Акча берип жаткан адам. Архив

Кайра өзүңдү уялтат. Карыз алгандар кыжырды кайнатканда

2036
(жаңыланган 09:17 22.05.2018)
"Алгандын бергени бар" дегендей бирөөнөн кокус карызга акча алсаң, аны бергенче шаштың кетип, уктабай да каласың. Бирок баары эле андай эмес, арабызда карызга бек адамдар толтура.

Sputnik Кыргызстан агенттиги бул ирет коомчулуктан сурамжылап? карыз алып жанды кашайткан адамдар тууралуу жазууну туура көрдү.

Карызга бек адамдар. Мындай адамдардан аласаны сурай берип тажайсың. Бетин бир кызартып койбой, айлап-жылдап жүрө берет. Өзүңдү уялтып. Акчасы турса да бергиси келбей тырышып жанды кашайтат.

Беттен алгандар. "Боор оорусаң боорго тебет" дегендер дал ушулар. Акча алаарда жалдырайт да, сурай келсең "берем да, эмне болуп баратасың" деп адамды кайра жарга такайт.

Куйругун карматпай кеткендер. Кээ бир адамдар каратып туруп карызынан танып коет. Аз акча болсо да мейли дейт элең, долларлап алганда күйбөгөн жериң күл болот.

Көрмөксөн, билмексен болгондор. Аласанын убагы келип чалсаң албайт, же жазсаң жооп жок. Акчасы жок болуп бере албай жатса түшүндүрүп айтып койсо деле болот да. Анан калса телефондорун өчүрүп, көчөдөн көрүп калсаң качкандарчы.

Карыз сурагандан тажабагандар. Биринчи карызын эптеп берип, кайра жалкыбай же уялбай акча сураганда таң каласың. Берип жаман көрүнгөнчө, бербей жаман көрүнгөн жакшы окшойт негизи.

2036
Белгилер:
карыз, акча, Кыргызстан
Тема:
Кыжырды кайнаткандар (57)
Тема боюнча
Дасторкондо бир нерсе калсын! Тойдогулар кыжырды кайнатканда
Той-ашта минтип биз деле созуп коебуз! Ырчылар кыжырды кайнатканда