Ош облусундагы Ак-Буура чек ара заставасын жетектеген 30 жаштагы капитан Элдияр Орозов

Чек арачы Элдияр Орозов: бири-бирибизди көрүп дароо автоматты октодук...

1229
(жаңыланган 09:18 31.05.2018)
Бүгүн, 28-май, чек арачылардын кесиптик майрамы. Элди сырткы коркунучтардан коргоп, өлкөнүн бүтүндүгүн көздүн карегиндей сактаган азаматтар күнү-түнү кызматта.

Буга байланыштуу Sputnik Кыргызстан агенттигинин кабарчысы Ош облусундагы "Ак-Буура" чек ара заставасын жетектеген 30 жаштагы капитан Элдияр Орозов менен маек курду.

— Сиз бул жоопкерчиликтүү кесипти кандайча аркалап калдыңыз?

— Жаш кезимден эле аскер формасын кийип чек арачы болууну эңсеп жүрчүмүн. Мектепти бүткөндөн кийин жарандык милдетимди аткарып аскерде кызмат өтөп, кийин келишимдик негизде иштеп калдым. Андан соң борбор калаадагы жогорку аскердик окуу жайын аяктап, ошондон бери ушул тармакта эмгектенип келем.

Начальник пограничной заставы Ак-Буура, капитан Элдияр Орозов с сослуживцами
© Фото / из личного архива Элдияра Орозова
"Ак-Буура" чек ара заставасынын башчысы Элдияр Орозов кесиптештери менен

— Жаңы жоокер болуп келген учур эсиңизде болсо керек. Ошондон бери аскер кызматкерлерине мамиле өзгөрдүбү?

— Чек арада 2006-жылдан бери иштейм. Андан бери Жалал-Абад, Ала-Бука чек ара башкармалыктарында эмгектенгем. Учурда Ак-Буура заставасын жетектегениме эки жыл болуп калды. Чындыгында бул анчалык деле узак убакыт эмес, бирок бир топ өзгөрүүлөр болду. Жоокерлер үчүн 12 жыл мурун азыркыдай шарт жок болчу. Тамак-аш, кийим-кече жагынан тиешелүү деңгээлде көңүл бурулчу эмес. Бир өтүктү кызмат өтөп бүткөнгө чейин кийүү керек эле. Азыр болсо андай эмес. Жатакана менен ашкана заманбап стилде жасалган, формалар да өз убагында жаңыланып турат. Мурда айылдарды кыдырып жаштарды аскерге чакырышса, азыр болсо жаштар өздөрү кызмат өтөөгө кызыкдар болуп калды.

— Сиздер кайтарган аймакта кезинде Өзбекстан менен такталбаган тилкелер бар эле, азыр абал кандай?

— "Ак-Буура" чек ара заставасына караган жерлерди эки өлкө биргеликте тактап бүткөн. Мурдагыдай көйгөйлөр жаралбай калды. Өзбекстандык кесиптештер менен мамилебиз түз, тыгыз иштешип келебиз.

Начальник пограничной заставы Ак-Буура, капитан Элдияр Орозов
© Фото / из личного архива Элдияра Орозова
Элдияр Орозов 12 жылдан бери аскер кызматында эмгектенип келет

— Жумушта кандай кыйынчылыктар болот?

— Кыйынчылыктар болбой койбойт да, анча-мынча ысык-суугуна чыдайбыз. Чек арачылар элге окшоп жакшылык, жамандыктарга өз убагында бара албай калат. Көйгөйүбүз ошол, эмгек өргүү алганда гана атайын убакыт бөлүп катташкан туугандарыбызга конокко жөнөп калабыз.

— Чек арадан кетип, башка иш менен алектенүү оюңузга келгендир?

— Жок, кесиптештерим арасында жакшы айлык издеп же үй-бүлөлүк шартка байланыштуу жумуштан кеткендер болду. Бирок мен анте алган жокмун. Өзүң сүйгөн кесипти аркалгандан кийин майын чыгара иштеп, жакшы жыйынтык көрсөтүүгө аракет жасайт экенсиң.

— Кызмат өтөп жаткандар менен да иштешүү оңойго турбаса керек?

