Боорсок бышыруу. Архивдик сүрөт

Малыңды союп, боорсогуңду жасап берем! Той-ашта керек болчу 7 кызматтын акысы

1955
(жаңыланган 09:15 10.08.2018)
Шаар тургундарынын көбү азыр жакшылык-жамандык, той-аштарда ар түрдүү тейлөө кызматтарын колдонууга муктаж болуп калышты. Себеби айрымдары көп кабатуу үйдө жашап сыртта мал союп, эт салууга шарты келбесе, кээ бири жумуштан бошобой, эч нерсеге жетишпей калышы ыктымал.

Август айы башталып той-ашка чакыруулар биринин артынан бир келе баштады. Жумуштан бошобой, бирок ашпозчу жалдап, боорсок жасатып же палоо бастырыш керек болуп калса Sputnik Кыргызстан агенттиги сиздер үчүн керектүү материал даярдады. Төмөндө той-аштарда керектүү жети кызмат акылары менен жазылды.

Касапчы

Празднование Курбан-байрама в регионах России
© Sputnik / Максим Богодвид
Бишкекте касапчылардын кызмат акысы ар кандай
Бишкекте касапчылардын кызмат акысы ар кандай. Айрымдары жардам бере турган киши болсо, жылкы менен уйду 3500 сомго союп, устукандап, жиликтеп берет. Ал эми кой-козунуку 500 сомдун тегереги. Эгер жардамга киши жок болсо жылкы менен уйду 4500, кой-козуну 1000 сомго союп, жиликтеп даяр кылып берет.

Шаардыктардын көбү атайын мал сойгон жайга барышат. Ал жакта көбүнчө бодо малды (жылкы, уй) 2000 сомго союп, жиликтеп, ичеги-карынынан бери артып берсе, кой-козу 500-1000 сомго чейин бааланат.

Боорсок жасагандар

Боорсок — это жареные во фритюре кусочки дрожжевого теста обычно в форме ромбика.
© Sputnik / Табылды Кадырбеков
Жөнөкөй эле кесилген төрт бурчтуу боорсоктун килограммын 120 сомго жасатса болот
Үйдөн чара-чара боорсок жасаган да калып баратат. Себеби даамдуу боорсокторду жасаган кызматтар көп.

Жөнөкөй эле кесилген төрт бурчтуу боорсоктун килограммын 120 сомго жасатса болот. Ал эми кооз кылып кесилген боорсоктордун 1 килограммы 140-150 сомго бааланат. Беш килограммдан көп боорсокко буйрутма бергендерге шаар ичинде жеткирүү акысыз.

Палоо баскандар

В Оше впервые организован Международный фестиваль плова под девизом Дружба народов Азии.
© Фото / Зульфия Тургунова
Эгер керектүү азык-түлүктү даярдап үйдөн бастырам десеңиз килограммы 500-700 сом болот.
Жамандыкта, кырк-ашта көбүнчө палоо басылат эмеспи. Эгер сизге мындай кызматтын түрү керек болсо чайканаларга кайрылсаңыз болот.

Чайканалардын палоо баскан ашпозчуларынын кызмат акысы бир аз кымбатыраак. Алар буйрутмага 1 килограмм палоону 1200-1500 сомго басып, жеткирип берет.

Эгер керектүү азык-түлүктү даярдап үйдөн бастырам десеңиз килограммы 500-700 сом болот.

Мындан сырткары, өз үйүнөн палоо басканга буйрутма алып иштегендер бар. Алар 1 килограмм күрүчтү 900-1200 сомго чейин басып, жеткирип берет.

Ашпозчу

Мужчины вносят мясо в зал во время празднования золотой свадьбы в семье алтайских казахов Дюсенби и Марии Кобдобаевых в доме культуры села Жана-Аул Кош-Агачского района Республики Алтай.
© Sputnik / Александр Кряжев
Ашпозчулардын орточо кызмат акысы — 5000 сом
Той-топурда салат, тамактын түрүн жасап убара болгуңуз келбесе ашпозчу деле жалдай калганыңыз дурус. Анткени алар жер —жемиштен тарта салат, тамакка керектелүүчү азык-түлүктү даана жеткидей кылып жазып беришет.

Ашпозчулардын орточо кызмат акысы — 5000 сом. Анын ичинде төрт түр салат, эки түр тамак кирип, дасторконду да белендеп берет.

Идиш жуугучтар

Работник столовой в школе-гимназии №64 на презентации новой модели питания и запуска пилотного проекта ВПП ООН Оптимизация программы школьного питания в КР.
© Sputnik / Табылды Кадырбеков
Эгер ашпозчу, идиш жуугуч, официантты чогуу бир эле эле чакырам десе 9000 сомго бааланат
Идиш-жуугучтардын кызмат акысы — бир күнгө 1000-1500 сомго чейин. Бир идиш жуугуч 20 кишини тейлей алат. Эгер 50гө чукул мейман тосо турган болсо, үй ээсинин эки идиш жуугуч жалдаганы туура.

