Кишен. Архивдик сүрөт

Мэр болуп жүрүп колуна кишен салынгандар. Мурдагы башчылардын каталары

313
(жаңыланган 09:14 10.08.2018)
Соңку беш мэрге укук коргоо органдарынын "суроолору" арбын болгон. Sputnik Кыргызстандын редакциясы акыркы жылдары шаар жетектегендер аралашкан кылмыш иштерин эстеп, тизмектеп чыкты.

БИШКЕК, 9-авг. — Sputnik. Бишкектин мэрлик кызматы акыры бир күнү абакка алпарары менен кооптуу – калаанын мурдагы башчыларынын тагдырын талдасак, ушундай бүтүмгө келебиз.

Албек Ибраимов (2016–2018)

Экс-мер Бишкека Албек Ибраимов в Бишкекском городском суде
© Sputnik / Расул Усеналиев
Мурдагы мэр Албек Ибраимов Бишкек шаардык сотунда
Ээрден жаңы шыпырылган мэр 19-июлда кармалып, ушул тапта УКМКнын убактылуу кармоочу жайында. Ал төрт кылмыш иши боюнча шектелүүдө, алардын экөө дал Ибраимов шаарды жетектеп турган маалда коррупция фактысы боюнча ачылган.

УКМКнын версиясы боюнча ал жеке жактарга жер тилкелерин пайдаланууга берүүгө мыйзамсыз бөлүштүрүү чийимин, ошондой эле борбор шаардын түштүк аймагында жайгашкан тилкелердин муниципалдык менчиктен мыйзамга жат жол менен чыгарууну уюштурган.

Кубанычбек Кулматов (2014–2016)

Экс-мэр Бишкека Кубанычбек Кулматов в здании первомайского районного суда
© Sputnik / Табылды Кадырбеков
Кубанычбек Кулматов Биринчи Май райондук сотунда
18-майда Кубанычбек Кулматовго Кылмыш жаза кодексинин 303-беренеси (коррупция) боюнча кылмыш иши козголгон. Тергөө билдиргендей, ал киши мэр болуп турган кезде 2 миллион доллар грантты өкмөттүн карамагынан мэриянын карамагына беймыйзам бурган. УКМКнын маалыматына таянсак, Кулматов "Альто Групп" ЖЧКсынын жетекчиси менен сынак өткөрбөстөн келишим түзүп, кытай ишканасынан аталган фирманын эсебине миллион долларды котортуп алган.

Иса Омуркулов (2010–2013)

Депутат ЖК 6 созыва, лидер фракции СДПК Иса Омуркулов во время интервью
© Фото / пресс-служба СДПК
ЖК депутаты, Бишкектин мурдагы мэри Иса Өмүркулов

2013-жылдын аягында Иса Өмүркуловго кылмыш ишин козгошкон. Ага Дайыр Асанов атындагы Жеңиш паркынын чектерин мыйзамсыз белгилегендиги – калаанын башкы планына салыштырмалуу алдаканча кичирейтилгендигине байланыштуу кине тагылган. Андан тышкары, Өмүркулов шаардын түштүк аймагын ийне-жибине чейин пландаштыруу долбоорунун корректировкасын мыйзамсыз пайдаланууга шектелип, КР КК 305-беренеси (жер мыйзамын бузгандыгы үчүн) боюнча айыпталган. Бирок, сот аны толугу менен актаган.

Нариман Түлеев (2008–2010) 
Бывший мэр города Бишкек Нариман Тюлеев в торговом центре ГУМ Чынар
© Sputnik / Табылды Кадырбеков
Мурдагы мэр жана ЖКнын экс-депутаты Нариман Түлеев

Мурдагы мэр жана ЖКнын экс-депутатына 2012-жылы коррупция боюнча кине тагылган. Кылмыш иши Кытайдан автобустарды сатып алууда, ошондой эле 200 миллион сомдук муниципалдык облигация чыгарууда мыйзамсыз аракеттерден улам козголгон. 2013-жылы Ленин райондук соту мүлкүн конфискациялоо менен Түлеевди 11 жылга эркинен ажыраткан. 2014-жылдын декабрында Бишкек шаардык соту ал өкүмдү күчүндө калтырып, ал эми туура бир жылдан соң Жогорку соттун коллегиясы да ушундай эле өкүм чыгарган.

Нариман Түлеев мамлекеттик казынага 60 миллион сом кайтарып берип, 2016-жылдын май айында эркиндикке чыккан.

Данияр Үсөнов (2007–2008)
Вице-премьер-министр КР Данияр Усенов на заседании в совета ЕС в Брюсселе. 18 июля 2006 года
© AFP 2018 / JACQUESCOLLET
Мурдагы мэр жана премьер-министр Данияр Үсөнов

Курманбек Бакиевдин чыйырлаштарынын бири бир катар кылмыш иштери боюнча сыртынан соттолгон. Алардын бири боюнча Үсөнов мүлкүн конфискациялоо менен сыртынан 15 жылга эркинен ажыратылган. Ал Ататүрк атындагы парктын аймагынан 11,31 гектар жер тилкесин мыйзамсыз алгандыгы үчүн күнөөлүү деп табылган (андан мамлекетке 160 миллион сом зыян келтирилген). Ушул тапта борбор калаанын мурдагы башчысы жашаган өлкөсүн, ысымын, фамилиясын, атасынын атын алмаштырган.

313
Белгилер:
абак, мэр, кылмыш, Бишкек, Кыргызстан
Тема:
Албек Ибраимовго козголгон кылмыш иши (11)
Тема боюнча
Шаардык сот Сапар Исаковдун баш коргоо чарасын өзгөрткөн жок
Бишкектин жаңы мэринин жана үй-бүлөсүнүн кандай мүлкү бар. Тизме
Жаңы шайланган мэр Азиз Суракматовдун алгачкы убадасы
Пикирлер