Эне жана баланы коргоо улуттук борборунун оорулуу жана ара төрөлгөн ымыркайлар бөлүмү

Апа, мен сизди көрөмбү?.. Ара төрөлүп, аппаратка байланган наристелер

3214
(жаңыланган 09:10 21.05.2018)
Көзү тоодой болуп шишиген, чачтары тарала элек жаш келин залда ары-бери басып жүрдү. Бир убакта палатага кирип аппаратта жаткан ымыркайга колун бир саамга чейин тийгизип туруп, көзүнө жаш алып кайра чыгып кетти. Көрсө, анын муштумдай болгон баласына бир күндөн кийин операция жасалат экен...

Эне жана баланы коргоо улуттук борборунун оорулуу жана ара төрөлгөн ымыркайлар бөлүмүндө мындай көрүнүш жаңылык эмес. Неантолог дарыгер, медайымдар 500 граммдык балдарды адам катарына кошуп, алардын өмүрү үчүн күн сайын күрөшөт.

Sputnik Кыргызстан агенттиги аталган жайдан репортаж даярдады.

Новорожденный ребенок в отделении патологии новорожденных и недоношенных детей в национальном центре охраны материнства и детства в Бишкеке
© Sputnik / Табылды Кадырбеков
Муштумдай болгон наристелердин айрымдары операциядан чыкса, кээ бирин дарыгерлер операцияга даярдап жатыптыр

Операциядан кийин жашап кетиши күмөн…

25 жаштагы Зулкумар Данияр кызынын бир айлык ара төрөлгөн баласынын абалы оор, атайын дем алдыруучу аппаратта жатат. Дарыгерлер ымыркайга бактериалдык сепсис деген диагноз коюшкан. Башкача айтканда, балага катуу суук тийип, канга инфекция кирип, тамырлары ичкерип кеткен.

"Баламды колума ала элекмин. Кош бойлуу кезимде ооругам. Ошол себептенби, айтор, наристем көз жаргандан бери аппаратта. УЗИ, доплерге түшкөн эмесмин да, азабын эми тартып жатам. Дарыгерлер операциядан кийин жашап кетиши күмөн деп жатат", — деп айтып берди жашына муунган келин, каргылданып.

Врачи в отделении патологии новорожденных и недоношенных детей в национальном центре охраны материнства и детства в Бишкеке
© Sputnik / Табылды Кадырбеков
Татьяна Акментьева ымыркайга операция жасоо чоң кишиникине караганда эки эсе оор экенин айтты

17 жашында экинчи баласын төрөгөн келин

Аталган бөлүмдүн башкы дарыгери Сагын Абдувалиева "бизге кандай гана энелер кайрылбайт" дейт. Доктур жакында 14 жашында биринчи баласын, 17 жашында экинчи баласын төрөгөн жаш кыз келгенин айтып берди.

Заведующая отделением патологии новорожденных и недоношенных детей в национальном центре охраны материнства и детства Сагын Абдувалиева
© Sputnik / Табылды Кадырбеков
Сагын Абдувалиева: Жылына 1000ден ашык ымыркайды дарылоодобуз. Анын ичинде 400-500дөйү ара төрөлгөн балдар. Булардын ичинде тубаса кемтик, бактериалдык сепсис, перинаталдык мээнин өзгөрүшү, сарык болуп төрөлгөн ымыркайлар да бар.

"Элестетип көрүңүздөр, биринчи баласын 14 жашында төрөгөн. Бул куракта эне болууга медицина таптакыр жол бербейт да. Бирде болбосун бирде азабын тартат. Анан эки жыл өтпөй эле экинчи баласын айына жетпей төрөп, бизде жатты. Баласынын абалы начар болуп келген, бир айга чукул ооруканада жатып анан үйүнө чыкты. Андан тышкары, салмагы 600-900 граммдык, бир килограммга жетпеген ымыркайларды карайбыз. Мындай балдардын андан аркы жашоосу белгисиз. Себеби алар биринчиден өз убагында төрөлгөн жок, убагында тили чыгып, убагында баспайт. Алар дайыма неврапатологдун көзөмөлүндө гана болуп турушу керек", — деди башкы дарыгер.

Абдывалиева аталган бөлүмдө эң оор абалдагы ымыркайлар дарыланарын кошумчалады.

"Учурда бизде энелерин кошпогондо 32 наристе жатат. Жылына 1000ден ашык ымыркайды дарылоодобуз. Анын ичинде 400-500дөйү ара төрөлгөн балдар. Булардын ичинде тубаса кемтик, бактериалдык сепсис, перинаталдык мээнин өзгөрүшү, сарык болуп төрөлгөн ымыркайлар да бар. Алардын өмүрүн сактап калуу үчүн күн-түн дебей күрөшүп, жакшы караганга аракет кылабыз. Учурда биздин бөлүмдө сегиз дарыгер бар. Алардын төртөө күндүз, үчөө түнкү нөсменде алмашып иштейт", — деди башкы дарыгер.

