Кыргызстандык актер Атай Өмүрбеков

Актер Атай Өмүрбеков: атасыз өстүм, балам да атасыз чоңоюуда...

(жаңыланган 10:28 02.06.2018)
Жакында эле Кыргызстанда биринчи ирет жаңы стилде, атактуу англиялык драматург Уильям Шекспирдин "Макбет" трагедиясы Токтоболот Абдумомунов атындагы кыргыз улуттук академиялык драма театрында коюлду. Анда башкы ролдордун бирин жаш актер Атай Өмүрбеков аткарган.

Коомчулукка "Ээнсиреген үй" тасмасындагы образы менен белгилүү болгон актер Sputnik Кыргызстан агенттигинде конокто болду. Баса, Атай Өмүрбеков Sputnik Кыргызстан агенттигинин "Сынган кылыч" долбооруна катышып, каармандардын биринин үнүн коштогон.

— Жакында эле улуу жазуучу Шекспирдин "Макбет" спектаклинде Макбеттин ролун аткардыңыз. Бул роль кандайча сизге тийип калды?

— Өзүм үчүн дагы күтүүсүз болду. Бир жыл мурун спектаклдин режиссеру Сара Бержер келип баарыбызды кастингден өткөрүп, монолог айттырып кеткен. Кийин эле Макбетти мени аткарсын деген буйрук чыгып калыптыр. Чынын айтсам, аябай деле даярданган эмесмин. Бизге бул спектаклди коюуга 25 күн эле берип коюшкан. Жок дегенде эки ай бергенде образдарды мындан сонун ачып бермек болушубуз керек. Бирок кыска аралык ичинде биз Сара Бержердин оозун ачырдык. Англичандар көбүнчө сөзүнө көбүрөөк маани беришет экен да. Биз болсо сөз, кыймыл-аракет жагынан да спектаклди ийине жеткирдик десек жаңылышпайм.

Кыргызстанский актер Атай Омурбеков в образе Макбета в одноименном спектакле Шекспира
© Фото / Майрамбек уулу Эркинбек
Атай Өмүрбеков: Өзүм үчүн дагы күтүүсүз болду. Бир жыл мурун спектаклдин режиссеру Сара Бержер келип баарыбызды кастингден өткөрүп, монолог айттырып кеткен. Кийин эле Макбетти мени аткарсын деген буйрук чыгып калыптыр.

— Окурмандарга өзүңүз тууралуу кыскача айтып кетесизби. Балалык чагыңыз кайда өттү эле?

— Мен 1985-жылы 24-апрелде кедей дыйкандын үй-бүлөсүндө туулгам (күлүп). Ата журтум Чүй облусуна караштуу Кайыңды айылы. Бирок ата-энем кичине кезимде эле ажырашып кетип, апам 1990-жылдары Бишкекке көчүп келген. Анда мен беш жашта болчумун. Апам бизди жалгыз багып чоңойтуп кыйын күндөрдү өткөрдү, ага карабастан турмуштун кыйынчылыгына майышкан жок. Бизди канатына калкалап, эч нерседен кем кылбай тарбиялап өстүрдү. Абдан ыраазымын. Балалык күндөр көпчүлүгү Ысык-Көлдө тай жагымда өтүп, 1-2-классты Барскоондогу балдар интернатында окудум. Атам менен апам ажырашып кеткенде мен кичине болуп көп деле нерсе билбей калдым. Бирок чоңоюп акыл-эс кирип калганда эркектин колдоосуна муктаж болуп, ата керек экенин билдим. Ошентип жүрүп мектепти бүткөндө, 17 жашымда атам менен көрүштүм. Азыр сүйлөшүп, катышып турабыз.

— Жалгыз баласызбы?

— Жок, байкем, эжем бар. Апам учурда Бишкек шаардык троллейбус башкармалыгында бир бөлүмдүн башчысы болуп иштейт.

