Жолук кийген аял. Архивдик сүрөт

Кайненем баласын кызгана берип тажатты. Жаш келиндин окуясы

4433
(жаңыланган 10:33 02.08.2018)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында жаш келиндин кайненеси уулун кызгана берип тажаткан окуясы баяндалат.

Саламатсыздарбы, биздин коомдо уулун келинчегинен кызганган энелер көппү? Андайлар бар болсо айткылачы, эмнеге балдарын үйлөнтүшөт? Кайненемдин уулун кызганганы жанга батты, акыры окурмандарга, психологго кайрылып көрүүнү туура көрдүм. Кеп башынан болсун.

Турмушка чыкканыма үч жыл болду, бир уулубуз бар. Күйөөм үйдүн жалгыз баласы болгондуктан кайненем менен чогуу турабыз. Ал киши күйөөсү менен балдары кичине кезинде эле ажырашып кетиптир. Кайын сиңдилерим да турмушка чыгып, орун-очок алышкан. Турмуш-шартыбыз жаман эмес Кудайга шүгүр эл катары жакшы эле жашайбыз. Мени бушайман кылган бир эле көйгөй бар. Ал кайненемдин уулун чектен ашып кызганганы. Өзүмдүн деле байкелерим бар, бирок ата-энем аларды жакшы көргөнү менен мынчалык келиндеринен кызганганын көргөн эмесмин.

Биз үйлөнгөндөн бери кайненем артыбыздан аңдып атып айланы кетирди. Башында "жалгыз баласы болсо балким көнө албай жаткан чыгар" деп ойлогом. Бирок бир эмес үч жыл өттү. Баласы мени кучактап өпмөк тургай, эркелетип койсо бети-башы кызарып, кыялын көрсөтүп жумурткадан кыр издеп, уруш чыгарат.

Экөөбүздү жалгыз эч жакка жибергиси келбейт. Теңтуштар менен эс алып келели десек да кыйылып атып араң кое берет. Азыр балалуу болгондон кийин эч жакка деле барбай калгам. "Кичинекей менен конокторго барсаң жүдөйсүң" деп кээ бири небересин алып калат го, биздин апабыз андайды укса чалкасынан кетет. Мамлекеттик кызматта иштегендиктен өзүн аябай карайт, бирок эмнегедир мен салонго барып же жаңы кийим алсам кабак-кашы бузулуп эле жатып калат.

Баласы жаңы төрөлгөн немедей жеген тамагынан, кийген кийимине чейин бүт өзү көзөмөлдөйт. Мен жасаган тамактарды "күйөөң аны жакшы көрбөйт" деп өзү жасап, аны кичинекей баладай эркелеткенде бери жакта туруп мен уялып кетем. Небереси турса деле килейген баласын өөп-жыттап жинге тиет. Ал тургай кечинде биз уктаган бөлмөнүн да эшигин ачып коет. Ээн-эркин эркелешип экөөбүз калган учур боло элек. Конокко барса "кечинде мени алып кеткен киши жок" деп баласын кошо алып кетет. Айтор, бир чети жиниң келсе, кээде туруп таң каласың. Бир күнү жиним менен күйөөмө "апаң сага эле тийип алса болмок экен" деп ызаландым. Бирок ал мени "апамдын жалгыз баласы болсом башынан ушундайга көнгөн да, кичине чыдап кой уулубуз чоңойсо ага алаксып кетет" деп жоошутуп коет.

Чынын айтсам кайненем менен бир үйгө чогуу жашагым келбей калды. Аны кылсам да, муну кылсам да жактырбайт. Жолдошум экөөбүздү уруштургусу эле келип турат. Анда эмнеге үйлөндүрдү билбейм. Ага мен жакпаймынбы же ыраа көрбөйбү, айтор түшүнбөй койдум. Бирок мен күйөөмдү жакшы көрөм, анын үстүнө ортодо кичинекей балабыз дагы бар.

