Россиялык белгилүү теле алып баруучу Максим Галкин. Архив

Соцтармак кызыктары: шымы жок калган Галкин, кубулжута ырдаган байбиче

1058
(жаңыланган 11:16 14.06.2018)
Sputnik Кыргызстан агенттиги артта калган аптада интернет айдыңынан орун алган кызыктуу сүрөт, видеолор топтомун сунуштайт.

БИШКЕК, 11-июн. — Sputnik. Узаган жуманын аягында Бишкекте "Кечир бизди, Бурулай!" аттуу акция өтүп, анда акын Мирлан Самыйкожонун окуган ыры коомчулукту ойго салды. Мындан сырткары, анын элесине арналган кыска метраждуу тасма тартылды. Андан башка орусча жарамазан айткандар жана кубулжута ырдаган байбиче соцтармактын көңүл чордонунда болуп турду.

1. Бурулайдын элесине. Бул фильм Бишкекте ала качып алган киши милиция бөлүмүндө бычактап салган 19 жаштагы Бурулай Турдали кызынын жаркын элесине арналды. Тасманын башкы каарманы — айылда апасы менен чогуу жашаган Ажар аттуу кыз. Жетишпеген турмуштун айынан атасы Россияга иштегени кеткен. Ажар абдан активдүү, шайыр кыз. Бирок аны бир күнү ала качып кетишет. Тасмада мындай кырдаалдан кантип чыгуунун жолун көрсөтүшкөн. Сценарийдин автору жана фильмдин режиссеру — Азим Азимов.

2. Ишемби күнү борбор калаада "Кечир бизди, Бурулай!" аттуу акция өттү. Ага мурунку президент Роза Отунбаева башында турган коомдук уюмдун өкүлдөрү, жарандык активисттер жана белгилүү чыгармачыл адамдар катышты. Акын Мирлан Самыйкожонун окуган ыры кыздарга зомбулук көрсөткөн жигиттердин намысына тийип, аң-сезимин ойготту көрүнөт.

"Арт жагынан айгайлатып куудуруп,
Ала качкан эрдик эмес, уурулук!
Жыла басып, жашырынып жашабай,
Жигит болсоң катардан чык суурулуп.

Адам көөнүн таба албаган айбандык,
Ала качуу салт эмес бул салбарлык.
Кыз көңүлүн ала албаган шалтурук…
Кайда? Кана? Кыраакылык, кайбарлык",
 — деген саптары камтылган.

3. "Манас" операсы президентти толкундантты. Өлкө башчы Сооронбай Жээнбеков Пекинге болгон мамлекеттик иш сапарынын алкагында "Манас" операсын көрдү. Ал жакка барган кабарчыбыздын айтымында, эки миңдей кишиге арналган залда дээрлик бош орун калбаптыр. Көрүүчүлөрдүн көпчүлүгү кытай жарандары болгон. Алар актерлорду сахнадан дүркүрөгөн кол чабуулар менен узаткан. Соңунда Жээнбеков сөз сүйлөп, операны койгон кытай артисттерин Кыргызстанга чакырды.

Белгилей кетсек, Кытайдын Маданият жана туризм министрлиги менен Борбордук опера институту "Манас" эпосу боюнча операны коюуга эки жыл убакыт кетирген. Сценарий Жусуп Мамайдын вариантындагы эпостун негизинде жазылган, аны кытай тилине Кытайда жашаган филология илимдеринин доктору, профессор Адыл Жуматурду которгон. Сиз да көрүп, сезимдериңиз менен бөлүшүңүз.

© Пресс-служба президента КР
Жээнбеков "Манас" операсын койгон кытай артисттерин Кыргызстанга чакырды

4. Кара көз сулуу Даткайым. Тамара апа улгайып калса да жайдары мүнөзүнөн тайбай, кыргыз ырларын катыра ырдайт. Анын аткарган ырларын Facebook тармагында Арууна Канболотова аттуу колдонуучу баракчасына улам-улам жүктөп жатат. Бул ирет апабыз жүрөк кылын зуулдаткан "Даткайым" чыгармасын ырдаптыр. Ден соолукта болуңуз!

5. Коңур үндүү жеткинчек. Ал эми чак түштө көчөнү жаңырта ырдаган Санжар Акылбеков коңур үнү менен соцтармакта отургандардын көңүлүн бурду. Ал жакта аны шоу-бизнестеги айрым ырчыларды артта калтырганын айтып, алкап жатышат. Сиз да өз бааңызды бериңиз.

