Эл өкүлү Махабат Мавлянованын жолдошу Айбек мырза менен. Архивдик сүрөт

Саясаттагы айымдардын күйөөлөрү кайда иштейт? Парапсихологдон банкирге чейин

5071
(жаңыланган 09:17 27.06.2018)
Үй-бүлөсүн эл көзүнөн оолак кармагысы келгендер өмүрлүк жарлары тууралуу чечилип айта берген жок.

БИШКЕК, 26-июн. — Sputnik. Sputnik Кыргызстан агенттиги бир нече күн мурда мамлекеттик жогорку кызматтардагы адамдардын жубайлары тууралуу жазган. Бүгүн, тескерисинче, саясатта жүрүп, оозго алынган айымдардын түгөйлөрү эмне иш менен алек болоруна кызыктык. Үй-бүлөсүн эл көзүнөн оолак кармагысы келгендер өмүрлүк жарлары тууралуу чечилип айта берген жок.

Эл күйөө балдарынын арасында парапсихологдон тарта мамлекеттик комитеттин ана башында тургандарга чейин бар экен. Назар салыңыз.

Жогорку соттун төрайымы Айнаш Токбаева ар кандай себептерден улам жолдошу жана үй-бүлөсү тууралуу коомчулукка жарыялоону жактырбайт.

Вице-премьер Алтынай Өмүрбекованын жолдошу офтальмолог. Борбор калаада ооруканалардын биринде иштейт.

Юстиция министри Айнур Абдылдаеванын ушу тапта башы бош. Жолдошу менен эки ача жолго түшкөн.

Жогорку Кеңештин эң жаш депутаттарынын бири Айсулуу Мамашова турмушка 2016-жылы чыккан. Жолдошу Данияр кесиби боюнча финансист, банк тармагында эмгектенет.

Дагы бир эл өкүлү Махабат Мавлянованын жолдошу Айбек мырза КРдин Өнөр жай, энергетика жана жер казынасын пайдалануу комитетинде жетекчилик кызматтардын бирин аркалайт. Кесиби боюнча юрист.

Парламенттин КСДП фракциясынын депутаты Айнуру Алтыбаева менен жолдошу төрт баланын ата-энеси. Депутат айым жолдошу ЖМК беттерине чыгууну каалабагандыктан, анын иши тууралуу кененирээк маалымат бере албасын айтты. Болгону ал мамлекекеттик кызматта эместигин кошумчалады.

Жогорку Кеңештин вице-спикери Асел Кодуранова белгилүү парапсихолог Мелис Карыбековдун жубайы. КТРКнын "Аалам сырлары" долбооруна катышуучуларды тандоо боюнча кастингде калыстар тобунун мүчөсү болгон.

Парапсихолог Мелис Карыбеков
© Фото / Сурат Жылкычиев
Парапсихолог Мелис Карыбеков

5071
Белгилер:
аял, саясат
Тема боюнча
Тележылдыз, профессор, ишкер. Эл башындагы саясатчылардын жубайлары эмне иш кылат
"Темир айым" атка конгон Аида Салянова тууралуу 9 факты
Эркектин колун сындырып койгон Ыргал Кадыралиева тууралуу 12 факты
Блок-посттогу ИИМ кызматкерлери. Архив

Баткенде бүгүн киргизилген катуу чектөөлөр кайрадан алынды

162
(жаңыланган 21:45 28.09.2020)
Акыркы күндөрү Кыргызстанда COVID-19 жуктуруп алгандардын саны кайра арбып кетти. Алардын көбү Баткен облусунан чыгууда.

БИШКЕК, 28-сен. — Sputnik. Баткен облусунда курчуган эпидемиологиялык кырдаалдан улам бүгүн киргизилген бир нече чектөөлөр бир сутка өтпөй жоюлуп, республикалык штаб бир нече тармактын иштөөсүнө кайра уруксат берди. Бул тууралуу аталган штаб кабарлады.

28-сентябрда эпидемиологиялык кырдаалга байланыштуу кабыл алынган чечимдер, республикалык штабдын тапшырмасы менен кайрадан каралып чыккан.

Эске салсак, бүгүн Баткенде облустар жана райондор аралык, ошондой эле райондук, шаардык ички коомдук транспорттун каттамы убактылуу токтотулган. Мал базарлардын иштебей, мечиттерде жамаат менен жума намаздарын окулбай турганы айтылган эле.

