Башкы прокуратуранын WhatsApp номерине 10 күндө 2000дей кайрылуу түшкөн

© Sputnik / Владимир Песня / Медиабанкка өтүүТелефон кармап турган адам. Архив
Телефон кармап турган адам. Архив - Sputnik Кыргызстан
Жазылуу
Көзөмөл органдын WhatsApp номери 25-июлга чейин иштейт.

БИШКЕК, 10-июл. — Sputnik. Башкы прокуратуранын "Укуктук колдоо" долбоорунун алкагында +996 550 75 39 77 WhatsApp номерине 10 күндө 2 030 кайрылуу түшкөнүн мекеменин маалымат кызматы билдирди.

Пресс-конференция перед журналистами в Доме Правительства о выборном процессе - Sputnik Кыргызстан
Кыргызстанда кылмыштарды электрондук китепке каттоо долбоору иштелип чыкты
Негизинен жарандар укук коргоо органдарынын кызматкерлеринин аракеттерине, сот системасында иштегендерге, жергиликтүү башкаруу өкүлдөрүнө, эмгек, жер, турак жай мыйзамынын бузулушу жана алимент төлөтүү тууралуу суроолорду беришкен.

Башкы прокуратуранын борбордук аппаратынын кызматкерлери берилген суроолорго консультациялык мүнөздө гана жооп беришкен.

Прокуратура ошондой эле эгер кимдир бирөө укугу тебеленип, же мыйзамсыз аракеттерге кабылса жогорудагы номерге кайрылып, жооп алса болорун эскертет.

Белгилей кетсек, Башкы прокуратуранын WhatsApp номери 25-июндан 25-июлга чейин иштейт.

Жаңылыктар түрмөгү
0