Кыргызстанский актер Атай Омурбеков во время интервью корреспонденту Sputnik Кыргызстан
© Sputnik / Табылды Кадырбеков
Атай Өмүрбеков: Ата-энем кичине кезимде эле ажырашып кетип, апам 1990-жылдары Бишкекке көчүп келген. Анда мен беш жашта болчумун.

— Театрга кандайча келип калдыңыз эле? Эмне үчүн бул кесипти тандап алдыңыз?

— Кичине кезимде ар кандай ийримдерге катышып ырдап-бийлеп калчумун. Мектепте окуп жүргөндө куурчак театрында да иштеп, ортодон режиссер Жаныш Кулмамбетовдун аялынын куурчак театрында ойноп калдым. Ошол кезде Жаныш агай "окууну бүткөндө Искусство институтуна тапшырып көрбөйсүңбү" деп сунуштаган. Ага чейин туризм академиясына тапшырып өтүп кеткем. Өз күчүмдү сынап көрөйүн деп Искусство институтуна барсам ал жак да кабыл алды. Ошону менен күз келгенде байкап көрөйүн дедимби, айтор, буйрук экен, артисттин окуусун тандап алдым.

— Азыр жаңы чыккан тасмалардан сизди көп көрчү болдук. Кино жаатында кайсы тасма тушооңузду кести эле?

— Эң алгачкы чоң долбоорум режиссер Нурбек Эгендин "Ээнсиреген үй" тасмасы болду. Тасмада мен баш каарман Аселдин (Марал Койчукараеванын) жигити болуп аткаргам. Ушул фильмден кийин мага башка тасмаларга тартылууга сунуштар көп түшө баштады.

Кыргызстанский актер Атай Омурбеков
© Sputnik / Табылды Кадырбеков
Атай Өмүрбеков: Эң алгачкы чоң долбоорум режиссер Нурбек Эгендин "Ээнсиреген үй" тасмасы болду. Тасмада мен баш каарман Аселдин (Марал Койчукараеванын) жигити болуп аткаргам.

— Тасма тууралуу коомчулукта ошол кезде ар түрдүү пикир айтылды. Сиз буга кандай карайсыз?

— Сценарийди окуп, киного тартылып баштаганда эле бул тасма курч социалдык драма экенин түшүндүм. Ооба, тасмада эротикалык эпизоддор бар болчу. Бирок аны ар бир адам өз акылына жараша баалады. Айрымдары так ошол жерин көрүш үчүн эле кинотеатрларга келип жатканын билебиз. Негизи фильмде чоң көйгөй катары кыргыз мигрант кыздарынын тагдыры, турмушу чагылдырылган.

— Ачык сценаларга тартылууда кандай сезимдер болду?

— Оңой болду деп айта албайм. Бирок менден да Маралга жаман болду, кыйналды, уялды. Бирок образын сонун кылып ачып берди. Анын үстүнө тартуучу топ да колдоп, экөөбүз кыз-жигит болгон үчүн бир аз жеңил болду окшойт.

— Марал Койчукараева менен тасмага чейин эле кыз-жигит белеңер же силерди "Ээнсиреген үй" табыштырдыбы?

— Марал экөөбүз тасмага тартыларда кастингден тааныштык. Бири-бирибизди жактырып, Москвада тартуу иштери жүрүп жаткан маалда сүйлөшүп баштаганбыз. Кыргызстанга келип Ысык-Көлдө мамилебизди ачыкка чыгардык.

Актриса Марал Койчукараева со своей семьей
© Фото / Назира Эринтур кызы
Атай Өмүрбеков: Марал экөөбүздүн бирге түтүн булатпай калганыбызга жарым жылдай болду. Ортобузда бир балабыз бар. Азыр төрт жашта. Үч жыл чогуу жашап жакшы күндөрдү өткөрдүк.

— Демек, силерди тасма табыштырган турбайбы.

— Ооба, бирок Марал экөөбүз учурда эки ача жолго түшкөнбүз.

