Жолдогу автоунаалар. Архив

ИИМ арабча жазуусу бар кара желек таккан унаа тууралуу

148
(жаңыланган 23:12 28.08.2018)
Видео Facеbook тармагына жарыяланган, айрымдар бул "Ислам мамлекетинин" символикасы деген аныктама берген.

БИШКЕК, 28-авг. — Sputnik. Кара желекте автоборборунун белгиси эмес чынында эле арабча жазуу жазылып турган. Бул тууралуу Ички иштер министрлигинин маалымат кызматы билдирди.

Эскерте кетсек, буга чейин Facebook тармагына Александровка айылында жолдо бараткан Toyota Wish унаасынын айдоочусу бир колуна араб жазуусу түшүрүлгөн кара желек кармап бара жаткан видео чыккан. Айрым колдонуучулар желекте "Ислам мамлекетинин" символикасы деген божомол айтышкан.

Андан кийин Улуттук коопсуздук боюнча мамлекеттик комитеттин маалымат кызматы желекте араб жазуусу эмес, борбор калаадагы унаа борборлорунун биринин символу жайгаштырылганын билдирген. Мекеменин айтымында, унаа Бишкектен Беловодское айылындагы балдардын психоневрологиялык үй-интернатына кайрымдуулук акциясын өткөрүү үчүн бара жаткан.

Муфтияттан желекте "Аллах" деген сөз жазылганы тастыкталган.

Ал эми ИИМдин маалымат кызматы өз версиясын жар салды.

"Аталган унаанын айдоочусу аныкталды. Э.Т. аттуу жаран араб жазуусу түшүрүлгөн жашыл түстүү желек классташынын өтүнүчү менен үлпөт тойдо пайдаланылган. Бул этникалык азчылыктын улуттук атрибуту катары колдонулганы белгилүү болду. Видео Лебединовка айылынан тартылган", — деп айтылат билдирүүдө.

Мындан тышкары, желектеги жазуунун мааниси эл аралык террордук жана экстремисттик уюмдардын символикасына же атрибутикасына эч кандай тиешеси жок экени аныкталган.

148
Тема боюнча
"Ислам мамлекетинин" желегин таккан унаа Александровка айылында жүрдүбү? Видео
Бишкек санитардык полигону муниципалдык ишканасынын директору Адил Назаров

Назаров: Бишкектин таштандысынан айына 30 млн. сом пайда тапса болот

9
"Бишкек санитардык полигону" муниципалдык ишканасынын директору Адил Назаров борбор калаадан күнүнө 300 тонна тамак-аштын калдыгы чыга турганын белгиледи.

Бишкек шаарынын таштандысынан айына 30 миллион сом киреше тапса болот. Бул тууралуу Адил Назаров Sputnik Кыргызстан радиосунда маек куруп жатып билдирди.

Назаров: Бишкектин таштандысынан айына 30 млн. сом пайда тапса болот

Анын айтымында, таштандыдан пайда табуу жолдору дүйнөдө эбак эле жолго салынган.

"Бишкек шаарынан күнүнө 300 тоннадан тамак-аш калдыгы чыгат. Өткөндө Кумтөргө барып келдим. Ал жакта бир тонна тамак-аш калдыгын кайра иштетип, эки суткада органикалык жер семирткич жасашат экен. Натыйжалуулугу жөнөкөй кыктан 3-4 эсе жогору болот. Учурда дүйнө жүзүндө органикалык жер-жемиш, жашылчаларга талап күч. Баасы дагы салыштырмалуу кыйла жогору. Өлкөдө кожогат (малина), кулпунай жакшы өсөт. Ыргытылган тамак-аш калдыктарын кайра иштетип, органикалык жер семирткич даярдалса, дыйкандардын пайдасы өсүп, экспортту көбөйтүүгө мүмкүндүк түзүлмөк. Андан тышкары, бул иш колго алынса полигондон метан чыгып күйбөй калат. Натыйжада экологияга тийгизген терс таасири азаят. Буга утурлай эле пластик, металл, кагазды иштетүү менен айына шаар бюджетине 30 миллион сомдой пайда келтирсе болот. Учурда мунун баарын ар кайсы компаниялар тоноп жатат", — деди Назаров.

Ал чырпыктарды, жалбырактарды полигонго таштабастан майдалап жерге табигый азык катары сээп койсо боло турганын кошумчалады.

9
Белгилер:
кайра иштетүү, полигон, таштанды
Тема боюнча
Бишкектин таштанды жайын рекультивациялоо иши кайра токтоп калды
Кыргыз дыйканчылык илим-изилдөө институтунун өсүмдүктөрдүн генетикалык ресурстары бөлүмүнүн башчысы Биржан Усубалиев

Усубалиев: биотүрдүүлүк боюнча Кыргызстан бай өлкөлөрдүн катарында

11
Кыргыз дыйканчылык илим-изилдөө институтунун өсүмдүктөрдүн генетикалык ресурстары бөлүмүнүн башчысы Биржан Усубалиев Кыргызстан биотүрдүүлүк боюнча бай өлкөлөрдүн катарында турарын айтты.