Ал ортодо аталган бөлүмгө Кара-Балта шаарынан үч эм төрөгөн эне Чынара Исманова келип жайгашты. Эки кызынын ден соолугу жакшы болгону менен эркек баласына интенсивдик терапия керек экен.

Врач в отделении патологии новорожденных и недоношенных детей в национальном центре охраны материнства и детства в Бишкеке
© Sputnik / Табылды Кадырбеков
Наристелер күнү-түнү медайымдардын көзөмөлүндө

"Үч эмди көтөрүп жүрүү деле оңой эмес да. Жети ай болгондо организмим "болду" деди окшойт. Балдарымды аман-эсен жарык дүйнөгө алып келдим. Салмактары да жакшы, эки килограммдан ашат. Бирок дароо үйгө чыгып кетпей бир аз дарыгерлердин көзөмөлүндө болуп турушубуз керек экен", — деди аял.

Аппаратка байланган наристелер

Ымыркайлар жаткан реанимация бөлүмүнө баш бактык. Муштумдай болгон наристелердин айрымдары операциядан чыкса, кээ бирин дарыгерлер операцияга даярдап жатыптыр. Хирург-неонатолог Татьяна Акментьева балдарды бизге көрсөтүп жатып, ымыркайга операция жасоо чоң кишиникине караганда эки эсе оор экенин айтты.

Новорожденный ребенок в отделении патологии новорожденных и недоношенных детей в национальном центре охраны материнства и детства в Бишкеке
© Sputnik / Табылды Кадырбеков
Мына бул ымыркай жүрөк кемтиги жана ичеги оорусу менен төрөлгөн

"Муштумдай болгон баланы айрымдары кармагандан коркот. Биз аларды кесип, тигип операция жасайбыз. Дыкат даярдык керек. Мына бул ымыркай жүрөк кемтиги жана ичеги оорусу менен төрөлгөн. Башкача айтканда, дени сак баланын оң да, сол да жагында ичегиси болсо, бул ымыркайдыкы бир жагында эле. Ошол себептен өзү заңдай албайт, тамак иче албайт. Мындан улам ал тамыры аркылуу гана азыктанат. Операцияга даярдап жатабыз. Бирок абалы күндөн-күнгө начарлоодо", — деди Акментьева.

Балаңыз дени сак төрөлсүн десеңиз…

Сагын Абдувалиева дени сак жана толук кандуу бала төрөш үчүн энелер эмнелерди эске алышы керектигин түшүндүрүп берди.

Заведующая отделением патологии новорожденных и недоношенных детей в национальном центре охраны материнства и детства Сагын Абдувалиева
© Sputnik / Табылды Кадырбеков
Сагын Абдувалиева: Эгер эненин каны аз болсо, 25-50 пайызынан тубаса кемтик оорулуу бала төрөшү мүмкүн

— Эгер эненин каны аз болсо, 25-50 пайызынан тубаса кемтик оорулуу бала төрөшү мүмкүн. Мындан улам турмушка чыга элек кыздар, балалуу болууну пландаган, кош бойлуу энелердин бардыгы биринчи кезекте туура, витаминдүү тамактар менен азыктанышы зарыл. Дени сак болсо, кош бойлуу мезгилде да оорубайт;

— Бойго бүткөнгө чейин, кош бойлуу мезгилде сөзсүз түрдө фолий кислотасын ичүү керек;

— Балдардын ортосу үч жарым жаштан кем болбош керек. Удаа төрөт кийинки жарыкка келген ымыркайга кедергисин тийгизет;

— Жаман адаттардан (чылым, ичимдик) арылып, спорт менен достошкону да оң.

— Туугандарга турмушка чыкпайт.

3214
Белгилер:
эне, ымыркай, оорукана, Бишкек, Кыргызстан
Тема боюнча
45 жашында үч эм төрөгөн Чынара Исманова: көрүнбөгөн көзү ачыгым калган эмес
Токмокто төрөттөн кийин грелкадан денеси күйгөн келин. Окуянын чоо-жайы
Бишкектеги кафелердин биринде санитардык текшерүү өткөрүү. Архивдик сүрөт

Бишкекте санитардык эреже бузгандар 1,2 миллион сомдук айыпка жыгылды

0
(жаңыланган 14:35 04.06.2020)
Вице-мэр ишкерлик кылгандардын көбү санитардык эрежелерди сактаганы менен алардын арасында моюн толгоп, тоготпогондор да бар экенин айтты.

БИШКЕК, 4-июн. — Sputnik. Борбор калаада 11-майдан бери санитардык эрежени сактабаган ишкерлерге 1 миллион 253 миң 500 сом айып пул салынды. Бул туурасында Бишкектин вице-мэри Татьяна Кузнецова брифинг учурунда айткан.