—…

— Бирге түтүн булатпай калганыбызга жарым жылдай болду. Ортобузда бир балабыз бар. Азыр төрт жашта. Марал дарыгер-ветеринар болгондуктан кесиби боюнча иштегени Москвага кеткен. Учурда жеке клиникалардын биринде эмгектенет. Үч жыл чогуу жашап жакшы күндөрдү өткөрдүк.

Участники церемонии открытия IV Республиканского фестиваля театров в Бишкеке
© Sputnik / Табылды Кадырбеков
Атай Өмүрбеков: театрдын айлыгы болгону 4000 сом. Албетте, ал эч нерсеге жетпейт. Радиолорго ролик окуйбуз, жарнамалык роликтерге, тасмага тартылып гонорар алабыз. Айтор, ачка кала элекпиз

— Өзүңүз да атасыз чоңойсоңуз балаңыз кыйналып калат деп ойлогон жоксузбу?

— Ойлодум. Бирок мен өз атамдай болуп жоголуп кеткен жокмун да. Дайыма көрүшүп турабыз. Жакында эле менин колума келди. Жайкы каникулду бул жактан өткөрүп коюп, күзүндө апасына кетет.

— Байкашыбызча сиз көбүнчө терс каармандардын образын жаратасыз. Бир көргөн кишиге да кырс көрүнөт экенсиз. Негизи мүнөзүңүз кандай?

— Көп киши мүнөзүң кырс, сүрдүү көрүнөсүң деп айтат. Бирок мени менен кичине сүйлөшкөндөн кийин "сен таптакыр башкача турбайсыңбы" дегендер бар. Чындыгында өзүм бат жинденип, кайра тез эле жазылган ак көңүл адаммын. Сыртыман күчтүү, кырс көрүнгөнүм менен мүнөзүм жумшак эле.

— Актерлордун айлыгы аз деп айтышат. Кошумча каражат булактарыңыз барбы?

— Театрдын айлыгы болгону 4000 сом. Албетте, ал эч нерсеге жетпейт. Радиолорго ролик окуйбуз, жарнамалык роликтерге, тасмага тартылып гонорар алабыз. Айтор, ачка кала элекпиз.

Кыргызстанский актер Атай Омурбеков во время интервью корреспонденту Sputnik Кыргызстан
© Sputnik / Табылды Кадырбеков
Атай Өмүрбеков: Көп киши мүнөзүң кырс, сүрдүү көрүнөсүң деп айтат. Бирок мени менен кичине сүйлөшкөндөн кийин "сен таптакыр башкача турбайсыңбы" дегендер бар.

— Кыргыз кинолоруна тартылууда жакшы эле гонорар төлөп беришеби?

— Ар кандай. Аткарган ролуңа жараша. Мындан мен эң көп гонорар алган "Ээнсирген үй" фильми болду. Ал жакта чындап эле каражат жагынан нааразы кылган жок. Тартылган күндөргө 150 доллардан төлөп берген.

— Жалгыз калуудан коркпойсузбу?

— Жалгыздыкка адам даярданышы керек. Бул — чоң сыноо, билем, бирок ага көп киши батына албайт. Азырынча кайра турмуш куруу оюмда жок.

Белгилер:
актер, театр, тасма, Атай Өмүрбеков, Кыргызстан
Тема боюнча
Элина Абай кызы, Instagram жана көл... Эрнест Абдыжапаров менен маек
Марат Жантелиев: "Ош" базарды аралап жарма саткан күндөр болгон
Эки кишини өлтүрүп ала жаздагам... "Ак кемедеги" Нургазы Сыдыгалиев менен маек
Жанып турган лампа. Архив

Эртең Бишкектин бир нече көчөсүндө жарык болбойт. Тизме

Шаршемби күнү тиешелүү адистер подстанциялардагы электр жабдыктарын оңдоп, бутактарды кыйышат.

БИШКЕК, 13-апр. — Sputnik. Эртең, 14-апрелде, Бишкек шаарынын бир нече жеринде электр жарыгы өчүрүлөт. Бул тууралуу "Түндүк электр" ачык акционердик коомунан кабарлашты.

