Предоставление пожарных автомобилей и карет скорой помощи Кыргызстану

Түштүк Корея Кыргызстанга өрт өчүрүүчү жана Тез жардам унааларын берет

107
(жаңыланган 10:22 12.08.2018)
Автоунаалардын бекер берилери же сатылары азырынча так айтыла элек.

БИШКЕК, 11-авг. — Sputnik. Түштүк Корея Кыргызстанга өрт өчүрүүчү жана Тез жардам унааларын берет. Бул туурасында аталган өлкөдөгү КРдин элчилигинен кабарлашты.

Элчи Кылычбек Султан Сеулдагы Өрткө каршы күрөшүү кызматтын өкүлдөрү менен жолугуп, анда Кыргызстанга куткаруу техникаларын жардам катары берүү маселеси талкууланган.

  • Предоставление пожарных автомобилей и карет скорой помощи Кыргызстану
    Түштүк Корея Кыргызстанга өрт өчүрүүчү жана Тез жардам унааларын берет.
    © Фото / пресс-служба посольства КР в Южной Корее
  • Предоставление пожарных автомобилей и карет скорой помощи Кыргызстану
    Элчи Кылычбек Султан Сеулдагы Өрткө каршы күрөшүү кызматтын өкүлдөрү менен жолугуп, анда Кыргызстанга куткаруу техникаларын жардам катары берүү маселеси талкууланган.
    © Фото / пресс-служба посольства КР в Южной Корее
1 / 2
© Фото / пресс-служба посольства КР в Южной Корее
Түштүк Корея Кыргызстанга өрт өчүрүүчү жана Тез жардам унааларын берет.

Чонг Чжэ-ху аймагындагы өрт өчүрүү боюнча райондук башкармалыктын жетекчисинин билдиргенине караганда, өрткө каршы техникалар пайдаланылгандан 8 жылдан, Тез жардам 5 жылдан кийин колдонулбай калат. Андан соң муктаж болгон өлкөлөргө жардам катары берилет.

Жолугушууда келерки жылы аталган кызматтардын ар биринен экиден, төрт автоунаа Кыргызстанга жиберүү каралып жатканы маалымдалды. Бул бекер берилеби же сатылабы, так айтылган эмес.

Мындан сырткары, эл аралык кызматташуу боюнча Корей агенттиги бул багыт менен Кыргызстанга өрт өчүрүүчү төрт бөлүм куруп берүүгө ниеттенип жатат. Анын алкагында дагы 12 автоунаа алып келинери кабарланды.

Андан сырткары, Кореянын бул кызматтары ӨКМ менен Саламаттыкты сактоо министрликтеринин кызматкерлери үчүн техникаларды пайдалануу боюнча атайын окутууларды акысыз уюштурмакчы. Алардын жолго жана жашап, тамактанганга кеткен каражатын Корея тарап өзүнүн мойнуна аларын билдирген.

107
Белгилер:
окутуу, өрт өчүрүүчү, тез жардам, Кыргызстан, Түштүк Корея
Тема боюнча
Алгачкы кадам! Ош мэриясы балдар үйүнүн тарбиялануучусуна батир белек кылды
Пикирлер