Жогоку Кеңештин жалпы жыйынында тышкы иштер министри Эрлан Абдылдаев. Архивное фото

Абдылдаев: Кытайдын визасын алуу ишкерлер үчүн оор бойдон калууда

153
(жаңыланган 22:26 12.09.2018)
Министр учурда ишкерлер менен жүк ташуучуларга виза берүү маселесин берүү чечилип жатканын айтты.

БИШКЕК, 12-сен. — Sputnik. Жогоку Кеңештин жалпы жыйынында тышкы иштер министри Эрлан Абдылдаев Кытай тараптын виза берүү маселеси тууралуу депутаттардын суроолоруна жооп берип жатып, быйыл бул боюнча студенттер үчүн эч кандай маселе жаралбаганын айтты.

Абдылдаев ошондой эле учурда ишкерлер менен жүк ташуучуларга виза берүүнү жеңилдетүү боюнча сүйлөшүүлөр жүрүп жатканын белгиледи.

"Ишкерлер менен жүк ташуучуларга виза берүүдө маселе бар. Негизги сүйлөшүүлөрдү жүргүзүп бүттүк, азыр ички процедураны иштеп чыккандан кийин бул маселе чечилет деп ойлойбуз", — деди ал.

Эл өкүлү Эмил Токтошев эки жылдан бери Кыргызстан жарандарынын виза алуу маселесин чече албай Тышкы иштер министрлиги чабал иштеп жатканын айтты.

Өз кезегинде Абдылдаев виза берүү маселеси Кытай тараптын түзмө-түз саясаты, көз карашы экенин белгиледи. Андан сырткары, виза берүү маселесин бир гана Кыргызстанга карата катуулатпаганын, мындай чара башка мамлекеттерге дагы киргизилгенин маалымдады.

Бирок депутат Алмазбек Эргешов Белоруссия менен Арменияда виза алууда маселе жок экенин айтты.

Эске салсак, 2016-жылы Кытайдын Кыргызстандагы элчилигинде болгон жардыруудан кийин виза берүү маселеси кыйындап, студенттерден тарта ишкерлерге чейин убара болушкан.

153
Белгилер:
Кыргызстан, Кытай, виза
Стаканга суу алып жаткан адам. Архив

Диетолог суу тууралуу мифтерди жокко чыгарды

10
Дарыгер суу тууралуу азыр айтылып жүргөн айрым нерселерди жокко чыгарып, анын себептерин түшүндүрдү.

БИШКЕК, 1-авг. — Sputnik. Учурда суу жана анын адамдын организмине тийгизген таасири тууралуу айтылып жаткан нерселердин көпчүлүгү жөн гана миф. Бул тууралуу "Прайм" агенттигиндеги маегинде эндокринолог, диетолог Ульяна Румянцева айткан.

"Мисалы, бир күндө 2 литр суунун өзүн ичиш керек деп айтылып жүрөт. Бул туура эмес, ар кайсы организм уникалдуу, баарына 2 литр суу керек деген түшүнүк жок. Экинчиден, сөз болуп жаткан көлөм бир гана суудан турушу керектигин дагы эч ким далилдеген эмес. Ага чай, кофе, шире, шорпо кошула берет. Болгону алкоголь ичимдиги менен газдалган суусундуктарды эсептебеш керек", — деди дарыгер.

Адис логикалык жактан ойлонуп көргөндө деле элдин баарына 2 литрден суу ичүү системасы туура келбесин белгилейт. Таргыраак айтканда, эркектин организми аялдыкына караганда сууну көбүрөөк  талап кылат.

Ал эми толук адамдар учурдагы салмагына эмес, жашына жана боюна жараша идеалдуу деп эсептелген салмакка ченеп ичиши керек.

"Адам ооруп турган учурда, инфекция жуктуруп, дене табы көтөрүлгөндө болушунча көбүрөөк суу ичкени жакшы. Башка ооруларга чалдыккан учурларда ашыкча суу терс таасирин тийгизип коюшу мүмкүн", — деди диетолог.

Сөзүнүн аягында адис бардыгы индивидуалдуу экенин кошумчалады.

10
Белгилер:
суу, дарыгер, миф, ден соолук, адам, норма
Тема боюнча
Канадада жасалма уруктандыруу үчүн өз уругун пайдаланып жүргөн дарыгер кармалды
Вакцина алып жаткан адамдар. Архив

Кыргызстанда бир суткада 17 миңден ашык адам вакцина алды

10
(жаңыланган 13:41 01.08.2021)
Жалпысынан өлкөдө 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы маалым болду.

БИШКЕК, 1-авг. — Sputnik. Кыргызстанда бир суткада 17 194 адам эмделди. Бул тууралуу Республикалык штаб кабарлады.

Билдирмеге караганда, кечээтен бери 16 722 киши коронавируска каршы вакцинанын биринчи дозасын алса, 472си экинчи дозасы менен эмделген.

Жалпысынан Кыргызстанда 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы айтылды.

Белгилей кетсек, өлкөгө AstraZeneca компаниясынын коронавируска каршы вакцинасынын 226 миң дозасы жеткирилген.

Андан мурда, тагыраагы, 11-июлда, Кыргызстанга Кытайдан Sinopharm вакцинасынын 1 миллион 250 миң дозасы алып келинип, өлкөдө калкты массалык түрдө эмдөө башталган.

10
Белгилер:
Кыргызстан, вакцина, эмдөө, коронавирус, иммунитет
Тема:
Коронавируска каршы эмдөө
Тема боюнча
Үймө-үй кыдырып эмдөөдө вакцина бузулбайбы? Адистин жообу
Мэрия: 10 киши чогулса мобилдик топ барып вакцина сайып берет