Кулак мурун текшерүү. Архивдик сүрөт

Күз келип, кулак-мурун оорулары күч алды. Дарттын алдын алуу жолдору

1154
(жаңыланган 09:21 12.09.2018)
Дарыгерлер мезгил алмашканда ар кандай оорулар козголорун айтып келишет. Айрыкча туруксуз аба ырайынан улам жарандар кулак-мурун дартына чалдыгып, ага көп маани бере бербейт. Жыйынтыгында бейтаптардын саны өсүүдө.

Улуттук госпиталдын кулак-мурун оорулары боюнча дарыгерлери Бактыгүл Каримова жана Калыс Бакиева редакциябызга келип, күз мезгилинде күч алган кулак-мурун оорулары жана бул илдеттин алдын алуу жолдорун айтып берди.

— Кулак-мурун оорулары эмнеден улам пайда болот?

Врач-oториноларинголог национального госпиталя Калыс Бакиева
© Sputnik / Асель Акматалиева
Улуттук госпиталдын кулак-мурун оорулары боюнча дарыгери Калыс Бакиева
Калыс Бакиева: — Бул илдет аба өтө ысып же тескерисинче өтө муздап кеткен учурда күч алат. Учурда жай мезгили бүтүп, күз мезгили башталгандыктан кулак-мурун оорулары менен ооруган адамдардын саны өсө баштады. Мындан улам бизге аллергия, тамак, кулактын өнөкөт оорулары менен кайрылгандар арбып баратат.

Бактыгүл Каримова: — Бүгүнкү күндө кичинекей балдар көп ооруйт. Ата-энелер балдарын кандай кийинтүүнү билбейт. Эртең менен жылуу кийинтсе, күн түштө ысып кетет. Жука кийинтип койсо, баласы шамалдап калат. Ошондуктан ата-энелерди балдарын аба ырайына жараша кийинтүүгө чакырабыз. Мезгил алмашканда иммунитет да алсырай түшөт. Мындай учурда оорунун организмде пайда болуу пайызы жогорулайт. Андыктан жаш балдарга витаминге бай азыктарды, жемиштерди көп жедирүү керек. Бала бакчанын тамагы витамин менен толук камсыздай албайт. Күн суук боло баштаганда ымыркайлардын мурду агып баштайт. Бул учурда дароо дары берип, убагында дарылап калуу керек.

— Илдеттин алдын алууга болобу?

Врач ЛОР национального госпиталя Бактыгуль Каримова во время беседы
© Sputnik / Асель Акматалиева
Улуттук госпиталдын кулак-мурун оорулары боюнча дарыгери Бактыгүл Каримова
Б.К: — Температура көтөрүлүп, же өзүн начар сезип баштаганда лимон, апельсин, малина кошуп чай ичиш керек. Бейтаптардын басымдуу бөлүгү иштен калбайын деп, оорусуна карабай жумушка чыгып кетет. Бул туура эмес. Көпчүлүк дарыгерге оорусу өтүшүп кеткен учурда кайрылат. Негизи оорунун баштапкы белгилери пайда болгон учурда бизге келсе, дарылоо жеңилирээк болот.

— Дарылоо этаптары кандай жүргүзүлөт?

К.Б: — Бул оорунун деңгээлине жараша болот. Албетте, баштапкы этаптарда дарылоо жеңил. Эгер кулак-мурун оорулары вирустук абал менен башталса башында жөнөкөй дарылар берилет. Катаалдашып кеткен убакта антибиотик кошобуз. Эгер андан да татаалдашып кетсе күчтүү деген дары-дармектер менен дарылоого туура келет.

— Өз алдынча дарыланууга мүмкүнбү?

