Коомдук транспор күтүп жаткан шаар тургундары. Архив

"Аялдама" деген туурабы же "аярламабы"? Тил комиссиясы жооп берди

1886
(жаңыланган 09:52 08.08.2018)
Редакциянын кабарчысы президентке караштуу Мамлекеттик тил боюнча улуттук комиссия менен байланышып, сөздөрдүн эмнеге алмашып калганын сураштырып көрдү.

БИШКЕК, 7-авг. — Sputnik. Учурда интернет колдонуучулар "аялдама" сөзүнүн "аярламага" алмашып калганына таң калып, кызыл чеке түшүп жаткан учуру.

Социалдык тармакта борбордогу троллейбустардын биринде аялдаманы "аярлама" деп айтылган видео тараган.

Sputnik Кыргызстан маалымат агенттигинин Telegram каналындагы "Бишкек сегодня" тайпасынын катышуучулары да бушайман болуп жаткан чак.

Мындан улам редакциянын кабарчысы президентке караштуу Мамлекеттик тил боюнча улуттук комиссия менен байланышып, сөздөрдүн эмнеге алмашып калганын сураштырып көрдү.

Аалы Молдоканов аталган коммисиянын котормо жана жарнама боюнча бөлүм башчысы. Дал ушул киши сөздөрдү алмаштырууга кеңеш берген.

"Аялдама" деген сөз бизге 30-40 жыл мурда келди. Аны сөздүккө Константин Юдахин киргизген. Кыргызда "аялдоо" деген да "аярлоо" деген да сөз бар. Аярлай тур, токтой тур дегенди билдирет. Кийинки убакта эл ичинде "аялдамага аял деген сөздү эмнеге кошосуңар, болгондо да уңгу болуп жатат" деген пикирлер пайда болду. Жарым жыл мурда мэриянын өкүлү келгенде, "аял" деген сөздөн качып "аярлама" деген сөздү колдонуу туура деп кеңеш бергем", — деди Молдоканов.

Ошондой эле Молдоканов жаңы сөз убакыттын өтүшү менен элге сиңе турганын кошумчалады.

1886
Белгилер:
аярлама, аялдама, талкуу, кыргыз тили, Аалы Молдоканов
Тема боюнча
Кыргызча туура жазып... мэр болгонго жарайсызбы? Тест
Окуучулар үчүн түзүлгөн тесттен өтө аласызбы? ЖРТнын суроолору
Чүй облусундагы Оруу-Сай лыжа базасы. Архив

Бейшембиге карата аба ырайы

79
3-декабрга караган түнү республиканын тоолуу райондорунда кар жаайт. Дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 2-дек. — Sputnik. 3-декабрь күндүз өлкөнүн көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен аймактарында +3…+8, Талас жергесинде -2…+3, Ысык-Көлдө 0…+5, Нарын облусунда -2…+3 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда жана Ошто +6…+8 градус жылыйт.

79
Белгилер:
декабрь, Кыргызстан, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы
Россиянын президенти Владимир Путин

Путин келерки жумада коронавируска каршы эмдөө жүргүзүүнү тапшырды

124
(жаңыланган 23:34 02.12.2020)
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган.

БИШКЕК, 2-дек. — Sputnik. Россиянын президенти Владимир Путин вице-премьер Татьяна Голиковага келерки жумадан тарта коронавируска каршы масштабдуу эмдөөнү баштоону тапшырды. Бул тууралуу РИА Новости жазды

​Эске салсак, буга чейин БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөрү айтылган.

Вице-премьер Эльвира Сурабалдиева брифинг учурунда
© Фото / Республиканский штаб КР по борьбе с COVID-19
"Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрү маалымдалган. Отурумда россиялык бул препарат боюнча кенен маалымат берилмекчи.

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.

124
Белгилер:
вакцина, коронавирус, Россия
Тема боюнча
Коронавирус G20 саммитин бузду. Батыш башканын вакцинасын батырбайт
Путин Кыргызстан, Беларусь жана Карабахтагы окуялар боюнча оюн айтты

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды