Абактагы адам. Архив

Машыгып, тил үйрөнүп, мыйзам жазып... Абактагы атка минерлер эмне менен алек

2423
(жаңыланган 10:54 23.09.2018)
Түрдүү айыптар тагылып камалган атка минерлер темир тор артында мыйзам жазып, англис тилин үйрөнүп, китеп окуп жана спорт менен машыгып күн өткөрүүдө.

Качандыр бир кезде баш мыйзамды жазып, маанилүү чечимдерди кабыл алып Кыргызстандын тагдырына түздөн-түз таасирин тийгизген айрым адамдар чоң креслодон кулап, түрмөгө отуруп калды. Sputnik Кыргызстан агенттиги ошол абактагы атка минерлердин абалына жана эмне менен алектенип жатканына кызыкты.

Өмүрбек Текебаев

Лидер партии Ата Мекен Омурбек Текебаев в Первомайском районном суде Бишкека на судебном процессе
© Sputnik / Расул Усеналиев
Өмүрбек Текебаев Жогорку Кеңештин депутаты кезинде 2017-жылдын февраль айында камакка алынган

"Ата-Мекен" партиясынын лидери Өмүрбек Текебаев Мирсаид Миррахимов атындагы улуттук кардиология борборунда бир жарым ай дарыланып, 14-сентябрда кайра Бишкектеги №47 түзөтүү колониясына кайтарылган. Адвокаты Искен Афиджанов учурда анын ден соолугу канааттандыраарлык экенин билдирди.

"Өмүрбек Чиркешович абакта китеп окуп, иштеп да жатат. Алдыдагы парламенттик шайлоого даярданып, партиянын программасын жана стратегияларын түзүүдө. Мындан сырткары, мыйзамга өзгөртүүлөрдү жана мыйзам долбоорлорун жазууда. Спорт зал жок, өзүнүн бөлмөсүндө чакан машыгуу жайы бар. Ооруканага жатканга чейин айына эки жолу үй-бүлөсү менен кезигип турган", — деди Афиджанов.

Садыр Жапаров

Арестованный политик Садыр Жапаров
© Sputnik / Расул Усеналиев
2017-жылдын 25-мартында чет жакта жүргөн экс-депутат Садыр Жапаров Кыргызстандын "Ак-Жол" чек ара постуна киргенде УКМК кызматкерлери кармап кеткен

Бийлик өкүлүн барымтага алган деп кармалган экс-депутат Садыр Жапаров Молдовановкадагы №1 түзөтүү абагында жаза мөөнөтүн өтөп жатат. Анын жактоочусу Шарабидин Токтосунов экс-депутат өлкөнү өнүктүрүү планын жазып жатканын айтты.

"Садыр Жапаров менен 11-сентябрда жолуктум. Ал түрмөнүн ичинде мечитке каттап, беш убак намазын калтырбай окуп жатат. Спорт менен машыгып, футбол да ойношот экен. Китептерди көп окуйт. Канткенде Кыргызстандын экономикасын өнүктүрүп, бирөөнүн буйругу эмес мыйзамга таянып иш жасай турган коом курабыз деп ой толгоп, пландарды жазууда. "Кумтөр" маселесине дагы деле кейип отурат. Ден соолугу жакшы. Бирок мыйзамсыз камалганына ызасы чексиз. Туугандары менен жолугуп турат", — деди Токтосунов.

Сапар Исаков

Премьер-министр Кыргызской Республики Сапар Исаков провел рабочее совещание по вопросу деятельности Государственного предприятия Государственная лотерейная компания. 6 ноября 2017 года
© Пресс-служба правительства / Сабыр Аильчиев
Бишкек ТЭЦин модернизациялоо боюнча козголгон кылмыш иштин алкагында үстүбүздөгү жылдын 5-июнунда мурдагы премьер-министр Сапар Исаков камалган

Ал эми мурдагы премьер-министр Сапар Исаковдун адвокаты Нурбек Токтакунов ал дагы деле спорт менен машыгуусун улантып, тил үйрөнүп жатканын белгиледи.

"Мурда түрмөгө түшкөндөр "оорудум" деп чыкчу эмес беле. Ал антпей өзүн катуу кармап жүрөт. Саламаттыгына даттанган жок. Абактын ичиндеги спорт залда машыгууда. Көбүнчө кыргызча китептерди жеткирип берүүнү суранууда. Андан тышкары, англис тилин өздөштүрүп жатат", — деди адвокат.

Осмонбек Артыкбаев

Депутат ЖК Осмонбек Артыкбаев. Архивное фото
© Фото / пресс-служба ЖК
КСДП фракциясынын депутаты Осмонбек Артыкбаев 6-июнда тергөө абагына киргизилген

Бишкек ТЭЦтин айланасындагы чыр боюнча кармалган мурдагы энергетика министри, депутат Осмонбек Артыкбаевдин авдокаты Айжан Орозакунованын айтымында, анын саламаттыгы күндөн-күнгө начарлап жатат. Ал УКМКнын убактылуу кармоочу жайына киргизилген.

"Жакталуучумдун абалы начарлап жаткандыктан күндө барып жатабыз. Деми кысылып, кан басымы көтөрүлүүдө. Ошондой эле омуртка оорусу күчөп, баскан сайын буту ооруп жатат. Мурда маалымдалгандай өнөкөт жүрөк дарты да бар. Өзүн алаксытуу үчүн китептерди алдырып окуйт. Абактагы башка жарандар сыяктуу эле айына эки жолу жубайы менен жолугат", — деди Орозакунова.

