Футбол ойногон балдар. Архивдик сүрөт

Кызынын аты Ракета, уулунун аты Автомат. Кыргызстанда дагы кандай ысымдар бар

1129
(жаңыланган 17:40 16.08.2018)
Бул жерде биометрикалык маалыматтарын тапшырган, эрезеге жеткен жарандар тууралуу сөз болууда.

БИШКЕК, 14-авг. — Sputnik. Кыргызстандыктар балдарынын атын кээде техникага байланыштырып койгон учурлар кездешет. Алардын арасында куралдарды эстеткен учурлар да бар. Sputnik Кыргызстандын кабарчысы шайлоочулардын тизмесине көз салып, бир карап чыкты. Бул жерде биометрикалык маалыматтарын тапшырган, эрезеге жеткен жарандар тууралуу сөз болууда.

Алардын арасында Канжарбек аттуулар көп жолукту. Анткен менен Автомат деп аталган ысым бар экенин алгач ирет кезиктирдик. Алардан сырткары, Ракета аттуу эки аял кишини шайлоочулардын тизмесинен таптык.

"Летчик байке" десе, кесиби учкуч деп ойлосоңуз, жаңылышасыз. Паспортко жазылган аты – Летчик экенине күбө болдук.

Sputnik Кыргызстан агенттиги кыздар-балдардын кыргызча ысымдарын чогултуп, алардын лексикалык маанисин кантип чечмелегендигин окусаңыз болот.

1129
Белгилер:
Кыргызстан, ысым, шайлоочу, тизме
Тема боюнча
Апенди, Аладдин, Тарзан... Жомок каармандарынын атын алып жүргөн кыргызстандыктар
Нышан, Ороз, Умсунай, Ширин. Атыңыздын маанисин билесизби?
Министрлер кабинетинин төрагасы Акылбек Жапаров

Жүк ташуучу автоунаалар көбөйтүлөт. Акылбек Жапаров "Торугартка" барды

20
Жапаров учурда Нарында жумушчу сапары менен жүрөт. "Торугарттан" тышкары, Тайлак баатыр атындагы чек ара аскер бөлүгүнүн заставасынын абалы менен таанышты.

БИШКЕК, 18-окт. — Sputnik. Министрлер кабинетинин төрагасы Акылбек Жапаров Нарын облусуна болгон жумушчу сапарынын алкагында "Торугарт" көзөмөл-өткөрүү жайына  барды. Бул тууралуу өкмөттүн маалымат кызматы кабарлады.

Жапаров "Фантузи" контейнердик кранынын иши менен таанышып чыккан.

"Ал мындан ары жүктөөлөр Арка аймагында  (Арка — Кытай менен Кыргызстандын чек арасынын ортосундагы нейтралдуу аймак) эмес, "Торугарт" көзөмөл-өткөрүү пунктунда ишке ашырыларын жана жүк ташуучу автоунаалардын саны көбөйтүлө турганын белгилеген.  Ошондой эле министрлер кабинетинин башчысы дезинфекциялык барьердин абалы менен таанышып, анын инфраструктурасын жакшыртууну тапшырды", — деп айтылат маалыматта.

Мындан тышкары, Жапаров Тайлак баатыр атындагы чек ара аскер бөлүгүнүн заставасынын абалы менен таанышкан.

20
Белгилер:
Нарын облусу, 'Торугарт' көзөмөл өткөрүү пунку, Акылбек Жапаров, жумушчу, сапар, тапшырма
Тема боюнча
Президенттин администрациясында бөлүмдөрдүн ордуна 4 башкармалык болору айтылды
Пробация департаментинин жетектөөчү адиси, психолог Тахмина Талгатова

Талгатова: соттолгон адамдын кылмыштан оолак болушуна коом көмөк көрсөтө алат

10
Пробация департаментинин жетектөөчү адиси, психолог Тахмина Талгатова соттолгон адамдар жаза мөөнөтүн өтөп бүткөндөн кийин коомго аралаша албай кыйналарын айтты.

Коомдо соттолгон кишилерге чочулоо менен караган көз караш бар. Аларга ишеним да төмөн. Бул тууралуу Тахмина Талгатова Sputnik Кыргызстан радиосуна маек куруп жатып билдирди.

Талгатова: соттолгон адамдын кылмыштан оолак болушуна коом көмөк көрсөтө алат

Анын айтымында, жаза мөөнөтү бүткөндөн кийин бул адамдар өздөрүн жалгыз сезип кыйналышат.

"Пробация департаменти жеңил кылмыш жасаган мыйзам бузуучулар менен иш алып барат. Көбүнесе уурулук, каракчылык, бирөө менен мушташа кетип түрмөгө түшкөн инсандар — биздин кардарларыбыз. Алар менен психологдор тынбай иштешип турабыз. Мындай кылмышкерлердин көбү жаза мөөнөтү бүткөн соң кайра коомго аралашуудан чочулашат. Баары бир мага эч ким ишенбейт деген пикирде болуп, адамдардан оолактап жалгыз жүрүп калышат. Мындай учурда анын чөйрөсү эң чоң көмөк көрсөтө алат. Алар бул кишини өзүнө тартып, баарлашып, майда-барат иштерде деле ишеним көрсөтүп турушса ачылып сүйлөшүшөт. Соттолуп чыккан адам жардам сураган учурда болушунча баш тартпаганга аракет кылыш керек. Анткени алардын кимдир бирөөдөн көмөк сурап кайрылганы дагы өзүнчө жеңиш, — деди Талгатова.

Психолог бул боюнча коомчулукта да түшүндүрүү иштери жүргүзүлүшү зарылдыгын кошумчалды.

10
Белгилер:
психология, психолог, кылмышкер, коом, Тахмина Талгатова
Тема боюнча
Зарылбек уулу: пробация кардарлары дээрлик кайра кылмышка барбайт