Памир кыргыздары. Архив

Памирге кеткен кыргыздардан дайын барбы? Миграция кызматынын жообу

1706
(жаңыланган 09:22 21.09.2018)
Учурда Памирдеги кыргыздар менен байланышуу мүмкүн болбой жатат.

БИШКЕК, 19-сен. — Sputnik. Жайында Памирге кеткен 18 боордош Кыргызстанга кайта элек. Бул тууралуу Sputnik Кыргызстан агенттигине Миграция кызматынан кайрылмандар жана качкындар менен иштөө бөлүмүнүн башчысы Жыпара Мамбетова билдирди.

Заведующая отделом по делам кайрылманов и беженцев Государственной службы миграции Жыпара Мамбетова во время интервью на радио Sputnik Кыргызстан
© Sputnik / Табылды Кадырбеков
Миграция кызматынан кайрылмандар жана качкындар менен иштөө бөлүмүнүн башчысы Жыпара Мамбетова

Анын айтымында, учурда алар менен байланышуу да мүмкүн болбой жатат.

"Кечээ бул жактагы туугандарынан сурасам Файзавадга Тажикстандын визасын алганы кетиптир дешти. Негизи транзиттик виза болбосо бул жакка кайра кире алышпайт. Биз кетип жатканда аларга үч айга чейин жарайт деген чыгуу визасын бергенбиз. Келет деп күтүп жатабыз, бирок байланыш жок. Элчиликке деле кайрылышпаптыр. Кеткендердин көбү Нарындагы лицейди окуп бүтүргөн балдар болчу, сертификаттарын алышкан. Бирок кайра келип окуубузду улантабыз дегендей кылышкан. Чыгуу визасы боюнча алар бизге октябрга чейин кирүү укугу бар. Эгер ага жетишпей калса, анда Кабулга барып кайра виза жасатууга туура келип калат", — деди Мамбетова.

Эске салсак, 2017-жылдын октябрь айында Памирде жашаган 33 этникалык кыргыз тарыхый мекенине өкмөт тарабынан көчүрүлүп келип, Куланак айылына отурукташкан. Кийин 2018-жылы жазга жуук дагы бир нече адам келген.

Ал эми 6-июлда 18 киши жайкы каникулга карата Бишкектен Памирди көздөй сапар алышкан. Алардын арасында бир нече үй-бүлө жана 6 жашка чейинки эки кичинекей бөбөк бар болчу. Ошентип Кыргызстанга келген боордоштордун ичинен Нарында 33ү калган. Анын үчөө кесиптик-лицейде билим алган балдар болчу. Ошолордун ичиндеги Ноорулхуда менен Авдувакил учурда Ош шаарындагы Ош мамлекеттик университетинде билим алууда.

Мамбетова балдар сентябрь айынан бери аталган университеттин алдындагы колледж жана гимназияда окуп баштаганын айтты.

"Былтыр Кыргызстанга келген боордоштордун ичинен 22 жаштагы Ноорулхуда менен 19 жаштагы Авдувакил буга чейин Афганистандын борбору Кабул шаарындагы мектептен билим алышыптыр. Балдардын окуду деген документтери Кыргызстанга жайында келди. Аны алып биз Билим берүү министрлигине "экөөнүн алган билими биздин өлкөнүн стандарттарына туура келеби" деп көрсөтүп көрдүк. Министрлик карап чыгып биринин билими 8-класстын, экинчисиники 10-класстын программасына туура келет деген тыянак чыгарып берген. Учурда Абдувакил ОшМУнун алдындагы "Ыйман" гимназиясында, ал эми Ноорулхуда педогогикалык колледжде билим алууда", — деди Мамбетова.

Боордоштор аталган окуу жайда бекер окуп, алардын тамак-аш, жатаканасынын каражатын да ОшМУ өз мойнуна алган.

Миграция кызматынын өкүлү балдар эмне себептен окуусун Нарында улантпаганын да түшүндүрүп берди.

"Алар бир жыл Нарындын кесиптик-техникалык лицейинде окуп, компьютердик курстун сертификатын алышкан. Бирок Нарында аларды акысыз окутууга колледж табылган жок, Бишкектеги билим берүү жайлары да бекер жатакана, тамак-аш менен камсыздай албай турганын айтышты. Ушундан кийин биз ОшМУга кайрылып макулдугун алдык. Анын үстүнө балдардын Ошто турууга каалоосу күч эле",— деди Мамбетова.

Ноорулхуда менен Абдувакил Памири экөө тең Улуу Памирдин мурдагы ханы Турдакун ажынын балдары. Турдакун ажы мурун кыргыздардын атынан парламентте депутат болуп, 2016-жылы дүйнө салган.

1706
Белгилер:
Памир кыргыздары, окуу, Ош
Тема:
Памирлик кыргыздар (80)
Тема боюнча
Памирге кайткан кыргыздар тажик-афган чек арасын кесип өтүштү. Видео
Нарындагы Памир кыргыздары эмнеге нааразы? Видеорепортаж
Тоолуу Маевка айылына жакын унаа жолу

Шейшембиге карата аба ырайы

29
(жаңыланган 21:11 06.07.2020)
Түнкүсүн Ысык-Көл облусунун кээ бир райондорунда жаан жаап, күн күркүрөйт. Бийик тоолуу өрөөндөргө кар түшөт.

