Газпромдун бензин куючу жайы. Архивдик сүрөт

"Газпром" белекке бензин берет деген маалымат боюнча түшүндүрмө берди

1454
(жаңыланган 14:50 11.07.2018)
Кыргызстандык интернет колдонуучулар арасында "Газпром" ишканасынын 200 литрлик күйүүчү майдын купондорун ойнотуп жаткандыгы жөнүндө билдирүүлөр тарап жатат.

БИШКЕК, 10-июл. — Sputnik. Интернет айдыңында "Газпром" ишканасынын 25 жылдыгына карата АИ-95 үлгүсүндөгү 200 литр күйүүчү майдын купондору ойнотулуп жаткандыгы жалган маалымат. Бул тууралуу "Газпром нефть Азия" компаниясынан кабарлашты. 

Учурда кыргызстандык интернет колдонуучулар арасында тараган шилтеме аркылуу киргенде атайын сурамжылоодон өтүү керек. Андан соң "Газпром нефть Азиянын" жеңүүчү аталдыңыз" деген маалымат чыгат. Ал утушту алуу үчүн шилтемени 30 адамга жиберүүнү сунуштайт. Бирок соңунда такыр эле башка жарнаманы көрүүгө болот. 

Рассылка сообщений об акции в WhatsApp
© Sputnik / Жоомарт Ураимов
Рассылка сообщений об "акции" в WhatsApp

"Газпромнефть" май куючу жайлары мындай акция өткөргөн жок. Шилтемелер аркылуу тараган маалыматтар бейрасмий эмес жана чындыкка коошпойт. Жарандар алдамчылык аракеттерден алыс болуусу үчүн аны башкаларга таратпай, www.gpnbonus.kg сайтына кирчү жеке логин менен сыр сөз сыяктуу жеке маалыматтарды бирөөгө жибербөөсү керек", — дешти компаниядан. 

Буга чейин мындай маалыматтар Россиянын аймагында тарап, ал жөнүндө бир катар ЖМКлар жазып чыккан.

1454
Белгилер:
'Газпром Кыргызстан' ЖЧКсы, бензин, акция, спам
Тема боюнча
Бишкекте кагышкан 4 унааны бүтүрүүчүлөр айдап келе жатканы аныкталды
Кыргызстанда эки бала менингиттен көз жумду деген маалымат жалган
Россияда өтүп жаткан Мамлекеттик Дума шайлоосуна видеокөзөмөл аркылуу байкоо системасынын демонстрациясы

Мамдума шайлоосуна 7,5 миң адам видеокөзөмөл аркылуу байкоо салууда

4
(жаңыланган 18:33 18.09.2021)
Быйыл шайлоо 17-19-сентябрга белгиленген. Мамлекеттик Дума менен бирге аймактык жана муниципалдык да шайлоо өтүп жатат.

БИШКЕК, 18-сен. — Sputnik. Россияда өтүп жаткан Мамлекеттик Дума шайлоосуна видеокөзөмөл аркылуу байкоо салып жаткан парламенттик партиялардын биринен да эч кандай доомат түшкөн жок. Бул тууралуу РФ Борбордук шайлоо комиссиясынын төрага орун басары Николай Булаев билдирди.

"Ушу тапта видеокөзөмөл порталында 7,5 миң адам отурганын жазып жатышат. Алар бир эле убакта 30 миң шайлоо участкасына көз салууда. Эч биринен эч кандай доомат жок. Парламенттик партиялар биз камсыздап берген техникалык жабдууга нааразылык жок экенин айтышты", — деди Булаев.

Ал коомдук көзөмөл борборлорунда жумушчу орун жетиштүү экенин белгилеп, каалоочуларды чакыра кетти.

Шайлоо быйыл 17-19-сентябрга белгиленген. Мамлекеттик Дума менен биргеликте регионалдык жана муниципалдык шайлоо да кошо өтүп жатат.

4
Белгилер:
шайлоо, Россия, Мамлекеттик Дума, көзөмөл, БШК
Тема боюнча
Владимир Путин Мамдуманын шайлоосуна онлайн добуш берди
Москвада онлайн шайлоого катышкан 10 жаран акциядан батир утуп алды
Нарын шаарынын мэри Самарбек Болотбеков. Архив

Нарындын мэри шайлоодогу коррупциялык иштерге шектелип кармалды

21
УКМК маалымдаган Б.С. инициалдарына Самарбек Болотбековдун аты-жөнү туура келүүдө. Ал мурда Свердлов районунун акими болуп, кийин Нарын шаарына жетекчи катары жиберилген.

БИШКЕК, 18-сен. — Sputnik. 2020-жылкы парламенттик шайлоонун жүрүшүндөгү алдамчылык фактысы менен Нарын шаарынын мэри кармалды. Бул тууралуу УКМКнын маалымат кызматынан кабарлады.

Буга чейин аталган шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Ч.Р. кармалган. Укук коргоо органдары жабырлануучу ири өлчөмдө чыгым тартканын айткан.

"Ыкчам иликтөө иштеринин жыйынтыгында далилдүү материалдар чогултулуп, Бишкек шаарынын Свердлов районунун мурдагы акими, азыр Нарын шаарынын мэри Б. С. жогорудагы ишке аралашкан деген шек менен кармалды", — деп айтылат билдирүүдө.

Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылган.

Б.С. инициалдарына Самарбек Болотбековдун аты-жөнү туура келүүдө. Ал мурда аталган райондо аким болуп, кийин Нарын шаарына жетекчи катары жиберилген.

21
Белгилер:
Нарын шаары, мэр, коррупция, шайлоо, УКМК
Тема боюнча
УКМК: чек ара кызматкери досунун өлүмүнө шектелип кармалды