К.Б: — Азыркы убакта, тилекке каршы, интернет аркылуу дарылангандар көбөйдү. Ал жакта жалпы маалымат жазылгандыктан, айыгып кетүүгө кепилдик жок. Бул илдетке чалдыккан ар бир жаран врачка жеке кайрылып, кеңеш алуусу керек. Анткени ар бир адамдын организми ар кандай болот. Бири-бирине такыр окшобогондуктан, жеке доктурга көрүнүү талап кылынат. Интернет аркылуу дарыланам деп, ооруну ого бетер күч алдырып жиберүү мүмкүн. Эскерте кетели, кулак-мурун оорулары аба аркылуу да жугуп, өзгөчө жаш балдар менен кош бойлуу аялдар үчүн кооптуу. Ошол үчүн бет кап кийүү шарт.

Б.К: — Бет капты ар эки саат сайын аны алмаштырып туруу керек. Эгер убагында алмаштырылбаса микробдор ошол эле жерде калып, айыгуу мүмкүнчүлүгү азайып, чүчкүргөн сайын кайра толо берет.

— Маршруткада өзгөчө эртең менен жана кечки убакта жүргүнчүлөр көп болот эмеспи. Мындай учурда бир адамдын чүчкүрүүсү жанындагы адамдарга оору жуктурабы?

Б.К: — Албетте, маршрутканын ичинде 10-15 адам болгон учурда бир адам чүчкүрсө калган 10 адамга жугушу мүмкүн. Бирок бул ошол жердеги бардык жүргүнчүлөр ооруп калат дегедик эмес. Эгер иммунитет күчтүү болсо, көбүрөөк витамин жеп, көп суу ичип эрежелерди сактаса оору жукпайт.

— Кайсы витаминдерди жеш керек?

К.Б: — Биздин өлкө витаминдерге бай. Өз убагы менен тамактанса оорулардын алдын алса болот. Комплекстүү витаминдерди жегенге чакырабыз. Лимонду чайга кошуп ичүүнү сунуштайбыз. Анын курамында С витамини бар. Ошондой эле бүлдүркөндүн кыямы да адам организми үчүн абдан пайдалуу.

1154
Белгилер:
кулак, мурун, оору, медицина
Тема боюнча
Монолов: орган алмаштырууга дарыгерлер даяр, эми саясий эрк керек
Казакстандык эркек кишиге дарыгерлер кош бойлуу деген диагноз коюшту
Баласын тирүү алып калганым үчүн жек көрүшөт. Бишкектик педиатрдын маеги
Аял коопсуз бет капчан ноутбукта иштеп жатат. Иллюстративдик сүрөт

25 жыл "аралыктан" иштеген киши кантип өзгөрөт. Ойго салган сүрөт

2
(жаңыланган 09:02 07.07.2020)
Адистер аралыктан иштөө кишинин организмине кандай таасирин тийгизерин иликтеп чыгып, аны кызматкер кыздын сүрөтүнүн мисалында көрсөтүп берген.

БИШКЕК, 7-июл. — Sputnik. Британиялык Directly Apply фирмасы 25 жыл бою аралыктан иштеген жаш жигиттин моделин жасап чыкты. Алардын колунан чыккан сүрөт көптөрдү таңгалдырып, ал тургай көңүл оорутканын Fox News баяндаган.

Адистер аралыкта иштөөнүн адамдын организмине тийгизген таасирин иликтеп чыгып, аны кызматкер кыздын мисалында көрсөткөн.

Моделге авторлор Сьюзен деп ат коюшкан. Моделди түзүүгө компанияга клиникалык психологдор менен фитнес-эксперттер жардам берген.

Аралыктан иштеген кызматкер тушуккан биринчи көйгөйдү эксперттер компьютерге байланыштырган, бул көзгө күч келгенде жаралган жагымсыз жагдай. Ал көздү кургатып, кээ бир учурларда тамырчалардын жарылышына алып келет. Бул акырындап отуруп көрүүнү начарлатат.

Кеңсенин доору бүттүбү? Кыргызстандыктар аралыктан иштөөгө кандай карайт

Көпкө чейин дене тарбия көнүгүүлөрүнүн жасалбай калышы, экранга тигилип отура берүү моюндун гипертрофияланган оорусуна, желке тараптын, ийиндин акырындап жооноюп кетишине алып келет. Бул күн санап көбөйө берүүчү көрүнүш.