Перизат Асылбаева, "Данакер" үй-бүлө бекемдөө борборунун психологу:

Бул жерде келин кайненесин "Апа, мен сизди сыйлайм. Ушундай жигитти чоңойтуп, тарбиялаганыңыз үчүн рахмат" деп ыраазычылык сөзүн айтуу менен кепке тартып көрсүн. Себеби айрым ата-эне баласын өстүрүп-чоңойткондон кийин аны башка бирөөгө бергиси келбей, кызганышы мүмкүн. Эгер апасы менен сүйлөшүүнү ушундай жылуу сөздөр менен баштаса кайненеси жибип, аны жакшы кабыл алаар. Экинчиден, кайненесине жашырбай эле "балаңызды абдан жакшы көрөм, өмүр бою кол кармашып өтөбүз" деп сезимдерин ачык айтсын, кыйналып жатканын түшүндүрсүн. Ал дагы аял балким буга чейин ага маани бербеген апасы ойлонуп калаар. Ушундай ойлоп жатканын күйөөсүнө да сөзсүз айтсын. Себеби баласы дагы өз энесине "апа мен сизди башкача, келинчегимди өзүнчө жакшы көрөм" деп айтып, түшүндүрүшү керек. Эгер бизге кайрылган келиндин мүмкүнчүлүгү болсо, психологдун өзүнө келип көзмө-көз сүйлөшүп көрсүн. Үй-бүлөнү сактап калуу үчүн келин өзү отуруп алып эле чечим чыгарбай ой-толгоосун, кыйналып жатканын күйөөсүнө, кайненесине түшүндүрүп айтышы керек.

4433
Белгилер:
кызганыч, кайнене, келин, психолог
Тема:
Психолог менен баарлашуу (121)
Тема боюнча
Өз бүлөңөрдү билгилечи... Кайнеже, кайын сиңди кыжырды кайнатканда
Бообекова: келиндүү болууга кайнене да психологиялык жактан даярданышы керек
Өзүм үчүн төрөп алгам, бирок, кызым мени жек көрүүдө. Бишкектик айымдын муңу
Алыкул Осмонов атындагу улуттук китепкананын директору Жылдыз Бакашева

Бакашева: балдарга күнүнө 10-15 мүнөт китеп окуп берүү керек

6
Алыкул Осмонов атындагу улуттук китепкананын директору Жылдыз Бакашева китепти жаштар эле эмес улуу муун деле окубай калганын айтты.
Бакашева: балдарга күнүнө 10-15 мүнөт китеп окуп берүү керек

Ата-энелер балдарына күнүнө жок дегенде 10-15 мүнөт китеп окуп бериши керек. Бул тууралуу Жылдыз Бакашева Sputnik Кыргызстан радиосуна маек берип жатып билдирди.

Анын айтымында, жаштар китеп окубайт деген стереотип коомго сиңип калган.

Абдыкерим Муратовдун жаңы романы жарык көрдү

"Азыр жаштар китеп окубай турганы кеңири айтылат. Бирок орто, улуу муундагылар деле китеп окубайт. Ошондуктан кичинекей балдар дагы китепке кызыкпай жатат. Негизи улуу муунга салыштырмалуу жаштар китепти көбүрөөк окуп калганы байкалууда. Алар көбүнчө орус тилиндеги чоң бестселлерлерди издеп таап окушууда. Мына 14-сентябрдан тарта китепканалар өз ишин баштады. Окурмандардын дээрлик көпчүлүгү жаштар. Анан эле "жаштар китеп окубайт" деген сөздөр айтыла берет. А эмнеге чоң апа, чоң аталарыбыз китеп окубайт? Аларда деле убакыт кенен эмеспи. Балага ата-энеси, чоң атасы, чоң апасы күнүнө жок дегенде 10-15 мүнөттөн китеп окуса, анда үйдөгү кичинекей балдардын дагы кызыгуусу өсөт. Биз бул багытта "Үй-бүлөлүк окуу борборлорун" түзүп, балдарга 15 мүнөттөн китеп окуп берүүнү демилгелегенбиз. Учурда бул борборлор кадимкидей иш жүргүзүүдө. Бирок мындай долбоорлор эл аралык уюмдардын колдоосу менен болуп, мамлекеттик деңгээлде системалуу түрдө ишке ашпай келет", — деди Бакашева.

Ошондой эле китепкана тарабынан коомду китеп окутууга үндөө, кызыктырууга багытталган бир топ иш чаралар быйыл пандемияга байланыштуу өтпөй калганын кошумчалады.

6
Белгилер:
ата-эне, жаштар, китепкана, Жылдыз Бакашева
Тема боюнча
Бүгүндөн тарта өлкөдө музей, китепканалар иштеп баштайт
Париждин көчөлөрүнүн биринде бараткан адамдар. Архивдик сүрөт

Европада эпидемиологиялык абал эмнеге начарлап баратат. ДССУнун түшүндүрмөсү

14
(жаңыланган 15:56 20.09.2020)
Уюмдун өкүлдөрү мектептерди ачуу дагы абалдын курчушуна түрткү бергенин, бирок балдарга билим берүүдө зарыл кадам болгонун белгилешкен.

