Эски премьер-министр Сапар Исаковдун архивдик сүрөтү

Исаковдун адвокаты ТЭЦтеги авария боюнча депутаттарга дагы иш козгоону суранды

(жаңыланган 13:02 09.08.2018)
Нурбек Токтакунов өз билдирүүсүндө Жогорку Кеңештеги үч комитеттин төрагалары менен парламенттин аппаратындагы кызмат адамдарына да кылмыш иши козголушу керектигин айткан.

БИШКЕК, 8-авг. — Sputnik. Мурдагы премьер-министр Сапар Исаковдун жактоочусу Нурбек Токтакунов Башкы прокуратура менен Улуттук коопсуздук мамлекеттик комитетине Бишкек ТЭЦинин айланасындагы кылмыш иши боюнча дагы кишилерди жоопкерчиликке тартуу керектигин айтып, арыз менен кайрылды. Бул тууралуу жактоочу Facebook баракчасына жазды.

Анын айтымында, Бишкек ТЭЦи боюнча келишимди ратификациялоо боюнча мыйзам долбоору каттоого алынгандын эртеси эле Жогорку Кеңештин үч комитет тарабынан жактырылган.

Токтакуновдун жазышынча ошол учурда тийиштүү комитетти төмөнкү кишилер жетектеп турган:

1. Бюджет жана финансы комитети (ошол учурда комиттети Курманбек Дыйканбаев жетектеп, комитеттин корутундусуна кол койгон);

2. Эл аралык иштер боюнча комитети (ошол учурда комитеттин төрагасы Каныбек Иманалиев болгон);

3. Отун-энергетикасы комплекси жана жер казынасын пайдалануу комитети (ошол учурда комитеттин төрагасы Кожобек Рыспаев болгон).

  • Депутат Каныбек Иманалиев
    Эл аралык иштер боюнча комитети (ошол учурда комитеттин төрагасы Каныбек Иманалиев болгон);
    © Фото / пресс-служба ЖК КР
  • Кожобек Рыспаев
    Отун-энергетикасы комплекси жана жер казынасын пайдалануу комитети (ошол учурда комитеттин төрагасы Кожобек Рыспаев болгон).
    © Фото / пресс-служба ЖК / Ашыркул Оморкулов
1 / 2
© Фото / пресс-служба ЖК КР
Эл аралык иштер боюнча комитети (ошол учурда комитеттин төрагасы Каныбек Иманалиев болгон);

Жогоруда үч комитет мыйзам долбоорун жактырган. Ал эми 2013-жылы 11-декабрда үч окуудан тең кабыл алынган.

Андыктан Токтакунов мыйзам долбоорун процедураларды бузуу менен кабыл алган Жогорку Кеңештин аппаратындагы кызмат адамдары менен профилдик комитетинин өкүлдөрүнүн аракети (аракет кылбашы) Кылмыш жаза кодексинин 304-беренесине (Кызмат абалынан кыянаттык менен пайдалануу), 306-беренесине (Кыргыз Республикасынын кызыкчылыктарына каршы келишим түзүү, мамлекеттик сатып алууну жүзөгө ашыруу) жана 316-беренесине (Шалаакылык) туура келерин жазат.

Жактоочу ошондой эле жогоруда жазылгандарды эске алуу менен Кылмыш процессуалдык кодексинин 150чү, 151чи, 155чи, 156-беренелерин эске алуу менен Кылмыш жаза кодексинин 304чү, 306чы жана 316-беренелери боюнча кылмыш ишин козгоону суранат.

Башкы прокуратуранын маалымат кызматы 7-августта Токтакуновдун кайрылуусу келип түшкөнүн тастыктап, учурда ал тийиштүү жактарга берилгенин билдирди.

