Мамкаттоо издөөдө жүргөн чет элдин жаранына берилген паспорт боюнча үн катты

© Sputnik / Табылды КадырбековКыргызстандын жаранынын паспорту. Архив
Кыргызстандын жаранынын паспорту. Архив - Sputnik Кыргызстан
Жазылуу
Мамлекеттик каттоо кызматы ИИМдин билдирүүсүнөн кийин кызматтык териштирүү жасаган.

БИШКЕК, 21-июн. — Sputnik. 1994-жылкы үлгүдөгү паспортторду жасоо абдан оңой болгонун Мамлекеттик каттоо кызматы ИИМдин эл аралык издөөдө жүргөн Тажикстандын жараны Кыргызстандын паспорту менен кармалды деген маалыматына жооп иретинде билдирди.

Мамлекеттик каттоо кызматынан маалымдашкандай, Украинада кармалган Тажикстандын жараны Жураев Низомхон 1994-жылкы үлгүдөгү паспорттун негизинде 2014-жылы жаңы паспорт алган.

1994-жылы биринчи жолу жалпы жарандык паспорттор берилип баштаган. Ал колго толтурулчу. Ички беттерине номер же документтин сериясы жазылчу эмес. Мекемеден ошону менен бирге сүрөт чапталганын кошумчалашты.

"Ал документти жасалмалоо абдан оңой болгон. Андыктан соттон качкан коңшу мамлекеттин жарандары бул паспортту жасалмалатып колдонуп келишкен", — деп айтылат маалыматта.

2018-жылы 8-январда Мамкаттоо комиссия түзүп эмне үчүн тажик жаранына Дөөлөтбек Ибрагимжанов деген кишинин аты менен паспорт берилгенин аныктоо үчүн кызматтык териштирүү жүргүзгөн.

Унаалар. Архив - Sputnik Кыргызстан
Кыргызстанга кымбат унааларды мыйзамсыз алып кирүүнүн схемасы ачыкталды
Анын жыйынтыгында Жураев 2014-жылы августта Кызыл-Туудагы паспорт столуна 1994-жылкы үлгүдөгү паспортту алмаштыруу үчүн кайрылганы аныкталган. Ал өзүн Дөөлөтбек Ибрагимжанов деп тааныштырып, өзүнүн сүрөтү чапталган жана маалыматтары жазылган 1994-жылкы үлгүдөгү паспортун көрсөткөн.

Бирок ал паспорт Замира Маминовага таандык болуп чыккан. Маминова өз кезегинде 1994-жылкы үлгүдөгү паспортун жоготуп алганы боюнча да түшүнүк кат жазган.

Дөөлөтбек Ибрагимжанов боюнча бардык документтер жана кызматтык териштирүүнүн корутундусу Интерполдун Кыргызстандагы улуттук борбордук бюросуна жыл башында берилген.

Өкмөттүн 2015-жылдын 18-ноябрдагы токтомуна ылайык, "мөөнөтсүз" деп белги коюлган 1994-жылкы үлгүдөгү бардык паспорттор юридикалык күчүн жоготуп, жараксыз деп табылган.

Жаңылыктар түрмөгү
0