Ак-Ордо жаңы конушу. Архив

Прокуратура: "Ак-Ордо" конушуна жол кургандар 6,5 миллион сомду кымырып алган

415
(жаңыланган 12:38 10.08.2018)
Бишкектин Капиталдык курулуш башкармалыгынын өкүлдөрү кызмат абалынан кыянаттык менен пайдаланган деп айыпталууда.

БИШКЕК, 9-авг. — Sputnik. Бишкек шаардык прокуратурасы мэриянын Капиталдык курулуш коомдук-мамлекеттик башкармалыгынын өкүлдөрү 6,5 миллион сомду кымырып алган деп кылмыш ишин козгоду. Бул туурасында Башкы көзөмөл органынын маалымат кызматы кабарлады.

Башкармалыктын кызматкерлерине Кылмыш жаза кодексинин 304-беренеси (Кызмат абалынан кыянаттык менен пайдалануу) боюнча иш козголду.

"Ак-Ордо конушуна салынган жолдун мыйзамдуулугун териштиргенде Капиталдык курулуш башкармалыгы тендер өткөрүп "М.Г." ЖЧКсы менен курулуш иштерин 97 миллион 536,9 миң сомго бүтүрүүгө макулдашылган. Бирок, башкармалыктын кызматкерлери кызмат абалынан кыянаттык менен пайдаланып мыйзамды бузуу менен курулуш материалдарынын баасын жана иштин көлөмүн жогорулаткан. Бүткөн иштин талапка ылайыктуулугун текшерген эмес. Мунун кесепетинен маамлекет 6 миллион 473,4 миң сомдук зыянга учураган", — деп айтылат маалыматта.

Кылмыш ишин андан ары иликтөө үчүн материалдар тийиштүү органдарга өткөрүлүп берилген.

415
Белгилер:
кылмыш иши, Прокуратура
Тема боюнча
Бишкекте пара алып жаткан салыкчынын кылтакка илинген видеосу
Коррупциядан кайсы орган миллиондорду өндүрдү. Тизме
Пикирлер