Эгер ашпозчу, идиш жуугуч, официантты чогуу бир эле эле чакырам десе 9000 сомго бааланат.

Идиш-аяк ижарасы

Празднование Навруза
© Sputnik / Максим Богодвид
30 кишиге ылайыктап идиш-аяк алам десеңиз кашык, вилка, чыны, тарелканын баары биригип 6000 сом турат
Азыр той-аштарга идиш-аяктан бери ижарага берилип калган.

30 кишиге ылайыктап идиш-аяк алам десеңиз кашык, вилка, чыны, тарелканын баары биригип 6000 сом турат. Ижарага бергендер аны өздөрү алып келип коюп, кайра баарын санап алып кетет.

Казан-аяк алам десеңиз 150 литрлик казан капкагы менен суткасына 600 сомго берилет.

100 литрлик казан 500 сом, 50 литр 400 сом, 12,5 литр казандын ижара акысы 200 сомго бааланат. 50 литрлик мискейлер 200 сом. Шашлык бышырууга мангал 15 таягы менен бир күнгө 200 сомго ижарага берилет.

Ижарага берилчү үйлөр

Внутреннее убранство кыргызской юрты в Джеты-Огузском районе
© Sputnik / Табылды Кадырбеков
Кымбатыраак 10 000 сомдук үйлөрдө боз үйү, очок, казаны, отуну, идиш-аягы бүт даяр болот
Куда тосуу, кыз узатуу, шеринеге айрымдар атайын конок үйлөрүн ижарага алат. Алар суткасына 4000 сомдон 10000 сомго чейин берилет. Кымбатыраак 10 000 сомдук үйлөрдө боз үйү, очок, казаны, отуну, идиш-аягы бүт даяр болот.

1955
Белгилер:
акы, той, кызмат, Кыргызстан
Тема боюнча
Тойдо миң долларга чейин гонорар алган кыргыз ырчылары кимдер? Тизме
Той-ашта минтип биз деле созуп коебуз! Ырчылар кыжырды кайнатканда
Тойду жаңыча өткөрүүнүн сценарийине сынак жарыяланды
Ганси базасындагы убактылуу ооруканаларда 30 орундуу жандандыруу бөлүмү. Архивдик сүрөт

Апасынан айрылган кыз: "Гансиде" ачылды делген реанимациялык блок иштеген жок

1152
(жаңыланган 11:38 10.07.2020)
Түндө абалы оорлошкон аялды балдары реанимацияга жаткыра албай коюшкан. Тилекке каршы, бейтап таңга жуук каза болуп калган.

БИШКЕК, 10-июл. — Sputnik. Кечээ, 9-июлда, "Ганси" базасындагы убактылуу ооруканаларда 30 орундуу жандандыруу бөлүмү ачылганы кабарланган. Бирок ал абалы оор бейтаптарды кабыл албай жатканын айтып Sputnik Кыргызстанга окурман кайрылды.

Анын билдиришинче, бүгүн түндө пневмонияга чалдыккан апасынын абалы оорлошуп кеткенде реанимацияга жаткыра албай коюшкан. Тилекке каршы, бейтап таңга жуук каза болуп калган.

"Апам "Гансидеги" ооруканада дарыланып жаткан. Бул жерде "жандандыруу бөлүмү ачылды" деп айтышкан, анысы жок, иштебейт жатат. Түнү менен өпкөнү жасалма дем алдыруучу аппарат издеп чыктык. Реанимация да, жасалма дем алдыруучу аппарат дагы жок экен", — деп ыйлады апасынан айрылган кыз.

№1 шаардык оорукананын медигинин кайрылуусу боюнча башкы дарыгер текшерилет

Деген менен Коомдук саламаттык сактоо башкармалыгынын жетекчиси Айнура Акматова бүгүнкү брифингде жандандыруу бөлүмү иштеп жатканын айтууда.

"Аны ишке киргизиш үчүн акыркы келип жаткан кычкылтек концентраторлор менен камсыз кылып, жетишпей жаткан медиктерди окутуп жөнөткөнгө чейин бир-эки күнгө созулуп кетти. Бирок азыр ал жерде реаниматологдор, дарыгерлер бар, бейтаптарды кабыл алып иштеп жатат", — деп жооп берди Акматова.

Белгилей кетсек, "Ганси" базасында реанимациялык блок ачылды" деп алгачкы жолу саламаттык сактоо министринин орун басары Мадамин Каратаев 6-июлда маалымдаган. Бирок анда дагы окурмандар кайрылып, жандандыруу бөлүмү иштебей турганын, кычкылтек концентраторлору жок экенин билдиришкен.