6. Шымы жок калган Галкин. Россиялык ырчы Алла Пугачева күйөөсү Максим Галкиндин шымы жок жүргөнүн видеого тартып, аны Instagram баракчасына жүктөп койгон. Астына "Макс Инстаграм баракчасына мени киргизем дей берип тажатты. Мына анын телефонун алып тарттым да жүктөп койдум. Пугачева" деп жазыптыр. Ал видеону төрт күндүн ичинде төрт миллионго жакын адам көргөн.

7. Орусча жарамазан уктуңуз беле? Орозо айы башталгандан тарта күн-түн дебей жарамазан айткан балдар жамгырдан кийинки козу карындай жайнады. Топтошуп алып түнкүсүн эшигиңди кагып келсе ыраазы болосуң! Бирок чаламандын чак түшүндө көчөдө жалгыз эле артыңдан ээрчип же унааңа келип айтып жаткандарды көрүп жаттык. Бул видеодо ошондой учурлардын бири чагылдырылыптыр. Кырдаал кыстаса, жарамазанды орусчага да которуп салышат экен.

8. Ооз ачырып жүрөт… Вайнер Азамат Исмаилов кымбат баалуу унаасы менен элдин оозун ачыргысы келиптир. Ал орозо айында ушундай жол менен шаардагылардын оозун ачырып, сооп иш кылам деп бараткан экен. Астынан чыккан жигит "ооз ачарды үйдө кылыш керек" десе "макул, барсаң заңгыраган үйүм бар, аны көрсөң да оозуң ачылат" деп жооп узаткан. Ниетти түздөйлү!

1058
Белгилер:
ыр, орозо, кыз ала качуу, социалдык тармак
Тема:
Соцтармактардагы кызыктар (45)
Тема боюнча
Балага Интернеттен кооптуу тапшырмалар берилүүдө. ИИМ коңгуроо кагып жатат
Өнөрпоздор борбордук аянтты жаңыртып манас айтты. Видео
Жайлоо. Архив

Прокуратура: Ысык-Көлдөгү менчиктелип кеткен жайыт мамлекетке кайтарылды

23
(жаңыланган 12:13 14.05.2021)
2015-жылдын жай айларында жайыт катары эсептелген 3 086 000 сомдук жер райондук соттун чечими менен менчикке өтүп кеткен.

БИШКЕК, 14-май — Sputnik. Ысык-Көл облустук прокуратурасы менчикке өтүп кеткен 3,48 гектар жерди аныктап чыгып, аны кайра мамлекетке кайтарды. Бул туурасында Башкы прокуратуранын маалымат кызматынан кабарлашты.

"Ысык-Көл райондук сотунун чечими менен 2015-жылдын жай айларында жайыт катары эсептелген 3 086 000 сомдук жер К.А. аттуу жарандын менчигине мыйзамсыз берилип кеткен. Прокурордук текшерүүнүн жүрүшүндө бул фактылар ачыкка чыкты", — деп айтылат маалыматта.

3,48 гектар жайытты мамлекетке кайтарып бериш үчүн Ысык-Көл облустук прокуратурасы доо арыз менен облустук сотко кайрылган. Апелляциялык инстанциядагы сот прокурордук чара көрүү актысын толугу менен канааттандырган. Анын натайжасында кыймылсыз мүлк мамлекеттин карамагына өткөрүлгөн.

23
Белгилер:
менчиктештирүү, чечим, жер, сот, прокуратура, Ысык-Көл району, Кыргызстан
Тема боюнча
Прокуратура: Таластагы жайыт, Нарындагы жер тилке мамлекетке кайтарылды
Профилактика иштерин жасап жаткан сантехник. Архив

Бишкекте ысык суу өчкөндөн кийин кандай иштерди жасап алуу керек

15
(жаңыланган 12:01 14.05.2021)
Бишкекте 17-майдан баштап бир айга ысык суу өчүрүлөт. Буга байланыштуу көп кабаттуу үйлөрдүн жашоочуларына көйгөйлөрдү алдын алуу иштерин жүргүзүп алуу сунушталды.

БИШКЕК, 14-май — Sputnik. Борбор калаада ысык суу өчкөн маалда бир нече профилактикалык иштерди жасап алуу керектигин "Бишкек жылуулук тармагы" ишканасы айтып берди.

Эске сала кетсек, Бишкекте 17-майдан баштап бир айга ысык суу өчүрүлөт. Бул убакыт аралыгында суу түтүктөрү пландуу оңдоодон өткөрүлүп, күз-кыш мезгилине даярдык көрүлөт.

