БИШКЕК, 12-сен. — Sputnik. Бишкек ШИИБи туристтик милициянын курамында инспектор болуп иштей турчуларды издеп жатат. Бул тууралуу Бишкек милициясынын маалымат кызматынан кабарлашты.
Талапкерге бир нече талап коюлган:
— жогорку билим;
— курагы 35 жашка чейин;
— талапкерлер жана анын жакын туугандары мурда соттолбошу керек;
— аялдардын бою 168, эркектердики 170 сантиметрден жогору;
— чет тил билиши шарт (англис тилине артыкчылык берилет);
— аскердик билет.
Кошумча маалымат алуу үчүн Бишкек ШИИБинин кадрлар бөлүмүнө Васильев шоссеси, №1 дареги же (0312) 34-54-98, (0703) 93-11-53, (0707) 90-77-11 телефондору аркылуу кайрылууга болот.
Туристтик милиция өлкөдөгү туристтик аймактарда иш алып барат. Аталган бөлүмдү ушул жылдын аягына чейин элге тааныштыруу пландалып жатат.
