БИШКЕК, 11-июн. — Sputnik. Чүй облусуна караштуу Молдовановка айылындагы №27 түзөтүү колониясындагы эркинен ажырагандар жарыялаган нааразылыгынан жана буга чейин койгон талаптарынан баш тартты. Бул тууралуу Жаза аткаруу мамлекеттик кызматынан кабарлашты.

Жума күнү, аталган колониядан 59 киши ачкачылык жарыялап, алардын ичинен 10у оозун тигип алган.

Эркинен ажырагандар аларды кармоо режимин өзгөртүүнү талап кылган (камерадан лагердикке). Ошондой эле камеранын шарты менен мекеменин айрым кызматкерлерине арызданган. 

"Бүгүн болжол менен саат 21.15 чамасында алар кармаган ачкачылыктан баш тартып, тамак иче башташты. Биздин психологдор алар менен иш алып барууда", — деп айтышты Жаза аткаруу мамлекеттик кызматынан.

Ведомстводон камалгандардын ден соолугу канаттандырарлык абалда экендигин кошумчалашты.

БИШКЕК, 19-янв. — Sputnik. Кыргызстандан Казакстанга, Россияга жана тескери багыт боюнча автоунаалар менен өткөрүлүүчү товарларга мониторинг жүргүзүү боюнча пилоттук долбоордун мөөнөтү узартылды. Бул тууралуу Мамлекеттик салык кызматы маалымдады.

Тийиштүү чечимге Кыргызстан менен Казакстандын салык органдарынын жетекчилери кол коюшту. Ага ылайык, пилоттук долбоордун мурдагы мөөнөтү 2020-жылдын 10-декабрына чейин болсо, эми 2021-жылдын 10-мартына чейин узартылды.

"Ушул мезгилде Кыргызстандан Казакстанга, Россияга жана тескери багыт боюнча товарларды ташууда өзү алып өтүүчү товарлардан тышкары автоунаа каражатынын жүк турган бөлүктөрүнө навигациялык пломба илинет. Жети мүнөттөн ашпаган убакытты талап кылган жол-жобо Казакстандын Финансы министрлигинин мамлекеттик кирешелер комитетинин кызматкерлери тарабынан жүзөгө ашырылат", — дешти салыкчылар.

Ташуучулардын пилоттук долбоорго катышуусу ыктыярдуу жана акысыз негизде болот. Ошол эле учурда өткөрмө пунктуларында, атайын бөлүнгөн жерлерде жана жолдордо навигациялык пломбалары бар жүк ташуучуларды көзөмөлдөөнүн кошумча түрлөрүн жүргүзүүгө жол берилбейт.