Ал күнү адистер подстанциялардагы электр жабдыктарын оңдоп, бутактарды кыйып жана башка жумуштарды жасамакчы.

Жарык берүү үзгүлтүккө учурай турган аймактар:

  • 9:00дөн 13:00гө чейин — Дэн Сяопин, Алыкулов, Астрахань, Белгород, Камчатка көчөлөрүнүн кесилишинде;
  • 9:00дөн 17:00гө чейин — Каховский көчөсүндөгү №37 үйдө жана Абдымомунов, Фрунзе, Осмонкул көчөлөрүнүн кесилишинде;
  • 9:00дөн 18:00гө чейин — Лев Толстой, Леваневский, Профсоюз, Фучик жана Арча-Бешик жаңы конушунун кээ бир бөлүгүндө (Ак-Түз, Кызыл-Адыр, Садыбакасов көчөлөрүндө);
  • 9:30дан 17:00гө чейин — Жибек жолу жана Манас проспектилеринин кесилишинде, Осипенко, Тюмень, Күрөңкеев, профессор Зима, Ананьев жана Ташкент көчөлөрүнүн кесилишинде;
  • 9:30дан 18:40ка чейин — Фере көчөсүндө;
  • 9:30дан 19:00гө чейин — Жогорку Төкөлдөш жаңы конушунда жана Литов, Кийизбаев, Октябрь, Армейская көчөлөрүнүн кесилишинде;
  • 9:40тан 18:00гө чейин — Байтик баатыр, Үсөнбаев, Абдрахманов көчөлөрүнүн кесилишинде.
Белгилер:
электр жарыгы, Бишкек
Тема боюнча
Бишкекте түркүн түстүү жоогазындар гүл ачты. Ажайып сүрөттөр

Дүйнөдөгү эң бай 15 киши. Сүрөттөр

  • Ларри Пейж менен Сергей Брин дүйнөдөгү эң популярдуу Google издөө системасын иштеп чыгышкан. Байлардын тизмесинде сегизинчи катарда турган Ларри Пейждин мүлкү 91,5 миллиард доллар
Forbes журналы жакында эле жыл сайын жарыялоочу дүйнөнүн эң бай адамдарынын рейтингин чыгарды. Байлыгына сан жетпеген кишилер кандай болорун, алардын мүлкү тууралуу Sputnik Кыргызстандын сүрөт түрмөгүнөн окуңуз.

Эң байлардын тизмесинде дагы деле Amazon интернет-ритейлердин башкы директору Жефф Безос көч баштоодо. Анын байлыгы бир жыл ичинде 64 миллиард долларга көбөйгөн. Учурда анын мүлкү 177 миллиард долларды чапчыйт.

Tesla компаниясынын ээси, жеке ишкер Илон Маск экинчи сапта турат. Өткөн жылы анын компаниясынын акциялары 720 пайызга кымбаттап, рейтингдеги 31-катардан дароо экинчиге көтөрүлүүгө мүмкүнчүлүк берди.

LVMH мода үйүнө үй-бүлөсү менен ээлик кылган Бернар Арно үчүнчү сапка жайгашып, мүлкү 150 миллиард долларга бааланууда. Эскерте кетсек, россиялык супермодель Наталья Водянова Бернардын уулу Антуан Арнонун жубайы болот.

Рейтингге бардыгы болуп 2 755 миллиардер кирген. Алар былтыркыдан 660 кишиге көбөйгөн. Миллиардерлердин мүлкү жалпы жонунан 13,08 триллион долларга бааланууда. Бул рекорддук көрсөткүч.

