Бишкек шаары. Архивдик сүрөт

КР Кытайга 25 сотых жер үчүн 3,4 гектар жерди береби? Бийлик муну кандай түшүндүрдү

654
(жаңыланган 17:39 31.05.2018)
Шаардык кеңештин депутаттары Кытайдын Кыргызстандагы элчилигинин имараты турган 3,371 гектар жерди ижарадан бошотуу сунушун колдогон эмес.

БИШКЕК, 31-май — Sputnik. Бишкек мэри Албек Ибраимов шаршемби күнү "Апрель" телеканалынын түз эфиринде Бишкектеги Кытай элчилигине ижарага берилген жер боюнча түшүндүрмө берди.

Анын айтымында, маселе жерди коңшу өлкөгө менчикке берүү эмес, буга чейин төлөнүп келген ижараны алып салуу боюнча болгон.

"Кечээ, 30-майда жер тууралуу түшүнбөстүктөр болуп кетти. Кеп Кытай элчилигине кошумча жерди менчикке берүү эмес, азыр колдонуп жаткан, 49 жылга берилген жеринин ижарасын алып салуу жөнүндө болгон. Тагыраагы, бекер колдонууга берүү. Мындай өтүнүч менен шаардык кеңештин төрагасына Тышкы иштер министрлиги кайрылган. ТИМдин кызматкеринин докладында айтылганына караганда, ушуга чейин бул жаатта эки тараптуу абдан чоң аракеттер көрүлгөн", — деди Ибраимов.

Мэрдин маалыматы боюнча Кытай тарап дагы өз кезегинде кыргыз элчилигине Пекин шаарынан жер бөлүп бермекчи.

"Кытай буга жооп катары Пекинден жер бөлүп, ага дээрлик гранттык негизде элчиликтин имаратын куруп беришет", — деп түшүндүрдү шаар башчысы.

Бишкек шаардык кеңештин депутаттары 30-майдагы кезектеги жыйынында Кытайдын Бишкектеги элчилигинин имараты турган 3,371 гектар жерди ижарадан бошотуу маселесин карап, аны колдогон жок. Бирок депутаттар бул өтө маанилүү маселе экенин белгилеп, колдоо зарылдыгын айтып чыгышты. Ошнетсе да кайрадан добушка коюлган маселе баары бир өтпөй калды.

Жыйында шаардык кеңештин төрагасы Алмаз Кененбаев Кытай тарап Кыргызстандын Пекиндеги элчилигине кошумча 25 сотых жер бөлүп берип, ал жерге элчиликтин имаратын жана көп кабаттуу турак-жай салып бере турганын айтты.

Тышкы иштер министрлигинин өкүлү Кытай тарап менен Кыргызстандын Пекиндеги элчилигине бөлүнө турчу 25 сотых жерге имарат курдуруу боюнча сүйлөшүүлөр дээрлик 5 жыл жүргөнүн кошумчалаган.

31-майда тышкы иштер министри Эрлан Абдылдаев мэриянын имаратына келип, бирок ал эмне маселе боюнча келгенин журналисттерге айткан эмес.

Белгилей кетсек, июндун башында Кыргызстандын президенти Сооронбай Жээнбековдун Кытайга расмий сапар менен барат.

654
Белгилер:
шаардык кеңеш, Тышкы иштер министрлиги, Алмаз Кененбаев, Эрлан Абдылдаев, Бишкек
Тема боюнча
Кыргызстан эми Кытайга тооктун баш-шыйрагын экспорттой баштайт
Албек Ибраимов өзү фигурант болгон кылмыш иши боюнча пикирин айтты
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

133
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

133
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы

Тактаны чачырата тепти. Асман менен баскан балдардын кызыктуу видеосу

128
(жаңыланган 20:29 20.06.2021)
АКШ менен Түштүк Кореянын тхэквондочуларынан куралган топ популярдуу болгон America"s Got Talent сынагынын көрүүчүлөрү менен калыстарын абдан таасирлентти.

Алардын суктанткан номери YouTube каналга жүктөлгөн. 

Аталган балдар-кыздар Олимпиадага чакырылып, бирок коронавирустун айынан болгон өзгөрүүлөрдөн улам ага катыша албай калганы айтылган. Дүйнөлүк деңгээлдеги иш-чарага катыша албай калган спортчулар азыркы сынакка катышып көрүүнү чечкен.

"Бизди Олимпиадага чакырышкан, бирок пандемиядан улам оюнду өткөрүү мөөнөтү жылып кетип, ага катышууга мүмкүнчүлүк болбой калды", — деген топтун лидери.

Эки өлкөнүн таланттуу, шамдагай спортчуларынын бул шоу-номери көргөн адамды кайдыгер калтырбайт. Алардын бир нече метр бийиктикке секирип баратып, жолунан кездешкен такталарды бир нече бөлүккө чачырата тепкенин көрүүгө болот.

Андан сырткары балдар-кыздар кызыктуу бийлерди, акробаттык чеберчиликтерин көрсөткөн.

Спортчулардын талантына таасирленген калыстар тобунун мүчөсү, теле алып баруучу Терри Крюс дароо эле финалга жолдомо берген алтын баскычты басып, залды да, тхэквондочуларды да бактылуу кылган.

America's Got Talent — теледолбоору ар кыл таланттарды өзүнө чакырган кызыктуу шоу. Анын байге фонду миллион доллар.

128
Тема боюнча
Укмуш номер болуптур! Атайдын бий тобу Кытайдагы сынакта финалга чыкты. Видео