Сооронбай Жээнбековдун архивдик сүрөтү

Энелер дүйнө түркүгү! Сооронбай Жээнбеков апаларды куттуктады

170
(жаңыланган 18:13 18.05.2018)
Энелер күнү Кыргызстанда жыл сайын май айынын үчүнчү жекшембисинде белгиленип келет.

БИШКЕК, 18-май — Sputnik. Президент Сооронбай Жээнбеков Кыргызстандагы бардык энелерди майрамы менен куттуктаганын өлкө башчынын маалымат кызматынан кабарлашты.

Жээнбеков эне жана баланы коргоо, көп балалуу үй-бүлөлөргө колдоо көрсөтүү — мамлекеттик социалдык саясатынын маанилүү бөлүгү экенине токтолду.

"Илгертен бери элибиз энени кут жаратуучу деп эсептеп, өзгөчө мамиле кылып келет. Бекеринен "Энелер — дүйнө түркүгү" деп айтылбаса керек. Эне сүтү ыйык, ал эми бешик ыры ар бирибиздин кулагыбызда жаңырып турат. Бүгүнкү ак тилектер, жүрөк жылыткан сөздөр сиздерге арналат", — деп жазылган өлкө башчынын куттуктоосунда.

Эске салсак, Энелер күнү экс-президент Алмазбек Атамбаевдин жарлыгы менен 2012-жылы жарыяланган. Бул майрам Кыргызстанда жыл сайын май айынын үчүнчү жекшембисинде белгиленет.

170
Белгилер:
куттуктоо, энелер күнү, Сооронбай Жээнбеков, Кыргызстан
Тема боюнча
Быйыл Энелер күнүнө карата 1808 аялга орден жана медаль берилет
Пикирлер