Белгилей кетсек, мурдагы премьер-министр Сапар Исаков Бишкек ТЭЦин реконструкциялоо боюнча козголгон кылмыш иштин алкагында кармалган. Ал Улуттук коопсуздук мамлекеттик комитеттин тараткан расмий билдирүүсүнө ылайык, Сапар Исаков 2013-жылы президенттин аппарат жетекчисинин орун басары рангындагы тышкы саясат бөлүмүнүн жетекчиси кызматында турган кезде "Бишкек ЖЭБин модернизациялоо" долбоорун ишке ашырууда өзүнүн саясий абалынан пайдаланган. Ал адамдардын бир тобу менен алдын ала белгиленген иш аракеттер аркылуу подрядчыны тандоо сынагында чет элдик компаниянын кызыкчылыктарын колдогон. Натыйжада мамлекеттик жана коомдук кызыкчылыктарга зыян келтирилген.

Белгилер:
кылмыш иши, Нурбек Токтакунов, Кожобек Рыспаев, Курманбек Дыйканбаев, Каныбек Иманалиев, Кыргызстан
Тема:
ТЭЦ боюнча козголгон кылмыш иштер жана кармалгандар (70)
Тема боюнча
Сапар Исаковдун абактагы мөөнөтү узартылды
Колуна кишен салынган Сапар Исаковду сот залына алып киришти. Видео
Боронов ТЭЦке барып, күз менен кышка болгон камын текшерди
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:16 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрлигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек
Бишкектеги Курманжан Датка эстелиги. Архивдик сүрөт

Бейшембиге карата аба ырайы

Күндүн ысышына жана күтүлүп жаткан жаан-чачынга байланыштуу өлкөнүн бийик тоолуу райондорунда кар көчкү түшүүсү ыктымал.

БИШКЕК, 14-апр. — Sputnik. Бейшембиде күндүз республиканын аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +21…+26, Талас жергесинде +20…+25, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +15…+20 градуска чейин көтөрүлөт.

Күндүн табы Бишкекте +23…+25, Ош шаарында +24…+26 градус жылуу болот.

Белгилер:
Кыргызстан, апрель, аба ырайы
Тема боюнча
Бишкекте түркүн түстүү жоогазындар гүл ачты. Ажайып сүрөттөр

Кер мурут жигит Сүймөнкул Чокморов. Улуттук банктын улуу инсан тууралуу видеосу

(жаңыланган 01:10 15.04.2021)
Улуттук банк кыргыз банкноталарына түшүрүлгөн белгилүү инсандар тууралуу видеолорду жарыялоодо. Бул ирет банк легендарлуу актёр, сүрөтчү Сүймөнкул Чокморов тууралуу видеоролик жарыялаган.

Эки мүнөттөн ашык тартылган роликте сүрөтчүнүн жаш кезин көрүүгө болот. Анда Чокморов жана башка студенттер талаада педагогдун жетекчилигинин алдында жылкыны сүрөткө тартып жатышат. Видеонун алдында окуя 1963-жылы Ленинград облусунда болгону жазылган. Чокморов эмгегинде бир гана жылкыны эмес, анын артына тоолорду да тартат. Окутуучу жок тоону эмнеге тартканын сураганда, ал мекенин сагынганын айткан. Бир маалда жылкы үркүп, баланын колунан жулунуп, секире баштайт. Аны көрүп Чокморовдон башкасынын баары чочулайт. Бирок Сүймөнкул Чокморов аттын жанына барып, жылкыны сылап аны чуркатыш керектигин айтат. Бала ага макул болбой койгондо Чокморов "кыргыздар ээр үстүндө чоңойгон калкпыз. Ал эми ат биздин канатыбыз" деп чапкан боюнча жөнөгөн.

Кадр алмашып, Чокморов "Ысык-Көлдүн кызгалдактары" тасмасындагы Карабалтанын образында болуп калат.

Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат. Анда улуттук валютага сүрөтү түшүрүлгөн философ Жусуп Баласагын, манасчы Саякбай Каралаев, сүрөтчү, актёр Сүймөнкул Чокморов, акын Алыкул Осмонов тууралуу видеолор көрсөтүлмөкчү.

Роликтерди режиссёр Руслан Акун белгилүү кино ишмерлери Актан Арым Кубат, Эрнест Абдыжапаров, Марат Сарулу жана Баян Сарыгуловдун колдоосу менен тарткан.

Белгилер:
сүрөтчү, актер, видео, Улуттук банк, Сүймөнкул Чокморов
Тема боюнча
Улуттук банк Алыкул Осмонов тууралуу таасирдүү ролик тартты