Буга байланыштуу көп кабаттуу үйлөрдүн жашоочуларына ар кандай көйгөйлөрдү алдын алуу иштерин жүргүзүп алуу сунушталды:

  • түтүк ылдый жактан келген көп кабаттуу үйлөр жогорку жактан аба чыгара турчу шаймандарды орнотуусу зарыл;
  • жылуулукту жакшы өткөрүү үчүн кирдеп толуп калган эски батареяларды жууп же алмаштыруу керек;
  • ошондой эле ысык менен муздак сууну аралаштырып берген крандарды оңдоп алуу туура;
  • ысык суу берилерде суу агып кетпеш үчүн "Аристон" сыяктуу суу жылытуучу каражаттарды өчүрүп коюу зарыл;
  • айнектерди жана сырткы эшиктерди жылуулап алуу керек.

Суроолор боюнча "Бишкек жылуулук тармагы" ишканасынын 1980, (0312) 611 169, 0557 611166, 0777611166 жана 0701 611166 номерине чалууга болот.

15
Белгилер:
ысык суу, ишкана, Бишкек жылуулук тармагы, Бишкек
Тема боюнча
Ошто таза суу көйгөйүн чечүү үчүн жаңы долбоор каралууда
Бишкекте ысык суу качан өчүрүлөрү белгилүү болду
КТРКнын башкы директорунун радио уктуруулар боюнча орун басары Айбек Мусаев

Мусаев: "Кыргыз радиосунун" 90 жылдыгы мамлекеттик масштабда өтөт

0
(жаңыланган 12:36 14.05.2021)
КТРКнын башкы директорунун радио уктуруулар боюнча орун басары Айбек Мусаев "Кыргыз радиосунун" 90 жылдык мааракесин мамлекеттик деңгээлде өткөрүү мерчемделип жатканын маалымдады.

"Кыргыз радиосунун" 90 жылдан бери эфирден жаңырып, коомдун саясий-экономикалык, адабий, маданий жана башка турмушун чагылдырып келет. Уктуруулар атайын архив болуп саналган алтын казынада сакталып турат. Бул тууралуу Айбек Мусаев Sputnik Кыргызстан радиосуна маек куруп жатып билдирди.

Мусаев: "Кыргыз радиосунун" 90 жылдыгы мамлекеттик масштабда өтөт

Анын айтымында, интернеттин өнүгүүсү менен радио пассивдүү маалымат каражаты саналганы менен заман талабына жараша ыңгайлашуу мүмкүнчүлүгү бар.

"Өз кезегинде дүйнөдө ыкчам маалымат таратуучу каражат катары радио саналып келсе, учурда салттуу ЖМК катары эсептелет. Радио угармандар маалымат алуучулардын 72 пайызын түзөт деп айтылганы менен учурда башка маалымат каражаттарына караганда пассивдүү болууда. Ошентсе дагы ал өзүнүн салттуу багытын сактап келе жатат. Заманбап техниканын көмөгү менен визуалдашып, интернет аркылуу эфирге чыгып, оперативдүү, ыкчам маалымат таратууга ыңгайлашууда. КТРКнын "Кыргыз радиосу" FM жыштыгынан турган жалгыз радио болгон. 90 жылдан бери коомдун саясий-экономикалык жашоосун, адабият, маданият жана башка элдин турмушун чагылдырып келет. "Кыргыз радиосунун" 90 жылдык мааракеси пандемияга туш келип калды. Ошого карабастан эпидемиологиялык абал жакшырса, күзгө чукул илимий-практикалык конференциялар пландалууда. Ал иш-чара эл аралык деңгээлде болсо деген максаттар бар. Учурда КТРКнын карамагында "Биринчи радио", "Кыргыз радиосу" жана "Миң кыял" болуп, үч түрдүү контенти бар. Кылымга тете убакытта "Кыргыз радиосунун" эфирден кеткен архиви алтын казынасында сакталып турат. Мындан тышкары, "Балдар FM" жана "Достук" деген редакциялар бар болчу. Алардын угармандары азайып, тийиштүү деңгээлде натыйжа бербегендиктен эки радиого чачыратылып, реорганизация жасалган. Мамлекет каржылап, мүмкүндүк түзүлсө балдар үчүн радио түзүү зарылдыгы бар. Учурда "Келечек" деп аталган радионун программалары иштелип чыккан", — деди Мусаев.

Ошондой эле ал радио-спектаклдерди кайрадан жаздыруу жөнгө салына баштаганын кошумчалады.

Подкасттын толук версиясын видеодон көрүңүз:

0
Белгилер:
маараке, КТРК, радио, Айбек Мусаев
Тема боюнча
Орокчиев: көзү өтүп кеткендердин маегин угуп "бул тирүү экен" дегендер болгон