Самара Каримованын Instagram баракчасын карап аткан кыз. Архивдик сүрөт

Instagram тармагында күйөрманы көп ырчы ким? Көз күйдүргөн тизме

2459
(жаңыланган 23:24 22.08.2018)
Instagram социалдык баракчасы кыргыз-шоу бизнеси өкүлдөрү арасында абдан популярдуу экендиги байкалат. Себеби ырчылардын той-маараке, концерт, гастролдогу жаңылыктары, а түгүл жашоосу менен дал ошол жактан таанышууга болот. Жүктөгөн постторуна караганда жарнамалык иштерди да көбүрөөк жүргүзөт.

Sputnik Кыргызстан маалымат агенттиги Instagram тармагында эң көп катталуучусу бар 12 ырчыны тизмектеди.

Эң көп киши чогулткандарыныкы миллионго жакындап калган, орточо катталуучусу барлар 350-500 миңдин тегерегин түзөт, ал эми эң аз дегендер 70-80 миңден өйдө адам топтогон экен.

12. "Торгоюмду" катыра ырдагын Нурмат Садыров 519 миң катталуучунун көңүл чордонунда.

11. Шоу-бизнестеги жаш ырчылардын бири Айыма Айылчиева 528 кишини топтой алган.

10. Омарга 532 миң адам катталып, чыгармачылыгына көз жүгүртүп турат.

9. "Кыз-Бурак" тобунун көркөм жетекчиси, жеке ырчы Сайкал Садыбакасовага 545 адам катталган.

8. Жаш ырчылардын бири Аяна Касымова да социалдык тармакта автивдүү. Анын баракчасында 605 миң адам бар.

7. Учурдун эң популярдуу жаш ырчысы Мирбек Атабековго 617 миң адам жазылган.

6. Айпери Кубик кызынын 637 миң катталуучусу бар. Айпери куудул, обончу жана аткаруучу Кубик Калыковдун кызы.

5. Коомчулукка "Нон-Стоп" дуэти аркылуу таанылган Чолпон Талипбек 649 миң адамды топтогон. Учурда ырчы жеке чыгармачылыгын улантууда.

4. Ырчы, алып баруучу Асель Кадырбекованын кадамын билип туруу үчүн 809 миң жазылган.

3. Жаштардын жүрөгүнөн терең түнөк тапкан ырчы, Асель Кадырбекованын жолдошу Нурлан Насипке 858 миң адам катталган.

2. Ар бир иши коомчулуктун назарына түшкөн ырчы, алып баруучу Анжелика тизмеде экинчи орунду камсыздайт. Анын 949 миң катталуучусу бар экенин билдик.

1. Самара Каримова 981 миң катталуучусу менен биринчи орунда турат. Эгерде күйөрмандары миллионго жетсе, кыргыз-шоу бизнеси өкүлдөрү арасында рекорд кое алат.

2459
Белгилер:
шоу-бизнес, каттоо, ырчы, Instagram, Анжелика Кайратова, Нурлан Насип, Самара Каримова, Кыргызстан
Тема боюнча
Дүңгүрөгөн тойлор! Салымбековдун уулунан Курсан Асановдун кызына чейин
Отунбаева — Ырыскан, Сатылганова — Күннур. Дагы кайсы белгилүүлөр ысымын чанган?
Өспүрүм бала. Архив

Акыйкатчы институту: Чүйдөгү балдар үйүндө өспүрүм белгисиз жагдайда каза болду

40
Маалыматка караганда, Военно-Антоновкадагы балдар үйүнүн тарбиялануучусу, 6-класстын окуучусу Игорь Якуниндин өлүмү боюнча факт Сокулук райондук милициясы тарабынан 1-июнда катталган.

БИШКЕК, 13-июн. — Sputnik. Военно-Антоновкадагы балдар үйүндө 13 жашар өспүрүм көз жумуп, мындан улам өлкө акыйкатчысы аталган мекеменин жетекчисинин кызматтан четтетилишин талап кылып жатат. Бул тууралуу окуяны өз көзөмөлүнө алган Акыйкатчы институтунан билдиришти.

Маалыматка караганда, Военно-Антоновкадагы балдар үйүнүн тарбиялануучусу, 6-класстын окуучусу Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

"Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. КР Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынын четтетүү тууралуу кат жолдоду", — деп айтылат билдирүүдө.

Акыйкатчы институтунан билдиришкендей, каза болгон өспүрүм буга чейин өзүн асырап алуучулар менен төрт жолу жолуккан.

"Якуниндин трагедияга чейин ден соолугу чың болгону тууралуу медициналык маалым каттар бар. Дагы бир маанилүү нерсе, 2020-жылы февралда КР Акыйкатчы аппаратынын балдарды коргоо бөлүмү балдар мекемелерине, анын ичинде Военно-Антоновкадагы балдар үйүнө да мониторинг жүргүзгөн эле. Жыйынтыгында бир катар сунуштамалар берилген. Бирок алар өз убагында аткарылган эмес. Бул фактылар боюнча да күнөөлүү адамдарды жоопкерчиликке тартуу боюнча иштер жүргүзүлүүдө", — деп айтылат билдирүүдө.

