Кафеде тамакка ыпыр-сыпыр кошту делген милиционер кызматынан алынды

© ok.ru/ бакыт жукалаевИнспектор Главного управления обеспечения безопасности дорожного движения Бакыт Жукалаев
Инспектор Главного управления обеспечения безопасности дорожного движения Бакыт Жукалаев - Sputnik Кыргызстан
Жазылуу
Жукалаевдин жүрүм-туруму бүткүл милициянын беделине шек келтиргени айтылды.

БИШКЕК, 21-июн. — Sputnik. Коомдук тамактануу жайында милиция кызматкеринин өзүн алып жүрүүсү боюнча интернетке тараган видео кызматтык иликтөөгө алынып, жыйынтыгында Ысык-Көл милициясынын ЖКККБсынын ага лейтенанты Бакыт Жукалаев ээлеген кызматынан бошотулду. Бул тууралуу Sputnik Кыргызстан агенттигине Жол кыймылы коопсуздугун камсыздоо бөлүмүнүн маалымат катчысы Нурбек Токтосунов билдирди.

Эске салсак, жума башында ЖКККБнын формасын кийген адам Боом капчыгайында жайгашкан кафелердин биринде тамактанып отуруп, тамакка ыпыр-сыпыр кошуп салган сыяктуу видео интернетке тарап кеткен. Бирок видеонун каарманы, милициянын ага лейтенанты Бакыт Жукалаев бул маалыматты чындыкка коошпойт деп айтып чыккан.

"Кызматкердин жүрүм-туруму укук коргоо органдарынын өкүлүнүн этикалык кодексине туура келбей, жаппы милиция кызматкерлеринин кадыр-баркына, беделине көлөкө түшүрдү. Мунун айынан коомчулукта укук коргоо органдарына нааразычылыктар жаралды", — деп айтылат билдирүүдө.

Натыйжада Жукалаев ээлеген кызматынан бошотулганы айтылды.

Жаңылыктар түрмөгү
0