Кыргызстандык жеткинчек Ырыскелди Тыныбеков чейрек финалда беттеше турган Россия менен Хорватия командаларынын оюнун баштап берүү үчүн талаага топту алып чыгат

Кыргызстандык жеткинчек Россия Хорватия беттешинде оюн талаасына топ алып чыгат

(жаңыланган 20:38 05.07.2018)
Жеткинчек өзү дагы футбол менен машыгат.

БИШКЕК, 5-июл. — Sputnik. Кыргызстандык жеткинчек Ырыскелди Тыныбеков чейрек финалда беттеше турган Россия менен Хорватия командаларынын оюнун баштап берүү үчүн талаага топту алып чыгат. Бул тууралуу Sputnik Кыргызстан агенттигине Футбол федерациясынан билдиришти.

Мындай долбоор Кыргызстанда биринчи жолу жарыяланган. Анын алкагында балдардын англис тилин билүү деңгээли текшерилип, футбол боюнча суроолор берилген.

Интернет добуш берүүнүн жыйынтыгында 14 жаштагы Тыныбеков өлкө атынан Футбол чемпионатына баруу мүмкүнчүлүгүн алган.

Россия менен Хорватиянын курама командалары 7-июль күнү Сочи шаарында беттешет. Оюн Бишкек убактысы боюнча 00.00дө (8-июлга караган түнү) башталат.

Тыныбеков ФФКР футбол борборунун тарбиялануучусу жана Кыргызстан курама командасынын капитаны (U-14) болуп эсептелет.

Белгилер:
футбол, Хорватия, Кыргызстан, Россия
Тема боюнча
Калпак кийген Япониянын жараны футболдон кийин трибунаны тазалады. Сүрөт
Атактуу болом деп ойлогон эмесмин. Дарбазачы Миньоленин футболкасын сураган Арсен
Бишкек шаарындагы эмен багы. Архив

Шаршембиге карата аба ырайы

Абанын температурасы жогорулаганына жана күтүлүп жаткан жаан-чачынга байланыштуу республиканын тоолуу райондорунда кар көчкү түшүү коркунучу бар.

БИШКЕК, 13-апр. — Sputnik. Шаршембиде күндүз өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +19…+24, Талас жергесинде +18…+23, Ош, Жалал-Абад, Баткен аймактарында +20…+25, Ысык-Көл, Нарын өрөөндөрүндө +14…+19 градус жылуу болот.

Бишкек жана Ош шаарларында жаан-чачын болбойт. Күндүн табы борбордо +19…+24, Ош шаарында +23…+25 градус болору болжолдонду.

Белгилер:
Кыргызстан, аба ырайы
Тема боюнча
Кайра суук болбойбу? Бир жумага карата аба ырайы
Абхазиянын номери тагылган унаа. Архив

Министрлик: Абхазиянын номери тагылган унааларды мамлекет алып коюшу мүмкүн

(жаңыланган 20:04 13.04.2021)
Кыргызстандын аймагына Абхазиянын номери тагылган унааларды алып кирүү жана эксплуатацияга берүү ЕАЭБдин бажы нормалары боюнча мыйзамдарын бузууга жатат.

БИШКЕК, 13-апр. — Sputnik. Абхазиянын номери тагылган унаалар бажы көзөмөл аймагындагы убактылуу сактоочу кампага киргизилет. Бул тууралуу Экономика жана финансы министрлигинен кабарлашты.

Ведомстводон билдиришкендей, Кыргызстандын аймагына Абхазиянын номери тагылган унааларды алып кирүү жана эксплуатацияга берүү мыйзам бузууга жатат.

"Чет элдик жарандар ЕАЭБдин аймагына үчүнчү өлкөлөрдүн жеке колдонуусу үчүн унаасын ала келсе болот. Бирок андай машинаны КРдин аймагында колдонууга бир жыл гана убакыт берилет", — дешти министрликтен.

Киргизилген унааларды ЕАЭБдин аймагында үчүнчү тараптарга сатууга жол берилбейт. Декларант анын атына жазылган унааны өзү гана айдашы керек.

Эске салсак, буга чейин Кыргызстандын аймагынан бажычылар Жол кыймылы коопсуздугун камсыздоо башкы башкармалыгынын инспекторлору менен биргеликте Абхазиянын номерлерин тагып жүргөн 10 автоунааны кармаган.

Белгилер:
Евразиялык экономикалык биримдик, мыйзам бузуулар, унаа, Абхазия, Кыргызстан
Тема боюнча
Бишкекте Абхазиянын номери тагылган автоунаалар кармалууда
ЕАЭБ аймагында өзү өччү чылым пайдалануу сунушталып жатат