Мекемеден кошумчалашкандай, бул фактыны иликтөө боюнча өкмөттүк комиссия түздүрүү боюнча аракеттер көрүлүп жатат.

Ал эми өлкө президентинин маалымат кызматынан билдиришкендей, аталган окуя боюнча ведомстволор аралык комиссия түзүлүп, маселени Кыргызстандын Балдар укугу боюнча ыйгарым укуктуу өкүлү Жыпариса Рысбекова өз көзөмөлүнө алды. Учурда окуянын чоо-жайы такталып жатат.

40
Белгилер:
иликтөө, Акыйкатчы институту, өлүм, өспүрүм, балдар үйү
Тема боюнча
Айзаданы ала качууга шектүүлөрдүн бири окуянын чоо-жайын айтып берди
New Shepard кемесинде Blue Origin жана Amazon ишканаларынын негиздөөчүсү Жефф Безос. Архив

11 мүнөт үчүн 28 миллион доллар. Безос менен космоско учуучу орун сатылды

38
(жаңыланган 13:31 13.06.2021)
Аукционго катышуу ниетин билдирип дүйнөнүн 159 өлкөсүнөн 7 600 киши катталды. Жеңүүчү аукцион бүткөндөн бир нече апта өткөн соң жарыяланат.

БИШКЕК, 13-июн. — Sputnik. Аты айтылбаган сатып алуучу америкалык Blue Origin компаниясынын New Shepard кемеси менен космоско учуу мүмкүнчүлүгү үчүн 28 миллион доллар төлөдү. Бул тууралуу аталган компанияга таянып "Известия" жазды.

Сатыкка катышуу үчүн 159 өлкөдөн 7 600дөй киши катталган. Аукциондун жеңүүчүсү New Shepard кемесинде Blue Origin жана Amazon ишканаларынын негиздөөчүсү Жефф Безос жана анын агасы Марк менен бирге 20-июлда космоско учат. Асманга учуу болжол менен 11 мүнөткө созулат.

New Shepard Техастагы космодромдон көтөрүлөт.

Капсула экипаждан ажырагандан кийин тигинен конууга туура келет, капсула Жердин бетинен болжол менен 105 чакырым бийиктикке көтөрүлүп, андан кийин парашют менен конот.

Жеңүүчү аукцион бүткөндөн бир нече апта өткөн соң жарыяланары белгиленет. Кийинчерээк төртүнчү жана экипаждын акыркы мүчөсүнүн ысымдары айтылат.

Blue Origin буга чейин New Shepard космос кемесинде пилотсуз режимде 15 ирет тесттик учуулар жасалган. Акыркысы апрель айынын орто ченинде болгон.

38
Белгилер:
АКШ, Жефф Безос, учуу, космос, аукцион
Тема боюнча
Кытай алгачкы жолу Марска космостук аппаратын кондурду

Жети секундда сулата чапты. UFC 263 мелдешинин урунттуу учурларынын видеосу

0
(жаңыланган 14:51 13.06.2021)
13-июнда эртең менен аралаш мушташ боюнча UFC 263 турнири жыйынтыкталды. Мелдеш кызыктуу кармаштар, нокауттар жана реванштар менен коштолду.

Башкы беттеште промоушендин орто салмактагы чемпиону Исраэль Адесанья менен италиялык Марвин Веттори кез келди. Бул турнирде Нейт Диас Леон Эдвардс менен мушташты.

Эң жеңил салмактын чемпиондук наамы үчүн Дейвесон Фигередо менен Брэндон Моренонун реванштык беттеши, аягында Фигередонун атаандашына көрсөткөн урмат-сыйы мелдешке өзүнчө көрк берди.

Экс-чемпион, дивизиондун лидери жеңилип, чемпиондук курду алдырганына карабай атаандашын асманга көкөлөткөнүн UFC Russia өзүнүн Instagram баракчасына чыгарды.

Посмотреть эту публикацию в Instagram

Публикация от UFC Russia (@ufcrussia)

Ал эми америкалык мушкер Терранс Маккини дебюттук таймашында атаандашы Мэтт Фреволду жети секундада эле жыга чапты. Ал мекендешинин ээгине удаасы менен эки кубаттуу сокку урганда ал жерге сулк кулаган. Ийгилигине кубанган мушкер так секирип жатып бутун кокустатып алды. Алып баруучу Маккининин буту тизесинен чыгып кеткенин айтты.

0
Белгилер:
реванш, нокаут, беттешүү, турнир, UFC
Тема боюнча
Баш көтөртпөй... Абдыкааров OPEN FC Гран-при мелдешинин финалына чыккан видео