Соңку суткада коронавирустан Ош облусунда бир адам көз жумду

"Анда жер-жерлерде, райондук администрация жана шаардык мэрияларга кайрылган коомдук транспорттун айдоочуларынын жана жергиликтүү тургундардын кабыл алынган чектөөлөр, алардын турмуш шартына түздөн-түз таасир этери айтылган. Коомдук транспорттун, мал базарларын жана мечиттердин кадимки нукта иштөөсүнө уруксат сурап, бардык санитардык талаптарды сактай тургандыктарын айтып кайрылган сунуштары эске алынды", — деп жазылган маалыматта.

Мындан улам облустук штаб маселени кайра карап чыгып, санитардык талаптарды сактоо менен иштөөгө уруксат берген.

"Бирок облуста катуу көзөмөлдөгү бет кап режими жана той-аштарга болгон чектөөлөр күчүндө калды. Ал эми базарларда, соода борборлорунда, дүкөндөрдө, тамактануучу жайларда, коомдук жайларда санитардык талаптардын аткарылышы боюнча күн сайын рейд жана дезинфекциялоо иштери жүрөт, баш ийбегендерге мыйзам чегинде чара көрүлөт", — деп билдиришти штабдан.

Вирус күчөп бараткан Баткендин экинчи толкунга даярдыгы кандай

Акыркы күндөрү Кыргызстанда COVID-19 жуктуруп алгандардын саны кайра арбып кетти. Бүгүн, 28-сентябрга карата, 104 кишиден вирус табылды.

162
Белгилер:
чектөө, коронавирус, Баткен облусу, Кыргызстан
Тема:
Коронавируска байланыштуу Кыргызстандагы кырдаал
Тема боюнча
КРде бир нече аптадан бери алгачкы өлүм катталды. COVID боюнча статистика
Баткенде санитардык талаптарды аткарбагандарга айып салынды. Арасында 9 мамкызматкер бар
COVID-19га каршы россиялык Спутник V вакцинасы. Архив

Россиялык вакцинанын алгачкылары Беларуска келе баштады

26
(жаңыланган 21:15 28.09.2020)
Клиникалык изилдөөлөр Беларустун сегиз медициналык мекемесинде жасала тургандыгы айтылды. Эмдөө 1-октябрда башталмакчы.

БИШКЕК, 28-сен. — Sputnik. COVID-19га каршы россиялык "Спутник V" вакцинасынын биринчи партиясы Беларуска алып келинди. Бул тууралуу Түз инвестициялар боюнча россиялык фонд билдирди.

Фонд бул азырынча дүйнө боюнча катталган бирден бир вакцина экендигин айтты. Аны клиникалык изилдөө жасоо үчүн Россиянын жер-жерлерине жеткиришкен, эми бул процедураларга Беларусь кошулду. Ал препаратты алган биринчи чет мамлекет болуп калды.

Клиникалык изилдөөлөрдүн Беларустун сегиз медициналык мекемесинде жасала тургандыгы айтылды. Ыктыярчыларды эмдөө 1-октябрда башталмакчы. Фонд 100 киши катышкан Беларустагы клиникалык изилдөөнү каржылап бермекчи.

Путин менен жолуккан Жээнбеков: россиялык вакцина КРге жетет деп үмүттөнөм

Фонддон мындай иш-чараны Бразилия, Индия, Сауд Аравиясы, Египет жана Бириккен Араб Эмирлигинде жүргүзүү пландалып жаткандыгын айтышты.

Вакцина суроо-талап жаралып, КМШнын, Европаны, Азияны, Жакынкы Чыгышты жана Латын Америкасын кошкондо 50 мамлекеттен арыз түшкөн.

Буга чейин аталган фонд макулдашуунун негизинде өнөктөштөр менен сүйлөшүү жүргүзүлүп, Мексикага 32 миң, Бразилияга 50 миллион, Индияга 100 миллион, Өзбекстанга 35 миллион доза берилерин айткан эле.

26
Белгилер:
Россия, вакцина, Беларусь
Тема:
Дүйнөгө жайылган коронавирус
Тема боюнча
COVID-19га каршы россиялык вакцина КМШга берилет