"Мобилдик топтор күн сайын эртеден кечке чейин базарларды, соода жайларын, сулуулук салондорун, дүкөндөрдү кыдырып, текшерип жатат. Андан сырткары, транспортту да көзөмөлгө алышууда", - деди ал.

11-майдан тарта аталган топтор 4 435 объектини текшерген.

Бишкектин вице-мэри ишкерлик кылгандардын көбү санитардык эрежелерди сактап жатканын кошумчалады.

Кыргызстанда COVID-19 жуктуруп алгандардын жалпы саны 1899га жетип, бүгүн, 4-июнда, 28 кишиден аныкталды.

Ал эми жалпы 1292 бейтап айыгып, ооруканадан чыгарылды.

0
Белгилер:
айып пул, санитардык талаптар, коронавирус, Бишкек, Кыргызстан
Тема:
Коронавируска байланыштуу Кыргызстандагы кырдаал
Коноктор майрам учурунда. Архив

Парламентте мааракелик той-аштарды чектөө боюнча мыйзам долбоору сунушталды

23
(жаңыланган 14:31 04.06.2020)
Талкуу учурунда эл өкүлү Акылбек Жапаров бүт майрам, той-аштарды бир учурда, күзүндө 10 күндө өткөрүп коюу керектигин айтты.

БИШКЕК, 4-июн. — Sputnik. Жогорку Кеңештин депутаты Зиядин Жамалдинов Кыргызстандагы юбилейлик иш-чараларды чектөө боюнча мыйзам долбоорун сунуштап, биринчи окууга алып чыкты.

Депутаттын айтымында, жылына 100дөн ашуун юбилейлик иш-чара өткөрүлөт. Мисалы, 2017-жылга 120, 2018-жылга 105 иш-чара бекитилген. Ошондой эле жергиликтүү бийлик органдары, тийиштүү уюмдун же мекеменин чечими менен корпоративдик маанидеги юбилейлик иш-чаралар өткөрүлүп турат.

Депутат ЖК Зиядин Жамалдинов на заседании
© Фото / пресс-служба ЖК
Жогорку Кеңештин депутаты Зиядин Жамалдинов
"Бюджеттик каражаттардын чектелүү экендигин эске алып, мааракелерди өткөрүүнүн мезгилдүүлүгүн чектөөнү максатка ылайыктуу деп эсептейм. Мыйзам долбоорунда жалпы улуттук, региондук жана корпоративдик маанидеги иш-чараларды өткөрүү үчүн юбилейлик даталарды 50 жыл, 75 жыл, 100 жыл жана андан кийин ар бир 25 жыл сайын белгилөө сунушталууда. Өзгөчө учурларда гана президенттин чечими менен башка даталарда юбилейлик иш-чаралар өткөрүлүшү мүмкүн", — деди Жамалдинов.

Депутат мааракелик иш-чараларды өткөрүүдө ишкерлерден акча алып, мамлекеттик органдар, жергиликтүү кызматкерлер көп убактысын короторун белгилди. Ал эми "жылкы союу, боз үй тигүү" деген тапшырмаларды аткаруу үчүн айыл өкмөттөргө күч келерин айтты.

Аталган мыйзам долбоору бюджеттик чыгымдарды кыскартуу максатында демилгеленген. Мында эгерде атактуу адамдардын урпактары жеке каражатына юбилейлик иш-чара өткөрүүнү кааласа, тыюу салынбай турганы айтылган.

Талкуу учурунда депутат Элвира Сурабалдиева ар 25 жыл сайын эмес, 100 жылдык юбилейлерди гана белгилөөнү сунуштады.

Эл өкүлү Акылбек Жапаров бүт майрам, той-аштарды күзүндө 10 күн өткөрүп коюу керек деп эсептейт.

Депутат Акылбек Жапаров на заседании Комитета по бюджету и финансам 18 мая 2020 года
© Фото / Пресс-служба ЖК
Жогорку Кеңештин депутаты Акылбек Жапаров
"Той-ашты күзүндө гана бир жолу өткөрсө болот деп ойлойм. 31-августтан 10-сентябрга чейин болгон юбилейлик даталарды белгилеп алсак. Муну кезеги менен ар бир облуста мамлекеттик деңгээлде өткөрсөк. Мисалы, быйыл кесиптик майрамдарды дагы кошуп, Баткенден баштасак болмок. Кытай жаңы жылды 10 күн тосот экен, андан кийин майрам жок. Ошол сыяктуу кылып бир эле өткөрүп коёлу", — деди депутат Акылбек Жапаров.

Дагы бир депутат Эмил Токтошев куру намыска алдырып бири-бирине атаандашуу болорун, мындан улам өз алдынча юбилейлик даталарды да өткөрүүгө чек коюу керектигин айтты.

23
Белгилер:
депутат, иш-чара, кыскартуу, маараке, Зиядин Жамалдинов
Тема боюнча
Той бергенге дарман жок! Ишкерлер карантинден кийинки жашоосуна сереп салды