(4:05 / 27.64Mb / )

Кызматкер "Кыргыз темир жолу" 3 млн. сом кымырганын айтты. Ногойбаев эмне дейт

1137
(жаңыланган 16:27 30.08.2018)
"Кыргыз темир жолу" ишканасынын кызматкери Алия Асанбаева мекеменин ичинде коррупциялык иштер бар экенин айтып президент Сооронбай Жээнбековго кайрылды.

Асанбаева 2007-жылдан бери алыскы каттамга чыккан коштоочу болуп иштейт. Анын айтымында, поезддин начальниги адамдарды билети жок салып кетип, мунун айынан төрт айда мамлекет 3 миллион сом зыян тарткан.

"Кайрылуум чыккандан кийин жетекчилик эмгек жамаатты чогултуп мага каршы кол топтой баштады. Поезд башчысы Эркинай Жыргалбекова билети жок адамдарды, жолдон мигранттарды алат. Төрт айда эле 2000ден ашуун адам билети жок кеткен. Мындан мамлекет үч миллионго жакын зыян тартууда. Эгер каршы болсоң поезд башчысы коркутууга өтөт. Мисалы мени бригададан чыгарып салышты. Мага окшоп каршы чыккан дагы төрт адам бар. Башкалары кызматымдан айрылам деп коркуп унчукпай жатышат. Кийин поезд башчысы маалымат жыйын өткөрүп, мени баңгизат ташыйт деп айыптоого өттү", — деди Асанбаева.

Ошондой эле ал бул боюнча ишкана директоруна, профсоюздун башчысына, Транспорт жана жолдор министрлигинин орун басары Азимкан Жусубалиевге кайрылып, жыйынтык чыкпаганын кошумчалайт.

Сотрудница госпредприятия Кыргыз темир жолу Алия Асанбаева
© Фото / предоставлено Алией Асанбаевой
"Кыргыз темир жолу" ишканасынын кызматкери Алия Асанбаева

Ал эми "Кыргыз темир жолу" ишканасынын башкы директору Алмазбек Ногойбаев бул иш боюнча учурда прокуратура, Финансы полициясы жана Транспорт министрлиги иликтеп жатканын билдирди. Бирок ал Асанованын айткандары суу кечпейт деген пикирди карманууда.

"Аларды куугунтуктап кимге кереги бар. Тескерисинче тийбегиле, катуу айтпагыла деп жатам. Мага келишкенде тиешелүү тараптарга тапшырма бердим. Унчукпай отуруп калган жокпуз, териштирип чыктык. Жөн эле айта бербей көргөзсүн. Бизде 5000 адам иштейт, анын 650сү коштоочулар. Алардын 99 пайызы алтын адамдар. Беш-алты киши эмгек жамааттын атынан сүйлөп чыкканы болбойт да. Кесиптештери менен кеңешип анан айтса бир жөн. Бизди Казакстан, Россия карап турат. Күлкүгө калбайлы", — деди Ногойбаев.

Ушул эле ишкананын Жүргүнчүлөрдү ташуу башкармалыгынын жетекчиси Эсенбек Ибраимов ички иликтөөнүн жыйынтыгында эч кандай кынтык табылбаганын айтат.

"Учурда комиссия иштеп, материалдардын көбү укук коргоо органдарында. Алия Асанбаева май айында поезд башчысынын үстүнөн арызданып кайрылган. Каттамга чыкканда эң негизги документ делип журнал берилет. Ага кайсы жерде текшерүү болуп, билети бар-жогун, жүгү канча экенин Кыргызстандын, Казакстандын, Россиянын текшерүүчүлөрү кароодон өткөрүп жазат. Андан эч нерсе табылган жок. Эң негизгиси документ таза болсо, кантип бир адамдын айтуусу боюнча чара колдонобуз. Аны изилдеш керек, дагы эле иликтөө жүрүп жатат", — деди Ибраимов.

Мындан сырткары, ал Чек ара кызматы берген маалымат так болбой, күмөн жаратып жатканын белгилеп өттү.

"Бизден билет алгандар менен чек арачылардын компьютерине түшкөн тизмеде айырма чыгып жатат. Анда билети жок өткөндөр аныкталат. Бирок, ошол эле учурда билети барлардын аты чыкпай калууда. Бизге маалыматты так бере албай коюшту. Ушул нерсе күмөн жаратууда. Анан Казакстан менен Россиянын чек арачыларына кат жолдосок алар кылмыш иши козголгон адамдын гана маалыматын бере алат экен", — деди ал.

