрүшүнө каражаттын убагында бөлүнбөй жатканы себеп болгонун белгилейт. Анын айтымында, "азыркы тапта тирөөчтөрү орнотулуп, жарым-жартылайы бүтүп калган, 15 метр жерге плиталарды койсо эле каттам ачылмак".

Аталган көпүрө 1967-жылы курулган.

Белгилей кетсек, быйыл, 7-мартта, УКМК дал ушул көпүрөгө байланыштуу кызматтык абалынан кыянаттык менен пайдалануу фактысы боюнча Жол чарба департаментинин директору Арстанбек Ибраевди кармаган. 

3373
Белгилер:
дарыя, курулуш, жол, көпүрө, Ак-Талаа району, Нарын облусу
Тема боюнча
Ак-Талаада көпүрө урап, балдарын көтөргөн эл Нарын дарыясын кечип өтүүдө. Видео
Башкы прокуратура Транспорт жана жолдор министрлигине кылмыш ишин козгоду
Жайлоодо мал кайтарып жүргөн киши. Архивдик сүрөт

Ишембиге карата аба ырайы

49
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

49
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды
Противогаз кийген ӨКМ кызматкерлери. Архивдик сүрөт

Оштогу күйдүргү: ооруканада канча киши калды

90
(жаңыланган 21:36 14.08.2020)
Кара-Суу районундагы Тогуз-Булак айылында 24-августка чейин 288 киши көзөмөлдө болот. Эпидемияга каршы иш-чаралар уланууда.

БИШКЕК, 14-авг. — Sputnik. Ошто күйдүргүгө шектелип ооруканага түшкөндөрдүн арасынан бирөөндө гана вирус аныкталды. Калган жети киши үйүнө чыгарылды. Бул тууралуу Саламаттык сактоо министрлигинен билдиришти.

"Күйдүргү бир адамдан чыкты, калганы таза экен. 24-августка чейин айылда 288 киши көзөмөлдө болот. Эпидемияга каршы иш-чаралар уланууда”, — деп айтылат билдирүүдө.

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган. 

90
Белгилер:
анализ, вирус, күйдүргү, Ош
Тема боюнча
Ош: күйдүргү чыккан уй эмделбегени үчүн ветеринарлар жазаланды