Чегиртке. Архив

Нарындыктар айдоо жерин каптаган чегиртке менен алпурушуусун улантып жатат

122
(жаңыланган 09:35 03.07.2018)
Аталган аймактардын жайыт жана айдоо аянттарын чегиртке каптап кеткен.

БИШКЕК, 2-июл. — Sputnik. Нарын облусунун Ак-Талаа, Ат-Башы, Жумгал, Нарын райондоруна жарыяланган өзгөчө кырдаал режими алына элек. Бул тууралуу ӨКМ маалымат кызматы кабарлады.

Маалыматка ылайык, аталган аймактардын жайыт жана айдоо аянттарын чегиртке каптап кеткен.

Буга байланыштуу 13-июнда облуста Жарандык коргонуунун кезексиз отуруму өтүп, анын негизинде өзгөчө кырдаал режимин киргизүү чечими кабыл алынган.

"21-майдан тарта Ак-Талаа, Жумгал, Ат-Башы жана Нарын райондорунун айдоо талааларында химиялык дарылоо иштери жүргүзүлүп, ушу тапта 55 миң гектар жер чегирткеден тазаланды", — деп жазылат маалыматта.

Тазалоо иштери бүгүн да улантылмакчы.

122
Белгилер:
чегиртке, айдоо, Нарын облусу
Тема боюнча
Төрага Жумабеков: 30 жылдан соң турак жайлардын көбү мыйзамдашат
Нарындын төрт районунун 42 миң га айдоо жери чегирткеден тазаланууда
Кары киши. Архивдик сүрөт

111 жашка чыккан аксакал узак жашоо сырлары менен бөлүштү

1
Крюгер өмүр бою фермада иштеп, 86 жашынан тарта китеп жаза баштаганын айткан. Ошондой эле ал тамашаны жакшы көрөрүн жашырган эмес.

БИШКЕК, 19-янв. – Sputnik. Австралиянын 111 жашка толгон тургуну Декстер Крюгер январда туулган күнүн белгилеп, жашоо образы тууралуу айтып берген. Бул тууралуу РИА Новости жазды.

Ага ылайык, Крюгер "дем алгыла, күнүнө үч маал тамак жесеңер убакыт билинбей өтө берет" деп тамашалаган.

Ал адатка айлантып алган тамактануусу тууралуу да бөлүшө кеткен.

"Ырдаганды жакшы көрөм. Күн сайын алты даана креветка жейм. Ошондой эле кечки тамакка балыктын бир түрү кошулган суюк тамак ичем", — деген ал.

Крюгер тамашаны жакшы көрө турганын айтып, жашоодогу ар кандай кырдаалдан юморду колдонуу менен чыгып кетерин баса белгилеген.

Ал өмүр бою фермада иштеп, 86 жашынан тарта китеп жаза баштаганын айткан. Азыркы тапта анын ырлары жана эскермелери камтылган 12 жыйнагы чыккан.

1
Белгилер:
аксакал, тамаша, тамактануу, Австралия, өмүр
Тема боюнча
Окумуштуулар дайыма жөө жүргөн адамдын өмүрү узак болорун далилдешти
Кайгуул милициянын автоунаасы. Архив

Маршрутка көйгөйү: Милиция аялдамадагы аялдарды, балдарды үйүнө ташыды. Видео

209
(жаңыланган 00:03 19.01.2021)
Милиционерлер маршрутка маселесинен улам аялдамаларда калган бишкектиктерге жардам берип, үйлөрүнө жеткирип жатышты.

БИШКЕК, 19-янв. — Sputnik. Бишкектеги Кайгуул милиция кызматы бүгүн маршрутка көйгөйүнөн улам аялдамаларда калган бишкектиктерди үйлөрүнө жеткирүүдө. Бул туурасында шаардык милициянын маалымат кызматынан кабарлашты.

Кечкурун милиционерлер балдарга, аялдарга жана улгайган адамдарга өз жардамын сунуштап жатканы айтылды. Бул багытта аталган кызматтын атайын автоунаалары иштеген.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Милициядан аялдамаларда топтолгон кишилер аз, шаар ичи тынч деп билдиришти.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Бүгүн, 18-январда, айрым маршрутка айдоочулары жумушка чыкпай коюшкан. Алар жол кире акысын жогорулатууну талап кылышууда. Себеби жол кире 2012-жылдан бери көтөрүлө элек. Учурда маршрутканын баасы күндүз 10, ал эми кечинде 12 сом.

Эртең менен Бишкек шаарынын мэринин милдетин аткарып жаткан Балбак Түлөбаев каттамга чыкпай койгон маршруткалардын лицензиясы алынып, башкага берилерин эскерткен.

Мэриядан бүгүн калаадагы 1350 микроавтобустардын 400-450сү ишке чыкты деген маалымат берген. Шаардык транспорт башкармалыгынан маршруттук каттамдардын 90 пайызы кадимки калыбында иштеп жатат дешкен. Ал эми кечкурун аялдамаларда эл топтоло баштап, коомдук транспортту күткөндөр көбөйгөндө Мэриянын шаардык транспорт башкармалыгынын жетекчисинин милдетин аткарып жаткан Улан Бейшенбаев маршрутка боюнча кырдаал турукташкандыгын, ал эми жогорудагы көрүнүш автотыгын менен байланыштуу болушу мүмкүн деген жообун айткан.

209
Белгилер:
жардам, милиция, маршрутка, Бишкек, Кыргызстан
Тема боюнча
Каттамга чыкпай койгон маршруткалар. Шаардагы абалды көрсөткөн видео