Кыргызстанга Казакстандан менингит оодубу? Министрликтин жообу

© AP Photo / Mahesh Kumar A.Всемирный день борьбы с туберкулезом в Индии
Всемирный день борьбы с туберкулезом в Индии - Sputnik Кыргызстан
Жазылуу
Казакстанда аталган дарттан 12 киши көз жумду.

БИШКЕК, 11-июн. — Sputnik. Whatsapp тайпаларды Кыргызстанда менингит оорусунун күч алышы тууралуу билдирүүлөр тарап жатат.

"Менингит күч алыптыр. Өзгөчө кичинекей балдарга тез жугуп, бат эле чарчап калып жатышканы айтылууда. Балдарды сууга түшүрбөңүздөр, суукка алып чыкпаңыздар, бал муздак жедирбей, колун дайым жууп турсун, бассейнге түшпөсүн. Кичине эле грипп болсо тез эле менингитке айланып кетип жатыптыр", — деп айтылат билдирүүдө.

Ооруканадагы ымыркай. Архив - Sputnik Кыргызстан
Көз көрбөй, кулак укпай, акылдан тайып каласың... Дарыгер менингит тууралуу
Казакстанда бул кооптуу оору 12 кишинин өмүрүн алды. Саламаттык сактоо министрлигинин жугуштуу оорулардын алдын алуу жана көзөмөлдөө бөлүмүнүн башчысы Динара Оторованын айтымында, Кыргызстанда быйыл бул дарттан жапа чеккендердин саны тескерисинче кыскарды.

"Жыл башынан бери 10 бейтап гана катталды. Бул былтыркыга салыштырмалуу дээрлик үч эсеге аз. Менингит 15-20 жылда бир күч ала турган оору. Айтаарым, элди дүрбөлөңгө салган кишилер менен УКМК иштеши керек", — деди ал.

Дарыгердин айтымында, менингитке кабылган адамдын башы катуу ооруп, жүрөгү айланып, дене табы жогорулайт.

Жаңылыктар түрмөгү
0