Дарбыз жана коон. Архивдик сүрөт

Жаңы чыккан дарбыз-коондор ден соолукка кооптуу эмеспи? Адистердин жообу

1190
(жаңыланган 21:50 28.06.2018)
Калаа тургундарынын айрымдары жер жайнаган дарбыздарды жегенден кооптонуп жатканын айтышууда. Sputnik Кыргызстан агенттиги бул суроого тийиштүү адистерден жооп алды.

БИШКЕК, 26-июн. — Sputnik. Ветеринардык жана фитосанитардык коопсуздук мамлекеттик инспекциясынын маалымат катчысы Рахат Садырбекованын айтымында, базар жана дүкөндөрдөгү дарбыз-коондордун бардыгы күнүгө текшерилип жатат.

"Май айында чыккан дарбыздар чындыгында кооптуу болчу. Азыр жергиликтүү дыйкандардын мөмө-жемиши бышып, Бишкекке Шамалды-Сай, Жалал-Абаддан алып келинүүдө. Кызматкерлер күн сайын түнкү саат 2-3төн баштап калаанын "Ош", "Аламүдүн", "Орто-Сай" сыяктуу ири базарларындагы дарбыздардын нитратын текшерип жатышат. Бирок жайма базарлардагы, көчөлөрдө жана арабага коюп саткан мөмө-жемиштерге кепилдик бере албайбыз. Себеби алар эч кандай уруксат кагазы жок эле сатылып жатат", — деди Садырбекова.

Бишкек шаардык санитардык-эпидемиологиялык көзөмөл борборунун бөлүм башчысы Мухамад Мурзашев калаага алып келинген дарбыздардын нитраты нормадан жогору эмес экенин айтты.

"Азыр мөмө-жемиштер өзүбүздүн аймактарда деле бышып калды. Анын бардыгын партия болуп келген сайын текшерип турабыз. Негизи коон-дарбыздын түзүмүндө нитраттын көлөмү 60тан ашпаш керек. Жакында эле 49 коон-дарбызды атайын лабораторияга алып барсак, нитраттын көлөмү нормада экен. Мындан сырткары чоң, орто, чакан базарларда жана супер маркеттердеги мөмө-жемиштерди текшерген атайын лабораториялар иштейт. Алар күн сайын баарын көзөмөлдөп турат", — деди Мурзашев.

Ал керектөөчүлөр коон-дарбыздан ууланбашы үчүн башка дагы эрежелерди билүүсүн эскертти:

— коон-дарбызды күн тийбеген көлөкө жана текчеде коюлган жерден сатып алуу зарыл;

— сатып алгандан кийин сөзсүз түрдө тазалап жууш керек;

— дарбыз кокус артып калса сөзсүз түрдө бетин жаап, муздаткычка сактаган оң;

— эки-үч күн кесилип туруп калган дарбызды жебеш керек;

— колду таза жууп жеген жакшы.

Жер-жемиштерди тоңдуруу боюнча да адистин кеңешин окуп коюңуздар.

1190
Белгилер:
дарбыз, уулануу, мөмө-жемиштер, Бишкек, Кыргызстан
Тема боюнча
Sputnik жашылча-жемиштердеги нитраттардын көлөмүн текшерди
Арактан уулангандар көбөйүп жатат. Дарыгерлер коңгуроо кагууда
Карантин аймагында турган кызматкер. Архив

Күйдүргү: Кара-Суунун Тогуз-Булак айылына карантин киргизилди

15
(жаңыланган 19:00 11.08.2020)
Саламаттык сактоо министрлиги бир бейтапта күйдүргү оорусу лабораториялык жактан тастыкталганын билдирди. Бейтаптын абалы канааттандырарлык.

БИШКЕК, 11-авг. — Sputnik. Жергиликтүү тургундардын арасында күйдүргү чыккан Кара-Суу районунун Папан айыл өкмөтүнүн Тогуз-Булак айылына карантин киргизилди. Бул тууралуу Sputnik агенттигине айыл өкмөттүн башчысы Курманбек Мияшев билдирди.

Анын айтымында, карантин 18-августка чейин уланат. Эреже боюнча Тогуз-Булак айылынын тургундары сыртка чыга албайт жана аймакка башкалардын кирүүсүнө тыюу салынат.