— Албетте оңой эмес, кызмат өтөгөндөрдүн арасында атасы же апасы жоктор же жүрүм-туруму начар балдар бар. Алардын айрымдары көнө албай, өз өмүрүнө кол салып ийген учурлар болот. Мындай көрүнүштөрдү алдын алуу максатында чоң иштер аткарылат.

Начальник пограничной заставы Ак-Буура, капитан Элдияр Орозов с семьей
© Фото / из личного архива Элдияра Орозова
Чек арачы жубайы экөө бир уулу менен эки кызын тарбиялап өстүрүүдө

— Өмүрүңүзгө кооптуулук жараткан окуялардын бирин эстей аласызбы?

— 2007-жылы жазында эки жоокер, бир сержант болуп күндөгүдөй нөөмөткө чыкканбыз. Ошондо Өзбекстандын аскер кызматкерлери биздин аймакта куралчан жүрүшүптүр. Анда коңшу өлкө менен чек ара тилкелери толук тактала элек болчу. Биз шак эле автоматты октоп, атууга даярдандык. Ошол учурда бүт жашоом көз алдыман чубап өттү. Ата-энем менен жакындарымды көрөмбү деген да ой келди. Себеби эки тарап тең ок чыгарууга даяр турганбыз. Кудай жалгап, застава жетекчилери сүйлөшүү иштерин жүргүзө калып тынч тарап кеткенбиз.

— Мындай кооптуу жагдайлардан алыс болуш үчүн чек арачылар дипломат болушу керекпи деп ойлойм, кандай дейсиз?

— Чындыгында эле адамдын тилин таба билүү чоң чеберчилик. Чек арага жакын жерлерде башка улуттун өкүлдөрү көбүрөөк жашаган айылдар болот. Сен алардын каада-салтын, үрп-адатын түшүнүп, жакшы мамиле түзө билишиң керек. Ошондо гана жакшы жыйынтыктар болот. Андан сырткары, биз чет элдик коноктор үчүн элдин жүзүбүз. Меймандар чек арадан өтүп баратып эң алгач биз менен учурашат. Чек арачынын кийими тыкан, сүйлөгөн сөзү орундуу болгону жакшы.

1229
Белгилер:
маек, кесип, чек арачы, Кыргызстан
Тема боюнча
Эки баласы товар менен кошо күйүп кетти... Өрт өчүрүүчү Садыралиев менен маек
Куткаруучу Турсунбеков: жарылган учактагы үч кишинин сөөгүн беш саат чогулттук
Аял төшөктө уктап жатат. Архив

Дагарага суу куюп... Ысыкта кондиционери жокторго кеп-кеңеш айтылды

24
(жаңыланган 08:47 15.07.2020)
Адис уйку түнкүсүн ысыкта тынч болушу үчүн бир нече кеңештерди берип, бөлмөнү салкын кармагандан тарта адам кандай жууркан жамынышы керектигин айтты.

БИШКЕК, 15-июл. — Sputnik. Россиянын сомнологдор коомунун мүчөсү, дарыгер Алена Максимова ысыкта кондиционерсиз кантип кана уктаса болорун айтып, кеңеш бергенин РИА Новости жазды.

"Уктоочу бөлмөгө аба нымдагычын дагы коюп койсо болот. Ал жок болсо дагарага муздак суу куйса деле болот. Бул бөлмөнү муздатат деп сарсанаа болбоңуз, ал кошумча нымдуулукту гана камсыздайт. Бирок, менин оюмча, кондиционер койдурганга аракет жасаш керек", — деген Максимова.

Ал белгилегендей, кондиционер жок болсо терезелерди ачуу керек. Бирок уктоочу бөлмөнүн пардаларын түшүрүп коюу зарыл.

Уйкусу канбаган адамдар кандай дартка чалдыгары айтылды

Ошондой эле ысыкта жууркан жамынбай уктоону же болбосо чыт менен пахтадан даярдалган жука жууркан пайдаланууну сунуштаган. Ал кошумчалагандай, күн ысык мезгилде синтетикалык жапкычтардан алыс болуу керек, алар терини дем алдырбай коет.

