Диппаспорт ээлеринин кандай артыкчылыктары бар? Документ тууралуу маалымат

© Sputnik / Виталий Аньков / Медиабанкка өтүүРабота международного пункта пропуска "Благовещенск (РФ) - Хэйхэ (КНР)"
Работа международного пункта пропуска Благовещенск (РФ) - Хэйхэ (КНР) - Sputnik Кыргызстан
Жазылуу
Жогорку Кеңештин депутаты Аида Касымалиева Эмгек жана социалдык өнүгүү министрлигинин жетекчилери эс алууга барганда дипломатиялык паспортту колдонгон деп айтып чыкты.

БИШКЕК, 25-сен. — Sputnik. Жогорку Кеңештин депутаты Аида Касымалиева Эмгек жана социалдык өнүгүү министрлигинин жетекчилери анын ичинде жумуштан кетирилген министрдин орун басары Зууракан Каденова эс алууга барганда дипломатиялык паспортту колдонгон деп айыптады.

Депутат документтин бул түрүн кызматтык сапарларга барганда гана колдонуу керектигин кошумчалаган.

Мындан улам Sputnik редакциясы мыйзамга көз жүгүртүп, дипломатиялык паспорт деген эмне, ал кимдерге берилерин жана кандай максатта колдонуларын тактап көрдү.

ЖК депутаты Лунара Мамытова. Архив - Sputnik Кыргызстан
Лунара Мамытова командировкага мыйзамсыз чыкканбы? Министрликтин жообу
Диппаспорт кызматтык паспорт сыяктуу эле жаран сыртка чыкканда анын өздүгүн аныктап, башка өлкөгө киргенден чыкканга чейин колдонулат. Мамлекеттик маанидеги бул документтин ээси КРдин коргоосу алдында дегенди түшүндүрөт.

Аны ТИМдин консулдук кызматы беш жылдык мөөнөткө берет. Анын ээси жумуштан кетирилген учурда беш күндүн ичинде кайтарып алынат. Мөөнөтү бүткөн паспорттор дагы кайра алынып, жок кылынат.

Диппаспорт кызматтык сапарларда гана колдонушулу шарт. Бул үчүн аны берүүгө өтүнүч кылган мамлекеттик орган жооп берет. Ошондуктан КРдин аймагынан сырткары кызматтык командировкага чыккан адам кайтып келген соң он күндүн ичинде аны иштеген жеринин кадрлар бөлүмүнө тапшыруусу керек.

Дипломатиялык паспорт кимдерге берилет?

Кыргыз Республикасынын президентине;

Жогорку Кеңештин төрагасына;

Премьер-министрге;

Жогорку Кеңештин депутаттарына;

Вице-премьер-министр, биринчи вице-премьер-министрге;

Президенттин аппаратынын жетекчисине, биринчи орун басарына жана орун басарына;

Жогорку Кеңештин аппаратынын жетекчиси, биринчи орун басары жана орун басарына;

Өкмөттүн аппарат жетекчиси, анын биринчи орун басары менен орун басарына;

Министр, министрдин орун басарлары менен статс-катчыга;

Мамлекеттик комитеттер менен кызматтардын төрагаларына;

Мамлекеттик комитеттин төрагасынын орун басарына;

Облустук администрациянын башчысы — губернаторго;

Жогорку соттун төрагасына;

Жогорку соттун Конституциялык палатасынын төрагасына;

Шайлоо жана референдум өткөрүү боюнча борбордук шайлоо комиссиясынын төрагасына;

Башкы прокурорго;

Эсеп палатасынын төрагасына;

Президенттин жана өкмөттүн иш башкармалыгынын жетекчисине;

Мамлекеттик агенттиктердин директорлоруна;

Тышкы саясат чөйрөсүндөгү дипломаттык кызматта иштеген кызматкерлерге;

Аскердик атташеге;

Эл аралык уюмдардагы өкүлчүлүктөрдө дипломаттык кызматка тең келген кызматты аркалаган жумушчуларга жана алардын үй-бүлө мүчөлөрүнө;

Кыргызстандын Түштүк Кореядагы элчиси Кылычбек Султан. Архив - Sputnik Кыргызстан
Каденова чуусу: элчи Кылычбек Султанды кызматтан алуу каралып жатат
Дипломаттык өкүлчүлүк, консулдук мекемеде же эл аралык уюмдардын алдындагы чет элдик өкүлчүлүктөрүнө командировкага жиберилгендерге жана аны менен кошо кетип жаткан үй-бүлө мүчөлөрүнө;

Атайын жана ыйгарым укуктуу элчи дипломаттык рангына ээ адамга;

Кыргыз Республикасынын баатыры, экинчи даражадагы "Манас" орденинин ээсине;

Ошондой эле өлкө башындагы адамдардын жакындарына (өмүрлүк жары жана бойго жете элек балдары) алар менен бирге чет өлкөгө чыккан учурларда берилет;

Аталган документти жарандык-укуктук, нотариалдык бүтүмдөрдү жана банктык операцияларды жасоо үчүн колдоно албайт жана аны күрөө алуу үчүн калтырууга болбойт.

Дипломатиялык паспорт ээлери айрым чет өлкөлөргө визасыз кирип, ал аймакта жүрүүгө укуктуу. Бирок бара турган мамлекет ортосунда макулдашуу болгон учурда гана.

Жаңылыктар түрмөгү
0