Борбордук Азияда уникалдуу шарты бар өлкө катары үлгү көрсөтүүбүз керек. Мындай пикирин Биржан Усубалиев Sputnik Кыргызстан радиосунун эфиринде маек куруп жатып билдирди.

Усубалиев: биотүрдүүлүк боюнча Кыргызстан бай өлкөлөрдүн катарында

Анын айтымында, климаттын өзгөрүшүнүн натыйжасында биологиялык ар түрдүүлүктүн бардык деңгээлинде терс таасирлер күтүлүшү мүмкүн.

"Климаттын өзгөрүшү бардык тармактарга таасирин тийгизүүдө. Мисалы, айыл чарба индустриясында, тамак-аш коопсуздугунда орчундуу көйгөйлөр жаралып жатат. Акыркы маалыматтарды карасак, 1900-жылдардан 2000-жылдарга чейин дүйнөлүк деңгээлде абанын температурасы 1,5 пайызга чейин көтөрүлдү деп айтылууда. Демек, ага карата чара колдонуу керек. Кыргызстан Борбор Азияда уникалдуу өлкөлөрдүн катарында турганы менен акыбалыбыз жакшы эмес. Айыл чарбасында суунун жетишпестиги, таза суу тартыштыгы сыяктуу көйгөйлөр бар. Биз сыймыктанып айткан мөңгүлөрүбүз корголбой келет. Казылып кеткен жерлердеги өсүмдүктөрдү калыбына келтирип, ордун толуктоо иши турат. Анүчүн өсүмдүктөрдүн генетикалык банкын түзүү керек. Ал жердеги зыяндуу химиялык заттардын чыгышы, суунун булганышы сыяктуу маселелер өзүбүздүн келечегибизге кайдыгер мамиле жасаарыбыздан кабар берип турат. Кыргызстан биотүрдүүлүк боюнча бай өлкөлөрдүн катарында. Андыктан бул тармакка көңүл бурулушу зарыл", — деди Усубалиев.

Ошондой эле адис мөңгүлөр суунун баштапкы ресурсу болгондуктан аны коргоп, кийинки муунга татыктуу өткөрүп берүү керектигин кошумчалады.

11
Белгилер:
Мөңгү, жаратылыш, экология
Тема боюнча
Эколог Ысык-Көлдү сактап калуунун жолун көрсөттү
Сууга түшкөн киши. Архивдик сүрөт

Жалал-Абаддын аймагында сууга чөккөн үч киши изделип, биринин сөөгү табылды

0
(жаңыланган 11:03 14.06.2021)
Сууга түшүп кеткендердин бири 11 жаштагы бала. Ал тоого мал айдап бара жатканда минген аты көпүрөдөн үркүп кетип, аны менен кошо сууга кулаган.

БИШКЕК, 14-июн. — Sputnik. Жалал-Абаддын Аксы жана Базар-Коргон райондорунда сууга чөгүп кеткен үч киши изделип, биринин сөөгү табылды. Бул тууралуу ӨКМдин маалымат кызматы кабарлады.

Ага ылайык, кечээ, 13-июнь күнү, Базар-Коргондун Акман айылындагы Кайырма көлүнө 23 жаштагы эркек киши чөгүп кеткен. Жерине издөө иштерин жүргүзүү үчүн 20 куткаруучу, сегиз милиция кызматкери жана жергиликтүү тургундар тартылган. Бүгүн иштер уланууда.

Мурдагы күнү, 12-июнда, Аксынын Кызыл-Туу айыл аймагындагы Туюк-Көл көлүнө 29 жаштагы киши чөгүп кеткен. Аны издөөгө кечээ сегиз куткаруучу, эки милиционер, төрт тургун жана Сары-Челек коругунан 12 кызматкер тартылып, саат 16:00дө маркумдун сөөгүн табышкан.

Ал эми 24-май күнү Аксы районунун Кара-Суу айыл аймагынын Желе-Терек тилкесинде жайлоого мал айдап бара жаткан 11 жаштагы баланын аты үркүп кетип, аны кошо менен мал өтүүчү көпүрөдөн сууга кулаган. Ошондон берки издөө иштери натыйжа бере элек.

0
Белгилер:
өлүм, сууга чөгүү, көлмө, суу, Базар-Коргон, Аксы, Жалал-Абад
Тема боюнча
Балыкчыда казакстандык киши көлгө чөксө, Баткенде аял каналга түшүп кетти