БИШКЕК, 20-сен. — Sputnik. Балкан аймагындагы өлкөлөрдө жана бүткүл Европада эпидемиологиялык кырдаалдын начарлашы COVID-19га каршы коргонуу чараларын сактабаганга байланыштуу, бийлик көзөмөлдү күчөтүшү керек. Бул тууралуу Дүйнөлүк саламаттык сактоо уюмунун (ДССУ) Белграддагы кеңсесинде айтылганын РИА Новости жазды.

Албания, Босния жана Герцеговина, Словения, Түндүк Македония, Хорватия, Черногория жана Косово сыяктуу бир катар мамлекеттер коронавирусту жуктургандар менен өлгөндөрдүн саны кайрадан өсүп жатканын айтышкан. Аталган мамлекеттерде карантиндик чектөөлөрдүн айрымдары алынып, чек аралары жарым-жартылай ачылган.

Европада COVID-19дан көп адамдын көз жумары айтылууда

"Биз региондордо гана эмес, бүткүл Европа боюнча олуттуу эпидемиологиялык кырдаалга туш болуп жатабыз. Буга бардык мамлекеттер чечкиндүү кадамдарды жасап, баягы эле гигиеналык-санитардык эрежелерди кармануусу керек. Кырдаалдын начарлашына жарандардын талаптарды сактабагандыгы себеп. Бөтөнчө иш-чараларда, эс алууда, стадиондордо, түнкү клубдарда, диний жайларда жана башка массалык чогулуштарда ооруну жуктуруп алып жатышат. Учурда кээ бир мамлекеттер үчүн жугуштуу ооруларды алдын алуу жана көзөмөлдөө чоң көйгөй болууда", — деп билдирген эл аралык уюм.

ДССУнун өкүлдөрү мектептерди ачуу дагы абалдын курчушуна түрткү бергенин, бирок балдарга билим берүүдө зарыл кадам болгонун белгилешкен. Ошондой эле окуучулардын арасында ооруну жайылтпаш үчүн чараларды күчөтүүгө чакырган.

Жон Хопкинс атындагы изилдөө институтунун расмий сайтындагы маалымат боюнча, учурда дүйнө жүзүндө 30 794 731 кишиден коронавирус табылып, анын 957 192си өтүп кетти

14
Белгилер:
абал, карантин, коронавирус, Европа, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Көнүп баратат... Коронавирус сезондук оорулардын катарын толукташы ыктымал
Өзбекстандын вице-премьери Уктам Барноев. Архивдик сүрөт

COVID жуктуруп алган Өзбекстандын вице-премьери каза болду

0
(жаңыланган 16:12 20.09.2020)
Маркум 57 жашта болчу, өкмөттө өлкөнүн агрардык жана азык-түлүк тармагын тескеген жетекчилик кызматта иштеп келген.

БИШКЕК, 20-сен. — Sputnik. Өзбекстандын вице-премьери Уктам Барноев коронавирустан каза болду. Бул туурасында Sputnik Өзбекстан агенттиги жазды. 

Маалыматты Бурхара облусунун акмиаты тасыктаганы айтылат.

Барноев 57 жашта болчу, өкмөттө өлкөнүн агрардык жана азык-түлүк тармагын тескеп келген.

Вице-премьер июль айынын соңунда COVID-19 жуктуруп алганы аныкталып, ошондон бери жеке менчик клиникада дарыланып жаткан.

Өзбекстанда карантин жумшартылгандан бери COVID жуктургандар көбөйдү

Айрым тастыкталбаган маалыматка караганда Барноев өлүмүнүн алдында Германиянын ооруканаларына да барып дарыланган.

19-сентябрь күнү кечинде алынган расмий маалымат боюнча Өзбекстанда коронавируска чалдыккандардын саны 50 872 адамга жетти. Анын ичинен 47 121 адам айыгып чыкты. Ал эми оорунун кесепетинен 425 адам каза болду.

0
Белгилер:
оору, өлүм, коронавирус, премьер-министр, Өзбекстан
Тема:
Дүйнөгө жайылган коронавирус
Тема боюнча
Нурсултан Назарбаевдин небереси Айсултан каза болду
Өлгөндөр миллионго жетип... БУУ COVID көзөмөлдөн чыгып бара жатканын айтты