Касапчынын кызы. Хорват футболчуларын сүрөгөн президенти тууралуу 7 факты

© Sputnik / Григорий Сысоев / Медиабанкка өтүүНаграждение победителей ЧМ-2018 по футболу
Награждение победителей ЧМ-2018 по футболу - Sputnik Кыргызстан
Жазылуу
Колинда Грабар-Китарович эки баланын энеси, мурда оппозициялык маанайдагы саясатчы болгон.

БИШКЕК, 16-июл. — Sputnik. Эртелеп ыргып кеткен фавориттер, Франция курама командасынын кара тору жигиттери, орус футболчуларынын болуп көрбөгөндөй ийгилиги… Бул жолку чемпионатта эсте калган нерселердин негизгилери ушулар болду. Мындан тышкары, өз командасын сүрөөнгө алганы келген Хорватиянын президенти жакшынакай айым, Колинда Грабар-Китарович көпчүлүктүн жүрөгүнөн түнөк тапты.

Президенттин финалдык оюндагы эмоциялары, командасы жеңилип калгандагы көз жашы, ар бир футболчуну кучактап жооткотуп, далысынан таптаганы аны ого бетер жөнөкөй, ого бетер ажарлуу кылып койду.

Мындан улам, Sputnik агенттиги Колинда Грабар-Китарович тууралуу кызыктуу жети факты таап чыкты. 

© Sputnik / Алексей Филиппов / Медиабанкка өтүүФутбол боюнча дүйнө чемпионатынын жеңүүчүлөрдү сыйлоо аземи
Награждение победителей ЧМ-2018 по футболу - Sputnik Кыргызстан
Футбол боюнча дүйнө чемпионатынын жеңүүчүлөрдү сыйлоо аземи

Касапчынын кызы. Колинда Грабар-Китарович 1968-жылы 29-апрелде Хорватиянын Лубарск айылында фермердин үй-бүлөсүндө туулган. Атасы мал багып, үй-бүлө эт сатып жан бакчу. Ата-энеси жупуну жашаганы менен тапкан-ташынганын кызынын билимине жумшаган.

Жакшы окучу. Мектепте жалаң "5" деген баа менен окуп, 17 жашында АКШдан жогорку билим алууга грант утуп алган. Ал жактагы окуусун аяктап, Хорватияга кайтып келгенде кайрадан Загреба университетине тапшырып, магистр даражасына ээ болгон. Ошентип Колинда эл аралык мамилелер гана эмес, испан, англис тилдери жана адабияты жаатында адис болуп чыккан. 

© Sputnik / Григорий Сысоев / Медиабанкка өтүүЖолдошу Яков Китарович менен
Почетные гости финала ЧМ-2018 по футболу - Sputnik Кыргызстан
Жолдошу Яков Китарович менен

Кызмат. Окууну аяктаары менен өлкөнүн Тышкы иштер министрлигинде иштеп жүрүп, 26 жашында министрликтин Түндүк Америка боюнча департаментин жетектей баштайт. Ошол эле жылдары дагы бир батыштык кадр болуп эсептелген, бирок улуттук маселелерди алдыңкы орунга койгон активист Яков Китаровичке турмушка чыккан.

Үй-бүлөсү же чемпион кыздын энеси. Жолдошу келечектеги президенттин саясатка аттанышына катуу түрткү болгону айтылат. Экөөнүн 17 жаштагы Катарина аттуу кызы жана 15 жаштагы Лука аттуу уулу бар. Кызы көркөмдөп муз тебүү боюнча өспүрүмдөр арасында Хорватия чемпиону. 

© AP Photo / Sandro Campardo2006-жыл. Хорватиянын тышкы иштер министри кези. БУУнун Женевадагы штаб-квартирасында сүйлөп жатат
Министр иностранных дел и европейской интеграции Хорватии Колинда Грабар-Китарович - Sputnik Кыргызстан
2006-жыл. Хорватиянын тышкы иштер министри кези. БУУнун Женевадагы штаб-квартирасында сүйлөп жатат

Чоң саясат. Грабар-Китарович бир топ убакыт тышкы иштер министри болуп иштеп, 2015-жылдагы президенттик шайлоого "Хорватиянын демократиялык шериктештиги" оппозициялык партиясынан катышкан. Жыйынтыгында шайлоочулардын 50,42 пайызынын добушун алып, Хорватиянын тарыхында алгачкы жолу аял президент болуп калды.

Эң сексуалдуу президент. Ал Россияда футбол трибунасында пайда болгондон тарта өзүнө кызыгуу жаратып, социалдык тармактардын колдонуучулары Грабар-Китарович деп жарым жалаңыч аялдын сүрөтүн алып чыгышкан. Кийин сүрөттөгү аял америкалык Николь Остин аттуу актриса экени белгилүү болду. Анткен менен кызыккандар жөн жатпай президенттин өзүнүн купальник кийип турган сүрөтүн таап чыгышты. Чынын айтыш керек, президент айым актриса Николь Остинден ашып кетпесе кем калышпайт экен. Жадагалса аны интернетте "эң сексуалдуу президент" деп атап алышты. Ал эми кыргызстандык интернет колдонуучулар да "каражан Колинда" деген постторду жайгаштырды. 

© Sputnik / Алексей Никольский / Медиабанкка өтүүРоссия президенти Владимир Путин менен жолукканда
Президент РФ В. Путин встретился с президентом Хорватии К. Грабар-Китарович - Sputnik Кыргызстан
Россия президенти Владимир Путин менен жолукканда

Футболдон калбайт. Китарович Хорватияда өткөн маанилүү спорттук иш-чараларга катышат. Өзгөчө футболдон калбайт. Кызыгы ал VIP-ложадан эмес, фанаттардын арасында отуруп көрөт. Мындай майрамга ал дайыма өзүнө жарашыктуу спорттук кийим менен келет.

Жаңылыктар түрмөгү
0