Ашыкчы кыймыл кылбай кечке отуруу, тамакты жөндөп ичпегендик жана дене тарбия көнүгүүлөрүнүн жоктугу организмге ашыкча майды топтойт.

Аралыктан иштөө адамдар байкабаган нерселерди да жаратышы мүмкүн. Адамдын манжаларын клавиатурада көп иштеп отуруп кокустатып алышына, D витаминдин жоктугунан чачтардын түшө башташына жана көздүн алдындагы шишиктердин пайда болушуна алып келери айтылган.

Кечке чейин отуруп иштегендерди 20 жылдан соң эмне күтөт? Үрөй учурган видео

Башкалар менен көп сүйлөшпөө жана иштен улам компьютерден көз албай отуруу организмде стресс гормондорунун көбөйтүп жиберет. Бул кандын басымына таасирин тийгизип, ден соолукту аксатат.

Эксперттер иште денени түз кармап отурууга, мезгил-мезгили менен ордунан туруп, ары-бери басууга кеңеш берген. Андан сырткары иш столунда компьютердин, клавиатуранын, экрандын туура жайгашуусу да маанилүү экендиги айтылган. Майда делгени менен булар иш процессинде кадимкидей эле таасирин тийгизет деп кошумчалашкан.

2
Белгилер:
кесепет, организм, изилдөө, дистанттык иштөө
Тема боюнча
Түндө телефонду көп тиктесе кесепети кандай болот? Офтальмолог Мамытова менен маек
Медайым эмдөө шприцти даярдап жатат. Архив

Дарыгер көк боорун алдыргандар үчүн керектүү деген кеңештерин айтты

24
(жаңыланган 08:32 07.07.2020)
Дарыгер Мясников көк боору жокторго тамактын бардык түрүн жей берсе болорун түшүндүрүп, дагы бир маанилүү учурду унутпоого чакырган.

БИШКЕК, 7-июл. — Sputnik. Көк боорун алдыргандар кандай тамактанып жана эмдөөнүн кайсы түрүн сөзсүз алышы керектигин дарыгер жана теле алып баруучу Александр Мясников түшүндүрүп берди. Бул туурасында "Россия 1" телеканалында айтылды.

Белгилүү докторго автокырсыктан көк боорун алдырып салгандар кандай эрежелерди кармап жашашы керек деген суроо түшкөн.

Мясников тамактын бардык түрүн жей берсе болорун түшүндүрүп, дагы бир маанилүү учурду унутпоого чакырган.

Эмдөөнүн эч бир түрү аутизмге алып келбейт. Вакцинация тууралуу адистин маеги

Адис көк боору жоктор пневмококк менен менингококко (өпкөнү жана мээ, жүлүн челдерин сезгендирүүчү микробдор) каршы сөзсүз түрдө эмдөө алышы керектигин баса белгилеген.

"Эгерде бул эмдөөлөрдү жасатпаса, көк боору жок жүргөн кишилердин өмүрү коркунучта калганы калган. Себеби аталган эки бактерия организмдин ичинен көк боорго түшкөндө гана өлөт. Ал эми аталган органы жок адамдардын ден соолугуна, албетте, бул кооптуулук жаратат", — деген ал.

Мясников бул жалпы дүйнөлүк практика экендигине токтолгон. Өзү жетектеген Москва шаарындагы №71 клиникада көк боорун алдыргандарга дарыгерлер муну дайым эскертип турарын айткан. Эгерде мындай маанилүү учурду ак халатчандар көңүл сыртында калтырса, бул алардын чоң кемчилиги деп кошумчалаган.

24
Белгилер:
эмдөө, кеңеш, боор, Россия
Тема боюнча
Эмдөөнүн эч бир түрү аутизмге алып келбейт. Вакцинация тууралуу адистин маеги
40%ы дары ичкен жок. Башкы пульмонолог коронавирустан дарылоо жолун айтты