БИШКЕК, 6-июл. — Sputnik. 7-июль, шейшемби күнү, өлкө аймагы боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге дейре жетет.

Абанын температурасы Чүйдө+28…+33, Таласта +26…+31, Ош, Баткен жана Жалал-Абад облустарында +30…+35 жана Ысык-Көл менен Нарын жергесинде +22…+27 градус жылуу болот.

Ал эми Бишкек шаарында күндүн табы +30…+32, Ош калаасында +33…+35 градуска дейре көтөрүлсө, Чолпон-Атада термометрдин көрсөткүчү +23…+25 градуска чейин жетет.

29
Белгилер:
аба ырайы, Кыргызстан
Тема боюнча
Алдыда аптаптуу ысык болбойбу? Бир жумага карата аба ырайы
Почтада посылкалар. Архив

Бишкекте почта түйүндөрү бир жума иштебейт

74
(жаңыланган 20:03 06.07.2020)
Бишкек шаарындагы почталар 13-июлдан тарта иштеп баштайт. Ушул эле күнү социалдык төлөмдөрдү жеткирүү да башталат.

БИШКЕК, 6-июл. — Sputnik. "Кыргыз почтасы" ишканасынын Бишкектеги бөлүмдөрү калаада вирустук инфекцияны жайылтып жиберүүнүн алдын алуу максатында 7-13-июль күндөрү профилактика иштерине жабылат. Бул тууралуу мэриянын маалымат кызматынан кабарлашты.

"Абалдын кескин курчуп кетишинен улам аталган ишкананын филиалы болгон "Бишкек почтамт" бир апта бою өз бөлүмдөрүндө санитардык-эпидемиологиялык коопсуздукту камсыздоо боюнча иш-чараларды өткөрөт", —  деп айтылат таратылган кабарда.

Каттоо кызматынын Архив агенттиги карантинге жабылды

Ал эми 13-июлдан тарта Бишкек шаарындагы почталар иштеп, ушул эле күнү социалдык төлөмдөрдү жеткирүү да башталат.

"Кыргыз почтасы" мамлекеттик ишканасы почта түйүндөрүндө төмөнкү эрежелерди сактоону өтүнөт:

  • Почта бөлүмүнүн имаратынын ичине аз сандагы кишилер кириши керек жана 1,5 метр бири-биринен обочо турушу шарт. Калгандары коопсуздук үчүн көчөдө күтүп турат;
  • Бөлүмдө жана анын жанында жарандар 1,5 метрлик аралыкты сактап турушу керек;
  • Почтага кирер алдында бет кап кийгенди унутпагыла. Эгерде ансыз келсеңиз, ичине кире албайсыз;
  • "Кыргыз почтасы" ишканасы азыркы абалдан улам бардык түйүндөрүндө келгендерге ыңгайлуу жана коопсуз шарт түзүп бергенге аракет кылат.
74
Белгилер:
почта, коронавирус, эпидемия, Бишкек, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Кыйын кырдаалдан кантип чыгабыз? Жээнбеков берген тапшырмалардын тизмеси
Баткен облусунда Исфана — Сулюкта жолунда тоолор. Архив

Сүлүктүдө жер көчүп, автоунаа жолун тосуп калды. Видео

42
(жаңыланган 23:33 06.07.2020)
Жолду тазалоо үчүн бир жүктөгүч, эки самосвал тартылып, бир тараптуу ачылган. Тазалоо иши эртең дагы улантылат.

БИШКЕК, 6-июл. — Sputnik. Баткен облусунун Сүлүктү шаарында жер көчүп, автоунаа каттаган чоң жолду тосуп калды. Бул тууралуу Өзгөчө кырдаалдар министрлигинин маалымат кызматы кабарлады.

Билдирмеге караганда, бүгүн саат 17:40 чамасында Кызыл-Бел тилкесинде болжол менен 1000 метр куб жер сүрүлүп, жолду бөгөп салган. Жабыркаган адамдар жок.

Бир үй-бүлөдөн эле... Сүлүктү шахтасындагы төрт кишинин өлүмүнүн чоо-жайы

Жолду тазалоо үчүн Кытайдын жол куруучу компаниясынан бир жүктөгүч, эки самосвал тартылып, бир тараптуу ачылган. Кеч киргендигине байланыштуу саат 20:20да тазалоо иш-чаралары убактылуу токтотулган. Иштин эртең дагы улантылары айтылат.

42
Белгилер:
тазалоо, жол тосуу, автоунаа, Жер көчкү
Тема боюнча
Адам өмүрүн эмес, сөөгүн сактап калган учурлар болот. Куткаруучунун маеги
Жыл башынан бери 35 адам сууга чөктү. Өкмөт коңгуроо кагууда