Буга Медициналык жардам көрсөтүү жана дары саясаты башкармалыгынын бөлүм башчысы Кубанычбек Калмаматов жооп берип, 8-июль күнү саат 17.00дөр чамасында ишке киргизилгенин айткан. Андан бери эки күн өтсө да, кайра эле даттануулар түшүп жатат.

Кыргызстанда пневмониядан 40, коронавирустан 6 адам кайтыш болду 

Эске салсак, "Манас" аэропорту жактагы Американын мурдагы "Ганси" авиабазасына 600 орундуу оорукана уюштурулган. Кошумча дагы талаа госпиталы даярдалган.

Өлкө аймагындагы соңку кабарлар менен биздин Telegram-каналдан таанышып туруңуз.

1152
Белгилер:
иштөө, өлүм, реанимация, бейтап, оорукана
Тема:
Коронавируска байланыштуу Кыргызстандагы кырдаал
Тема боюнча
Саламаттык сактоо министринен пневмония, орун басарынан COVID аныкталды
Чүйдүн төрөт үйлөрү иштебей жатат деген маалымат төгүндөлдү
Коронавирусту дарылоодо вируска каршы Авифавир дарысы. Архивдик сүрөт

Кыргызстан Россиянын коронавируска каршы дарысын алууну сүйлөшүүдө

264
(жаңыланган 11:22 10.07.2020)
Акматова өткөн жумада Россиядан Кыргызстанга Роспотребнадзордун жетекчисинин орун басары Вячеслав Смоленск баштаган делегация келгенин эске салды.

БИШКЕК, 10-июл. — Sputnik. Кыргызстан коронавирусту дарылоодо вируска каршы авифавир дарысын алуу үчүн Россия тарап менен сүйлөшүүлөрдү жүргүзүп жатат. Бул тууралуу Коомдук саламаттык сактоо башкармалыгынын жетекчиси Айнура Акматова брифинг учурунда билдирди.

Буга чейин аталган дары Казакстанга алып келингени тууралуу айтылган. Акматова өткөн жумада Россиядан Кыргызстанга Роспотребнадзордун жетекчисинин орун басары Вячеслав Смоленск баштаган делегация келгенин эске салды.

АКШнын башкы инфекционисти COVID пандемиясынын күчөй турганын болжоду

"Делегациянын курамында Бакулев атындагы Илим-изилдөө институтунун өкүлдөрү, реаниматологдор бар болчу. Авифавир дарысы боюнча маселе көтөрүлгөн. Биздин эксперттик топ дагы бул суроону карап жатат. Министрлик болсо Россия тарап менен сүйлөшүү жүргүзүүдө", — деди Акматова.

Авифавир дүйнөдө коронавирусту дарылай турчу эң эффективдүү дары болот деп ишендирип жатышат. 2014-жылдан бери аны Япония сасык тумоонун оор формасын дарылоо үчүн колдоно баштаган. Коронавирус пандемиясынан улам россиялык окумуштуулар дарыны модификациялап, дарылоо протоколун өзгөртүшкөн.

Кыргызстанда коронавирус жуктуруп алгандардын саны 9 358ге жетти. Анын ичинен 3 134 бейтап айыгып, 122си каза болду. Мындан сырткары, ооруканаларга пневмония менен да кайрылгандар көп. Март айынан бери андан 350 адам көз жумду. Алардын басымдуу бөлүгү Бишкек шаарында.

264
Белгилер:
сүйлөшүүлөр, оору, коронавирус, дары, Россия, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Россияда COVID-19га каршы вакцинаны сайдыргандардын абалы айтылды
Дүйнөлүк уюм Россиянын COVID-19га каршы чыгарган вакцинасына кызыгып жатат

АКШ Сирияны колдоого алган Россия менен Кытайды жазаламай болду. Видео

0
АКШнын мамкатчысы Россия менен Кытай БУУдагы вето укугунан ашкере пайдаланарын айтып, жазалоо керектигин жар салды.

Аталган өлкөлөр Сирияга көрсөтүлчү гумжардам боюнча резолюцияны токтотуп койгон. Бельгия менен Германия Түркия менен Сириянын чек арасындагы эки өткөрүү пунктун калтырууну сунуштаган, бирок Москва менен Пекин буга макул болгон эмес. Россия өзүнчө долбоор иштеп чыккан.

Америкалыктар эмнеге нааразы болуп жатканын биздин видеодон көрүүгө болот.

0
Белгилер:
гуманитардык жардам, жаза, АКШ, Кытай, Россия, Сирия
Тема боюнча
АКШ Дүйнөлүк саламаттыкты сактоо уюмунан качан чыгарын так айтты