Деген менен УКМКнын төрагасы Идрис Кадыркулов Артыкбаев жакында кардиологияга үч жумадай жатып, жүрөгүнө операция жасатып, реабилитация курсунан өткөндөн кийин абалы турукташканын маалымдаган.

Кубанычбек Кулматов жана Албек Ибраимов

  • Председатель правления РКФР Кубанычбек Кулматов
    Кубанычбек Кулматов Бажы кызматынын төрагалыгынан кеткенден кийин ага кылмыш иши козголуп 5-июнда камалган
    © Sputnik / Жоомарт Ураимов
  • Мэр Бишкека Албек Ибраимов
    Экс-мэр Албек Ибраимов 19-июлда УКМК кызматкерлери тарабынан кармалган
    © Пресс-служба правительства / Сабыр Аильчиев
1 / 2
© Sputnik / Жоомарт Ураимов
Кубанычбек Кулматов Бажы кызматынын төрагалыгынан кеткенден кийин ага кылмыш иши козголуп 5-июнда камалган

Тергөө абагында жаткан Бажы кызматынын мурдагы жетекчиси Кубанычбек Кулматов менен Бишкектин экс-мэри Албек Ибраимовдун жактоочусу Сергей Слесаров экөөнүн тең ден соолугу жакшы экенин кабарлады.

"Жакталуучуларым тергөө абагында болгондуктан көп нерселер чектелүү. Компьютер, телефон жок. Болгону китеп окуганга мүмкүнчүлүк берилген. Жумасына эки-үч жолу сейилдөөгө чыгып турат. Кулматов камалгандан бери жубайы менен да жолугууга уруксат бериле элек. Албек Ибраимов болсо үй-бүлөсү менен жолугуп турат", — деди жактоочу.

Жантөрө Сатыбалдиев

Экс-премьер-министр Жанторо Сатыбалдиев во время заседания в ЖК
© Фото / пресс-служба ЖК / Ашыркул Оморкулов
Мурдагы өкмөт башчы Жантөрө Сатыбалдиев 18-июнь күнү Бишкек ТЭЦине байланыштуу иш боюнча кармалган

Улуттук коопсуздук мамлекеттик комитетинин тергөө абагында кармалып турган Жантөрө Сатыбалдиев медициналык кароодо жүрүп, 18-сентябрь күнү кардиологияга өзүнүн дарыгеринин көзөмөлү менен ооруканага жаткырылды. Бул туурасында УКМКнын төрагасы Идрис Кадыркулов Жогорку Кеңеште депутаттардын суроолоруна жооп берип жатып кабарлады.

Саясатчы ага чейин абакта эмне менен алектенип отурганын жактоочусу Марат Эшперов кабарлоодон баш тартты. Ал Сатыбалдиевдин өзү менен жолугуп маалымат берүүгө уруксат алгандан кийин гана айта аларын билдирди.

2423
Белгилер:
Кыргызстан, Кубанычбек Кулматов, Өмүрбек Текебаев, Осмонбек Артыкбаев, Садыр Жапаров, Сапар Исаков, Жантөрө Сатыбалдиев, Албек Ибраимов, спорт, абак, адвокат, тергөө абагы
Тема боюнча
Түнкүсүн уктай албай жатат. Жантөрө Сатыбалдиевдин абактагы абалы айтылды
ТЭЦ чуусу боюнча камакка алынган аткаминерлердин саны онго жетти. Тизме
Сапар Исаковдун жубайы Малика: экөөбүз тең жолугушууну күн санап күтөбүз
Экс-депутат Адахан Мадумаров. Архивдик сүрөт

"Бүтүн Кыргызстан" партиясынан кимдер өттү? 6 талапкердин аты-жөнү

694
(жаңыланган 00:06 29.11.2021)
"Бүтүн Кыргызстан" партиясы АСУнун болжолдуу жыйынтыктарына ылайык, республика боюнча шайлоочулардын 6,5 пайыз добушуна ээ болду.

БИШКЕК, 28-ноя. — Sputnik. Борбордук шайлоо комиссиясы жарыялаган АСУ эсебинин натыйжасы боюнча Жогорку Кеңештин VII чакырылышына кимдер депутат болуп барары белгилүү болду.

Ага ылайык, "Бүтүн Кыргызстан" партиясынан алты талапкер эл өкүлү болуп келген.

  1. Адахан Мадумаров;
  2. Исхак Масалиев;
  3. Эмиль Токтошев;
  4. Алишер Эрбаев;
  5. Орозайым Нарматова;
  6. Гуля Кожокулова.

Аталган партия алдын ала эсеп боюнча республика боюнча шайлоочулардын 6,5 пайыз добушуна ээ болду.

АСУ болжолдуу жыйынтыктарды жарыялагандан кийин БШК добуштарды кол менен санайт. 18-декабрга чейин БШК парламенттик шайлоонун партиялык тизме боюнча да, бир мандаттуу округ боюнча да акыркы жыйынтыгын айтышы керек.

694
Белгилер:
Жогорку Кеңешке шайлоо, шайлоо, 'Бүтүн Кыргызстан' партиясы, депутаттар
Тема:
2021-жылкы парламенттик шайлоонун жыйынтыгы
Тема боюнча
"Ишеним" партиясынан Жогорку Кеңешке кимдер келе жатат? 12 талапкердин аты-жөнү
"Ыйман нуру" партиясынан депутат болчулар. Беш талапкердин аты-жөнү
"Ынтымак" партиясынан кимдер өттү? 7 талапкер
Борбордук шайлоо комиссиясынын төрайымы Нуржан Шайлдабекова. Архивдик сүрөт

Шайлдабекова БШКнын сайты эмнеге иштебей калганына жооп берди