Чоң Чүй каналы. Архив

Көрсөңөр айтып койгулачы? Чоң Чүй каналынан изделип жаткан 6 жашар баланын сүрөтү

514
(жаңыланган 18:54 16.07.2018)
Бөбөктүн кайда экендигин көргөн билгендер болсо, (0555) 42-45-52, (0553) 42-45-52 телефон номерлерине кабарлоону суранышты.

БИШКЕК, 15-июл. — Sputnik. Борбор калаадагы Чоң Чүй каналынан алты жашар бала изделип жатат. Бул туурасында Sputnik Кыргызстан агенттигине бөбөктөн тууганы Светлана Волкова (аты өзгөртүлдү) билдирди.

Пропавший в районе Большого Чуйского канала шестилетний мальчик
© Фото / из семейного архива
Пропавший в районе Большого Чуйского канала шестилетний мальчик

Анын айтымында, бала 13-июлда жоголгон.

"Кошунанын баласы Миша бутун жууйм деп кетип, сууга түшүп кеткенин айтты. Бизге ӨКМдин беш куткаруучусу жана бир суучулу жардам берип, издеп жатышат. Милицияга да кайрылдык", — деди Волкова.

Жоголгон бала футболка жана чолок жинсы, башына кепке кийип жүргөн. Чачы саргыч. Бөбөктүн кайда экендигин көргөн билгендер болсо, (0555) 42-45-52, (0553) 42-45-52 телефон номерлерине кабарлоону суранышты.

Бишкек шаардык милициясынан Sputnik Кыргызстан агенттигине баланы милиционерлер да издеп жаткандыгын айтышты. Биринчи май райондук милициянын кызматкерлери аталган жерди тинтип издеп жүргөндүгүн кошумчалашты.

514
Белгилер:
милиция, бала, суу, Чоң Чүй каналы, Бишкек
Тема боюнча
Таиланддагы үңкүрдө калган балдардын баары куткарылды. Видео
Кит. Архив

Кит жутуп алып кайра чыгарып салган балыкчынын азыркы кебетеси. Сүрөт

14
(жаңыланган 11:36 13.06.2021)
Океандын жээгинде лобстер уулап жүргөн балыкчыны кит жутуп алды. Адегенде ири толкун болгонун сезген киши андан кийин караңгынын кучагында калган.

БИШКЕК, 13-июн. — Sputnik. АКШда кит жутуп алган балыкчы аман калды. Бул тууралуу CBS Boston телеканалы жазып чыкты.

Шумдук окуяга Американын Провинстаун шаарынын тургуну Майкл Паккард кабылган. Ал Кейп-Код жарым аралында океанды жээктеп лобстер (деңиз рагы) уулап жүргөн.

Ага адегенде ири толкун болгону байкалган, анан эле караңгы болуп кеткен. Майкл адегенде акула жутуп алды деп ойлогон. Кийинчерээк киттин оозунда экенин билген. Жөн турбастан сүзүп, кыймылын уланткан. Бактысына алп жандык суунун бетине чыгып, оозундагыларын сыртка бүркүп, балыкчы океанга кулаган.

"Мен бошонуп, эркин болуп сүзүп кеттим. Өзүм да буга ишенген жокмун", — деген ал.

Жакын жердеги балыкчылар аны ооруканага жеткиришкен. Дарыгерлер Майклдын майда тамырлары гана жабыркаганын аныкташкан. Башка эч кандай олуттуу жаракат алган эмес, эч жери сынган да эмес.

Окумуштуулар мындай окуя сейрек кездешерин белгилешет. Алардын айтымында, кит демейде адамга коркунуч келтирбейт, болгону суудагы майда балыктар жана башка деңиз жандыктары менен тамактанып жатканда кишини да кокусунан жутуп алышы мүмкүн.

14
Белгилер:
АКШ, окуя, кит, океан, адам
Тема боюнча
Торго түшкөн акуланы сууга кое беришкен. Боорукер балыкчылардын видеосу
Жылдыздуу асман. Архив

Июндун аягында кыргызстандыктар жылдыз жааган түнгө күбө болот

16
(жаңыланган 11:18 13.06.2021)
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

БИШКЕК, 13-июн. — Sputnik. 28-июнга караган түнү Июнь Боотиддеринин метеордук агымы өзүнүн жогорку чегине жетет. Бул тууралуу Москва планетарийинен кабарлашты.

Россия илимдер академиясынын жана Роскосмостун космосту изилдөө институту түзгөн асмандын интерактивдүү рентгендик картасы
© Фото / Институт космических исследований Российской академии наук, Роскосмос
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

Жылдыздардын акыркы активдүү учканы 1998 жана 2004-жылдары байкалган. Ачык булактардагы маалыматтарга караганда, Боотиддер атмосфера аркылуу өтүп бара жатып жарылып, жарык чыгарган учурлар дагы болот.

Июнь Боотиддери — жылдыздардын 1916-жылы ачылган агымы. Жыл сайын 26-июндан 2-июлга чейин байкалат.

16
Белгилер:
аалам, июнь, учуу, жылдыз, асман
Тема боюнча
Кытай алгачкы жолу Марска космостук аппаратын кондурду