Сөзүнүн соңунда Ибраимов коррупция боюнча кайрылуу жасаган Алия Асанбаеванын максаты коррупцияны ачыктоо эмес, поезд башчысы Эркинай Жыргалбеков менен пикир келишпестиги болушу мүмкүн деген оюн айтты.

Транспорт жана жолдор министрлигинин алдындагы Автомобиль жана темир жол транспорт башкармалыгы бул боюнча 24-августта комиссия түзүлүп иликтеп жатканын билдирди.

Эске сала кетсек, буга чейин Мамлекеттик экотехинспекциянын маалымат катчысы Анара Мамбеталиева өзүнүн Facebook баракчасы аркылуу президент Сооронбай Жээнбековго кайрылып, мекеменин бир катар кызматкерлерин коррупцияга айыптаган. Бул кайрылуу өлкө башчынын көңүлүн бурган.

1137
Белгилер:
поезд, коррупция, Кыргыз темир жолу, Алмазбек Ногойбаев, Алия Асанбаева
Тема боюнча
Мамэкотехинспекция коррупцияга каршы чыккан кызматкерин иштен айдадыбы?
Урматтуу президент, өмүрүм коркунучта! Экотехинспекциянын өкүлү агынан жарылды
Жээнбеков Экотехинспекциянын маалымат катчысынын кайрылуусуна көңүлүн бурду
Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

Кыргыз тарап Россияга "Спутник V" вакцинасын өлкө аймагында өндүрүүнү сунуштады

84
(жаңыланган 22:31 23.01.2021)
КРдин Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

БИШКЕК, 23-янв. — Sputnik. Кыргызстан Россияга коронавируска каршы "Спутник V" вакцинасын өлкө аймагында өндүрүүнү сунуш кылды. Бул тууралуу РФтеги элчилик кабарлады.

Кечээ Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

"Сүйлөшүүлөрдүн жүрүшүндө Сагынбаев коронавирустан коргогон "Спутник V" вакцинасын Кыргызстандын аймагында өндүрүүнү уюштуруу мүмкүнчүлүгүн караштырууну сунуштады", — деп айтылат маалыматта.

Мындан тышкары, жеңил өнөр жай ишканаларын өнүктүрүүдө жана өлкөдө өндүрүлгөн чийки заттарды экспорттоодо кызматташтыкты чыңдоо маселелери талкууланган. Тараптар жакынкы жылдары "өнөр жай картасын" иштеп чыгуу келишимине кол коюшкан.

Россия тарап өнөр жай тармагында инвестициялык долбоорлорду ишке ашыруу үчүн Россия-Кыргыз өнүктүрүү фондунун жеңилдетилген насыяларын пайдаланууну сунуштаган.

Мындан сырткары, Россиянын өнөр жай жана соода министри кыргыз тарапты апрель айында Өзбекстанда өтө турган "ИННОПРОМ" эл аралык көргөзмөсүнө катышууга чакырган.

84
Белгилер:
жолугушуу, сунуш, өндүрүүчү, вакцина, коронавирус, Спутник V, Россия, Кыргызстан
Тема:
"Спутник V" вакцинасы
Тема боюнча
"ЭпиВакКоронадан" эмне күтүүгө болот? COVID-19га каршы вакцина тууралуу кеп
Венгрия Россиядан 2 миллион доза "Спутник V" вакцинасын алып жатат. Видео
Карды тартып аткан адамдар. Архивдик сүрөт

Жекшембиге карата аба ырайы

60
24-январга караган түнү туруксуз аба ырайы күтүлүп, көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүү коркунучу бар. Бул тууралуу Кыргызгидромет билдирди.

БИШКЕК, 23-янв. — Sputnik. Жекшембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас, Ысык-Көл облустарында -1…-6, Ош, Жалал-Абад, Баткен аймактарында -4…+1, Нарын өрөөнүндө -7…-12 градусту көрсөтөт.

Бишкекте жана Ошто кар жаайт. Термометрдин көрсөткүчү борбордо -2…-4, Ош шаарында 0…-2 градуска жетет.

