БИШКЕК, 22-июн. — Sputnik. Жылуулук түтүктөрүн оңдоо максатында Шабдан баатыр көчөсүнүн 7-Апрелден тарта Буденный көчөсүнө чейинки бөлүгү жол кыймылы үчүн жабылат. Бул тууралуу Капиталдык курулуш башкармалыгына таянуу менен мэрия билдирди.
Аталган көчө 23-июндан тарта жабык болуп, реконструкция иштери 14-июлга чейин созулмакчы.
Мэрия ыңгайсыздык үчүн кечирим сурап, айдоочуларга башка жолду алдын ала тандап алууну эскертти.