24
Белгилер:
дарыгер, жууркан, Суу, кондиционер, ысык
Тема боюнча
Кондиционер коронавирусту жайылтабы. Адистин пикири
Ооруканадагы рентген аппаратурасы. Архив

Аймактагы ооруканалар миллиондогон сомго тендер жарыялай баштады

30
(жаңыланган 08:32 15.07.2020)
Медициналык мекемелер дары-дармек, жеке коргонуучу каражаттарды жана жабдуу алуу үчүн Мамлекеттик сатып алуулар порталына буюртмаларын чыгарды.

БИШКЕК, 15-июл. — Sputnik. Өлкө аймагындагы ооруканалар коронавируска каршы күрөшүү үчүн бир катар тендер жарыялашты. Бул тууралуу маалымат Мамлекеттик сатып алуулар порталына чыкты.

Ага ылайык, Ош аймак аралык бириктирилген клиникалык ооруканасы 7 миллион 811 миң 200 сомго эндоскопия жана эндохирургия үчүн аппаратура, тогуз миллионго рентген, үч миллионго операциялык стол алат.

Боронов: Ирандан учак менен дары алып келебиз, бир-эки күндө тартыштык жоюлат

Нарын райондук үй-бүлөлүк медицина борбору 11 миллион 446 миңге дары-дармек, жеке коргонуучу каражаттарга буюртма берүүдө.

Жалал-Абад облустук үй-бүлөлүк медицина борбору 2 миллион 136 миң 852 сомго коргоо каражаттарын ала турган болсо, Ноокат аймактык ооруканасы 7 миллион 373 миң 537 сомго дары, реактив сатып алуу ниетин билдирген.

30
Белгилер:
тендер, оорукана, медицина, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Жээнбеков: Кыргызстанда дары-дармек өндүрүү жолдору каралууда
Өкмөт: кычкылтек концентраторунун маселеси чечилди, саны жетиштүү
Буудайды оруп-жыйноо. Архив

Элеттеги дыйкандар менен ишкерлер 3,8 млрд сом жеңилдетилген насыя алды

3
(жаңыланган 09:02 15.07.2020)
Айыл чарба продукциясын кайра иштетүүнү жолго салуу максатында 6, 8 жана 10 пайыздык чен менен насыя берилет.

БИШКЕК, 15-июл. — Sputnik. "Айыл чарбасын каржылоо – 8" долбоорунун алкагында элеттеги дыйкандарга жана ишкерлерге жалпы суммасы 3 миллиард 765 миллион сомдук жеңилдетилген насыя берилди. Бул туурасында Финансы министрлигинин маалымат кызматы кабарлады.

Билдирмеге ылайык, үстүбүздөгү жылдын 3-июлуна карата коммерциялык банктар аркылуу 7 459 жеңилдетилген насыя берилген.

Насыялар төмөнкү багыттар боюнча колдонулган:

  • өсүмдүк өстүрүүчүлүккө — 388,3 миллион сом;
  • мал чарбачылыкка — 2 миллиард 435,8 миллион сом;
  • кластерге — 185,2 миллион сом;
  • кайра иштетүүгө — 391,9 миллион сом;
  • ун өндүрүүгө — 363,8 миллион сом.

Кыргызстан жеке тараптарга насыя берүү үчүн карыз алмай болду

Эскерте кетсек, өсүмдүк өстүрүү, мал чарбачылыгы жана айыл чарба продукциясын кайра иштетүүнү жолго салуу максатында өкмөттүн "Айыл чарбасын каржылоо — 8" долбоору 2013-жылдан бери иштеп келет. Анын негизинде февраль айынын ортосунан баштап дыйкан-фермерлерге 6, 8 жана 10 пайыздык чен менен жеңилдетилген насыя бериле баштаган. Долбоордун жалпы суммасы быйыл 6 миллиард сомдон ашат.

3
Белгилер:
айыл чарба, өкмөт, насыя, ишкер, дыйкан
Тема боюнча
Кыргызстанда пандемияга карабай чакан насыя алгандар көбөйдү
Корумду — Балбай жолун оңдоого Араб өлкөлөрүнөн 116 млн. доллар насыя алынат