 

  • © REUTERS / Joshua Roberts

    Планетанын эң бай адамы Жефф Безос 2018-жылы Вашингтондо өткөн экономикалык клубдун жыйынында сүйлөп жаткан учуру

  • © AP Photo / Richard Drew

    Tesla компаниясынын негиздөөчүсү Илон Маск автоунаанын жанында турат. 2020-жылы ал дүйнөдөгү эң бай адамдардын рейтингинде болуп көрбөгөндөй секирик жасаган

  • © AFP 2021 / Gabriel Bouys

    Рейтингде үчүнчү сапта LVMH мода үйүнө ээлик кылган Бернар Арно жана үй-бүлөсү турат. Сүрөттө: Бернар Арно өмүрлүк жары, уулу Антуан жана келини россиялык супермодель Наталья Водянова

  • © AFP 2021 / Tobias Schwarz

    Microsoft компаниясын негиздеген Билл Гейтс 124 миллиард доллар мүлкү менен төртүнчү орунда турат. Ал жубайы менен дүйнөдөгү эң ири кайрымдуулук фондду жетектешет. Мындан сырткары, АКШнын 19 штатында дыйканчылык жерлери бар

  • © AP Photo / Bob Edme

    Бешинчи сапты Марк Цукерберг ээлеген. Facebook социалдык тармагынын негиздөөчүсүнүн мүлкү 97 миллиардды чапчыйт

  • © AP Photo / Eric Francis

    Уоррен Баффеттин байлыгы Цукербергдикинен бир миллиард долларга аз. Ал белгилүү Berkshire Hathaway инвестициялык мекемеге жетекчилик кылат. Уюм 60тан ашык компаниянын үлүшүнө ээлик кылат

  • © AFP 2021 / Getty Images North America / Ezra Shaw

    Миллиардер Ларри Эллисондун негизги кирешеси Oracle компаниясынан түшөт. Мекеме программалык камсыздоо менен алектенет. Эллисондун мүлкү 93 миллиард доллар деп бааланат

  • Ларри Пейж менен Сергей Брин дүйнөдөгү эң популярдуу Google издөө системасын иштеп чыгышкан. Байлардын тизмесинде сегизинчи катарда турган Ларри Пейждин мүлкү 91,5 миллиард доллар
    © AP Photo / Jeff Chiu

    Ларри Пейж менен Сергей Брин дүйнөдөгү эң популярдуу Google издөө системасын иштеп чыгышкан. Байлардын тизмесинде сегизинчи катарда турган Ларри Пейждин мүлкү 91,5 миллиард доллар

  • © AFP 2021 / Getty Images North America / Justin Sullivan

    Сергей Бриндин 89 миллиард долларлык мүлкү бар. Анын атасы 1977-жылы Советтер Союзунан жер которуп кеткен

  • © REUTERS / Amit Dave

    Индиялык Мукеш Амбани ааламдагы эң байлардын тизмесиндеги алдыңкы ондукка кирген азиялык жалгыз өкүл. Ал ири мунай компаниясынын акционери болуп саналат. Мындан сырткары, 4G-интернет кызматын көрсөтүүчү компанияга ээлик кылат

  • © AP Photo / Iago Lopez

    Inditex корпорациясын негиздеген испаниялык Амансио Ортега 11-сапта турат. Ал бир катар дүйнөлүк бренддерди башкарат, алардын эң атактуусу – Zara

  • © AP Photo / Francois Mori

    Франсуаза Беттанкур-Майерс L'Oreal косметикалык бизнес-империясын негиздеген адамдын небереси болуп саналат

  • © AFP 2021 / STR / CNS

    Кытайлык Чжун Шаньшань суусундук чыгаруучу компанияга жана медициналык корпорацияга ээлик кылат

  • © AP Photo / Mark J. Terrill

    Microsoft компаниясынын мурдагы башкы директору Стив Балмер рейтингде 14-сапта

  • © AP Photo / Kin Cheung

    Ма Хуатэн Tencent Holdings интернет-холдингге ээлик кылат. WeChat мессенжери дал ушул уюмга таандык. Кытайлыктын ошондой эле дүйнөдөгү башка ири долбоорлордо да үлүшү бар.

Белгилер:
мүлк, рейтинг, миллиардер, байлык, Forbes
Тема боюнча
Дүйнөнүн эң бай беш кишиси аныкталды. Жаңы рейтинг