"Бөтөнчө ооруган уйду союп, этин алгандар үйдөн чыкпай, өзүн обочолоп отурушу керек. Ошондой эле сырттан мал жандыктарды алып кирүүгө жана чыгарууга болбойт", — деди айыл өкмөттүн башчысы.

Эске сала кетсек, бүгүн, 11-августта, Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Облустук ветеринардык инспекция лабораториялык текшерүү жүргүзүлүп жатканын айткан.

Кыргыз жерине апаат алып келген коркунучтуу 8 эпидемия. Видео

Ал арада Саламаттык сактоо министрлиги бир бейтапта күйдүргү оорусу лабораториялык жактан тастыкталганын билдирди. Учурда бардык бейтаптардын абалы канааттандырарлык, керектүү дарылоону алып жатышат.

Райондо оорунун очогун чектеп, жок кылуу үчүн ыкчам штаб түзүлүп, тиешелүү кызматтар менен жыйын курушкан. Ошондой эле ооруну алдын алуу тууралуу түшүндүрүү иштери жүргүзүлүп жатат.

15
Белгилер:
карантин, оору, күйдүргү, Тогуз-Булак, Кара-Суу району, Ош
Тема боюнча
Тогузбаева: шарп, кутурма, күйдүргү — адам өмүрү үчүн да кооптуу
Оштун Кара-Суусунда сегиз киши күйдүргүгө шектелип ооруканага түштү
Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты

Ооруканадагы электрондук кезек… Жээнбеков санариптешүүнүн жүрүшүн көрдү

28
(жаңыланган 18:11 11.08.2020)
Учурда ордо калаадагы бардык Үй-бүлөлүк дарыгерлер борборунда, тагыраагы, 19 медициналык мекемеде электрондук жазылуу тартиби киргизилди.

БИШКЕК, 11-авг. — Sputnik. Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты. Бул тууралуу өлкө башчынын маалымат кызматы кабарлады.

  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Бишкектеги №8 Үй-бүлөлүк дарыгерлер борборунун директору Анара Шакеева мекемеде электрондук кезекке туруу системасы менен бейтаптардын электрондук амбулатордук картасы ишке киргенин айтып берген
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Ошондой эле ордо калаадагы бардык Үй-бүлөлүк дарыгерлер борборунда, тагыраагы, 19 медициналык мекемеде электрондук жазылуу тартиби киргизилген
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Медицина кызматкерлери менен болгон баарлашууда Жээнбеков санариптештирүү мындан ары да мамлекеттик саясаттын артыкчылыктуу багыты болуп кала берерин белгилеген.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты

Ага ылайык, Бишкектеги №8 Үй-бүлөлүк дарыгерлер борборунун директору Анара Шакеева мекемеде электрондук кезекке туруу системасы менен бейтаптардын электрондук амбулатордук картасы ишке киргенин айтып берген.

"Бул жарандардын жана медиктердин убактысын үнөмдөп, коридорлордо кезекке турууну кыйла кыскартууга жардам берет", — деп айтылат маалыматта.

Ошондой эле ордо калаадагы бардык Үй-бүлөлүк дарыгерлер борборунда, тагыраагы, 19 медициналык мекемеде электрондук жазылуу тартиби киргизилген.

Тааныш-билишти жоебуз! Президент кадр тандоонун жаңы ыкмасы ишке киргенин айтты

Медицина кызматкерлери менен болгон баарлашууда Жээнбеков санариптештирүү мындан ары да мамлекеттик саясаттын артыкчылыктуу багыты болуп кала берерин белгилеген.

Ушул эле күнү президент Свердлов райондук мамлекеттик администрациясына барып, "Аз камсыз болгон үй-бүлөнүн социалдык паспорту" аталышындагы тутум ишке киргизилгенин көргөн.

Аталган система субсидияларды жана жөлөк пулдардын автоматташтырылган эсебин иштеп чыгып, жөлөк пул алуучулардын бирдиктүү маалыматтык базасын түзөт. Бул социалдык жөлөк пулдарды дайындоонун даректүүлүгүн жогорулатып, муктаж эместерди тизмеден чыгарууга мүмкүндүк берет. Ошондой эле бюджеттик каражатты кыйла үнөмдөй турганы белгиленет.

28
Белгилер:
кезек, оорукана, Сооронбай Жээнбеков
Тема боюнча
Жээнбеков: ооруканалардын курулушуна 100 млн доллар салчу адамдар бар