Чоң Чүй каналы. Архивдик сүрөт

6 жашар баланы издөө үчүн Чоң Чүй каналындагы суу 40 пайызга азайтылды

141
(жаңыланган 21:32 18.07.2018)
Бөбөктү бүгүн ӨКМдин куткаруучулары менен суучулдарды кошкондо 70 киши издеп жатат.

БИШКЕК, 18-июл. — Sputnik. Чоң Чүй каналына түшүп кетти деген алты жашар баланы издөөнү улантуу үчүн тиешелүү тараптар түндө каналдагы сууну жасалма жол менен азайтты. Бул туурасында ӨКМдин маалымат кызматынан кабарлашты.

"Кечээ Айыл чарба, тамак-аш өнөр жай жана мелиорация министрлиги менен сүйлөшүү жүрүп, баланы издөө иштери улантыла тургандыктан Чоң Чүй каналындагы суунун нугу азайтылды. Бүгүн таңкы жетиден тарта ӨКМдин куткаруучулары менен суучулдарды кошкондо 70 киши издеп жатат", — деп билдиришти ӨКМден.

Чүй облустук суу башкармалыгынын башчысы Руслан Девяткулов суунун көлөмү 40 пайызга азайтылганын билдирди.

"Түндө саат 00.00дөн тарта суунун деңгээлин азайттык. Бул убакта Ала-Арча суусунун агымы буулду жана Аламүдүн районундагы чакан ГЭСтерге буруп турдук. Бүгүн түшкү саат 12.00дө Чоң Чүй каналына суу кайрадан коё берилди. Биз сууну көпкө кармай албайбыз. Себеби дыйкандардын эгинине суу жетпей калат", — деди Девяткулов.

Эске салсак, 13-июлда алты жашар Миша Чоң Чүй каналына түшүп кетип, издөө башталган.

Бөбөктү бир нече күндөн бери ата-энеси, туугандары, ӨКМдин куткаруучулары менен жай жарандар, ыктыярчылар издеп таппай жатат.

141
Белгилер:
ыктыярчылар, издөө, бала, суу, Чоң Чүй каналы
Тема боюнча
Көрсөңөр айтып койгулачы? Чоң Чүй каналынан изделип жаткан 6 жашар баланын сүрөтү
Чоң Чүй каналынан изделген бөбөк. Жеринен тартылган видео
Москванын кызыл аянтындагы полиция кызматкери. Архив

Москвада COVID күч алып бир апталык локдаун жарыяланды

11
(жаңыланган 11:55 13.06.2021)
Россиянын борбор калаасында коронавирус жуктургандардын саны өсүп жаткандыктан тогуз күн бою ишке чыкпоо боюнча жарлык чыкты.

БИШКЕК, 13-июн. — Sputnik. Москва шаарында коронавирустун жаңы штаммы тарап жаткандыктан кайрадан чектөөлөр киргизилди. Бул тууралуу шаар мэри Сергей Собяниндин жарлыгында айтылды.

Документке ылайык, Москвада 15-19-июнь күндөрү эс алуу жарыяланды. Анын алдындагы дем алыштарды эске алганда Москва шаарында 9 күн бою (12-20-июнь) иштешпейт. Ошондой эле шаар бийлиги ишканаларда кызматкерлердин 30 пайызын аралыктан иштөө режимине өткөрүүнү сунуштады.

"Вирустун жаңы штаммдары табылууда. Шаарда эпидемиологиялык абал курчуп, мурда белгиленген жогорку чекке жетип бара жатат. Акыркы сутка ичинде эле өлкөдө 13 510 адамдан вирус аныкталды. Анын 6 миңден ашыгы Моксва шаарында жашагандар", — деп айтылат кабарда.

Ошондой эле зоопарк, түнкү клуб, караоке, балдар аянтчалары, тамактануу жайларында иштөө убактысы боюнча чектөөлөр киргизилди.

11
Белгилер:
абал, локдаун, коронавирус, Москва, Россия
Тема:
Дүйнөгө жайылган коронавирус
Тема боюнча
COVID-19дан улам Ош шаарында 1-июлга чейин бардык иш-чаралар токтотулду
Кит. Архив

Кит жутуп алып кайра чыгарып салган балыкчынын азыркы кебетеси. Сүрөт

47
(жаңыланган 11:36 13.06.2021)
Океандын жээгинде лобстер уулап жүргөн балыкчыны кит жутуп алды. Адегенде ири толкун болгонун сезген киши андан кийин караңгынын кучагында калган.

БИШКЕК, 13-июн. — Sputnik. АКШда кит жутуп алган балыкчы аман калды. Бул тууралуу CBS Boston телеканалы жазып чыкты.

Шумдук окуяга Американын Провинстаун шаарынын тургуну Майкл Паккард кабылган. Ал Кейп-Код жарым аралында океанды жээктеп лобстер (деңиз рагы) уулап жүргөн.

Ага адегенде ири толкун болгону байкалган, анан эле караңгы болуп кеткен. Майкл адегенде акула жутуп алды деп ойлогон. Кийинчерээк киттин оозунда экенин билген. Жөн турбастан сүзүп, кыймылын уланткан. Бактысына алп жандык суунун бетине чыгып, оозундагыларын сыртка бүркүп, балыкчы океанга кулаган.

"Мен бошонуп, эркин болуп сүзүп кеттим. Өзүм да буга ишенген жокмун", — деген ал.

Жакын жердеги балыкчылар аны ооруканага жеткиришкен. Дарыгерлер Майклдын майда тамырлары гана жабыркаганын аныкташкан. Башка эч кандай олуттуу жаракат алган эмес, эч жери сынган да эмес.

Окумуштуулар мындай окуя сейрек кездешерин белгилешет. Алардын айтымында, кит демейде адамга коркунуч келтирбейт, болгону суудагы майда балыктар жана башка деңиз жандыктары менен тамактанып жатканда кишини да кокусунан жутуп алышы мүмкүн.

47
Белгилер:
АКШ, окуя, кит, океан, адам
Тема боюнча
Торго түшкөн акуланы сууга кое беришкен. Боорукер балыкчылардын видеосу