60
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди
Санкт-Петербургдагы макулдашылбаган акциялар

Россиядагы макулдашылбаган акциялардын урунттуу учурлары

0
(жаңыланган 23:14 23.01.2021)
Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен.

БИШКЕК, 23-янв. — Sputnik. Россиянын айрым шаарларында макулдашылбаган каршылык акциялары болуп өттү. Төмөндө окуянын урунттуу учурларын сунуштайбыз.

РИА Новости кабарлаганына караганда, Москвадагы Пушкинский аянтына чыккан митингчилер полицияны көздөй желим бөтөлкөлөрдү ыргытышкан. Укук коргоочулар аларды сүрүп чыгарууга аракет жасашты. Митингчилер ак сыр куюлган банканы ыргытып, ал тартип сакчыларына барып тийген.

Саламаттык сактоо департаменти "Социалдык мониторинг" тиркемесиндеги маалымат боюнча Пушкинский аянтындагы акцияда COVID-19 жуктурган 19 адам жүргөнүн кабарлаган.

Москвадагы макулдашылбаган акциянын айынан жол тыгын жаралганын Транспорт департаменти билдирди. Шаардык метрополитен митинг болуп жаткан аймактан 2,6 миң адам метро менен кеткенин кабарлаган. Аянттан 15 киши кармалып, кээ бирлери кайра коё берилген.

Москвадагы макулдашылбаган митинг учурунда полициянын 39 кызматкери жабыркаганын РИА Новостиге укук коргоо органдарындагы маалымат булагы билдирди. Кийинчерээк РФтин Тергөө комитети полицейлерге карата зомбулук фактысы боюнча тергөөгө чейинки текшерүүлөр жүрүп жатканын маалымдады

Екатеринбургда болсо полиция кызматкерлери үн күчөткүчтөр менен акция макулдашылбаганын эскертип, элди тарап кетүүгө чакырышкан. Бирок топтошкон адамдар тартип сакчыларын көздөй кар жана түтүн чыгарган каражаттарды ыргыта баштаганда аларды сүрүп чыгарууга аракет жасашты. Кийин 14 киши кармалганы маалым болду.

Иркутскиде болсо 2,5 миңге жакын адам макулдашылбаган акцияга чыкканын шаардык администрациядан билдиришкен.

Владивостокто бийлик өкүлүнө карата зомбулук көрсөтүү фактысы боюнча эки кылмыш иши козголду. Ыкчам-издөө аракеттеринин негизинде ОМОНдун кызматкерине күч колдонгон адам табылган. Ал 28 жаштагы Владивостоктун жашоочусу экени аныкталды.

Мурманскинин борбордук аянтындагы макулдашылбаган акцияга 550гө жакын адам чыккан. Алар бир аз туруп эле тынч тарап кеткен.

АКШ элчилигинин маалыматы жана Россия ТИМинин реакциясы

Жума күнү АКШнын Россиядагы элчилиги 23-январда өтө турган макулдашылбаган акциялардын убактысын жана даректеринин тизмесин жарыялап, америкалыктарды ал жактарга барбоого чакырган. РФтин Тышкы иштер мининстрлиги мындай аракеттер Россиянын ички ишине кийлигишүү катары бааланарын айтты.

РФ ТИМинин өкүлү Мария Захарова америкалык кесиптештери Смоленск аянтында (Анда Россия ТИМинин имараты жайгашкан) жасаган ишине түшүндүрмө бериши керек болорун белгиледи.

Бийликтин эскертүүсү

Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен. Иш-чара провокация катары бааланары белгиленген. Муну менен катар Башкы прокуратура интернетке тарап жаткан митингге катышуу чакырыктарын өчүрүү талабын койду (буга мыйзам менен дагы тыюу салынган). РФ президентинин маалымат катчысы Дмитрий Песков акцияга провокаторлор чакырып жатканын билдирип, алардын максаты баарына белгилүү экенин белгиледи.

Өзгөчө көңүл окуучуларга бөлүндү. Ата-энелерге балдарын акциядан "калкалоо" сунушталды.

0
Белгилер:
полиция, бийлик, акция, Россия
Тема боюнча
Москвада полиция макулдашылбаган акцияга чыккандарды кармай баштады
Токсиколог Александр Сабаев: Навальныйдын ууланганы такталган жок